Свет
Во Јемен убиени шест демонстранти
Припадниците на безбедносните сили на Јемен ги нападнаа учесниците на новите демонстрации во главниот град Сана’а, при што загинаа најмалку шест лица, јавува Press TV.
Припадниците на безбедносните сили на Јемен ги нападнаа учесниците на новите демонстрации во главниот град Сана’а, при што загинаа најмалку шест лица, јавува Press TV.Како што јавува дописникот на телевизијата, јеменските безбедносни сили употребиле огнено оружје против демонстрантите кои денеска мирно протестирале на Плоштадот на слободата во главниот град.Претходно во неделата, најмалку 35 лица загинаа а повеќе од 700 беа повредени во нападот врз демонстрантите во Сана’а, кога безбедносните сили отворија оган врз десетици илјади луѓе кои бараа заминување од власта на режимот на претедателот Али Абдула Салех.Крвопролевањето во неделата беше најкрвавиот инцидент од почетокот на демонстрации во Јемен кон крајот на јануари.Масовни протести против актуелната власт во Јемен се одржуваат и во другите големи градови, како Таиз, Са’ада, Иб и Дамар..Претседателот Салех, кој во Саудиска Арабаија закрепнуваше по нападот врз претседателската палата, во неделата изјави дека тој нема да поднесе оставка до одржувањето на претседателските избори на кои ќе се избира неговиот наследник.Во говорот во Советот за човекови права на Обединетите нации во Женева, во понеделникот јеменскиот министер за надворешни работи Абдула ал-Абубакр Ќириби рече дека ќе се испитаат околностите за инцидентот во неделата.„Владата ќе ги испита и ќе ги повика на одговорност сите одговорни за овие инциденти“, рече Ќириби.Планот на Совет за соработка на арапските држави од Заливот предвидува мирно решавање на внатрешниот политички конфликт во Јемен, што треба да се обезбеди со повлекување на претседателот Салех од власта во рок од 30 дена по формирањето на влада на национално единство. По назначувањето на владата, претседателот треба да ја предаде власта на заменик-претседателот а опозицијата да запре со демонстрациите. Иако Салех во принцип не го одбива планот на Советот, претходно трипати под различни изговори, одби да ја потпише оваа мировна иницијатива.На 3-ти јуни врз претседателот Салех непознати лица пукаа додека тој беше во џамијата во близина на претседателската палата во престолнината Сана’а. Според други извори, во џамијата експлодирала подметната бомба. Повредени во експлозијата беа и премиерот и заменик премиерот, претседателот на парламентот и неколку политичари кои присуствуваа на традиционалната петочна молитва. Салех, во нападот се здоби со изгореници околу 40 проценти на кожата и повреди на белите дробови. По два дена во Ријад нему му беше извршена операција со која беа отстранети шрапнели од проектил.Јеменската опозицијата соопшти на 25-ти јули дека нема да влезе во никакви преговори со владата, доколку Салех не го потпише договорот за предавање на власта во рамките на мировната иницијатива на Советот на Заливот.Масовни антивладини протести започна во Јемен во почетокот на февруари а од средината на март станаа поорганизирани. Демонстрантите бараат реформи и оставка на сегашниот претседател Салех, кој е на власт 33 години. Јеменски безбедносни сили користат оружје за да ги растурат протестите, а според западните медиуми во текот на немири во земјата загинаа неколку стотици луѓе./крај/птв/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.