Спорт
Саинз го зголеми водството со победата во десеттата етапа
Со победата во десеттата етапа која се возеше од Ла Серена до Сантијаго во Чиле со вкупна должина од 586 км,го зголеми водството во генералниот пласман во категоријата автомобили
Со победата во десеттата етапа која се возеше од Ла Серена до Сантијаго во Чиле со вкупна должина од 586 км,го зголеми водството во генералниот пласман во категоријата автомобили.
Саинз ја заврши етапата за 3 часа 1 минута и 5 секунди, пред Стефан Петерхансел и Марк Милер.Хуан Мануел Короминас беше најбрз во десеттата етапа со време од 3 часа 33 минути и 16 секунди во категоријата мотори на четири тркала пред дуото Маркос и Алесандро Патронели.
Марк Кома во категоријата мотори на две тркала стигна до својата четврта вкупна етапна победа но сеуште има големо заостанување зад Деспре во генералниот пласман. Кома стигна до целта со време од 3 часа, 10 минути и 43 секунди додека пак трката на второто место ја заврши Давид Фретиње а трет беше Португалецот Хелдер Родригез.
Лидерот во категоријата камиони Владимир Чагин по второто место во деветтата етапа, во десеттата повторно се врати на победничките патеки, и трката ја заврши со време од 3 часа, 44 минути и 23 секунди. Втор беше клупскиот колега Фирдаус Кабиров а трет Џосеф Адуа.
Единаесеттата етапа од релито ќе се вози Сантијаго до Сан Хуан и со тоа натпреварувачите повторно ќе навлезат во Арgентина, а ќе излезат од пустината Атакама.
Моторциклистот Лука Манка кој претрпе тешка повреда на главата е изваден од комата за да се провери церебралната едема која ја имаше по повредата. Лекарите соопштија дека едемата е речиси исчезната но сеуште е приклучен на респиратори, и повторно бил вратен во коматозна состојба во која ќе биде до крајот на неделата./крај/дак/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Атлетико во 90.минута до триумф над Лајпциг, Барса со играч помалку падна во Момте Карло
Атлетико Мадрид, Монако и дебитантот Брест славеа во првото коло во Лигата на шампионите, додека Аталанта и Арсенал одиграа натпревар без голови. Атлетико, Монако и Брест со идентични 2:1 забележаа победи над Лајпциг, Барселона и Штурм.
На „Сивитас Метрополитано“, Атлетико на погонот на Гризман го победи Лајпциг. Херој е дефанзивецот Хименез кој постигна гол по центаршутот на Гризман во 90.минута.
Претходно Лајпциг ги шокира домашните навивачи беќе во четвртата минута кога Шешко го совлада репрезентативниот колега Облак.
Тоа беше се од Лајпциг на овој натпревар се до 80.минута кога добра шанса имаше Поулсен.
Атлетико доминираше и впечатокот е дека многу порано играчите на Чоло Симеоне можеа да го решат прашањето околу конечниот победник.
Две добри шанси имаа до израмнувачкиот гол (Гризман и Кореа), а во 28.минута Гризман од 11 метри фати полуволеј и ја смести топката зад грбот на Гулаши.
Македонскиот репрезентативец Елмас на теренот влезе во 83.минута на местото на Чави Симонс.
Во Монте Карло, Монако и го нанесе првиот пораз оваа сезона на Барселона. Натпреварот на стадионот „Луј II“ го следеше легендарниот Мајкл Џордан.
Michael Jordan in the house! 🐐#MonacoBarça pic.twitter.com/Ud4ntPfHUO
— FC Barcelona (@FCBarcelona) September 19, 2024
Работата на домашните им ја олесни Ерик Гарсија кој во 10.минута доби црвен картон. Шест минути подоцна Монако дојде до предност кога Акелијуше го совлада Тер Штеген. Барселона успеа да се врати во натпреварот во 28.минута кога Ламин Јамал соло акцијата ја заврши со гол.
Овој резултат беше активен до 72.минута кога Леникена го искористи совшеното додавње од 50 метри на Вандерсон излезе сам пред Тер Штеген и погоди за 2:1.
Брест деби настапот во Лигата на шампионите го заврши со победа. Историскиот прв гол за овој тим во елитното натпреварување го постигна Магнети во 23.минута. Изедначи на истекот на првиот дел Фернадеш кој си постигна авто-гол. Победата на Брест му ја обезбеди Сима во 56.минута.
Спорт
(Видео) Бенфика на турски погон победи во Белград, Баер го декласира Феенорд
Бенфика и Баер Леверкузен со победи стартуваа во новата сезона во Лигата на шампионите.
Бенфика славеше во Белград против Црвена звезда со 2:1, а Леверкузен рутински го порази Феенорд со 4:0.
Црвена звезда ја надигра Бенфика во Белград, но победата ја однесе тимот од Лисабон. Лошите десет минути од почетокот на мечот ја однесоа Црвена звезда во пораз.
Актуркоглу во деветта минута ја искористи бавната реакција на Круниќ. Од тј момент домаќинот притисна, но налетот го одби Кокчу со перфектно изведен слободен удар.
Во вториот дел црвено-белите притискаа, го надиграа и наттрчаа противникот, но успеаја да постигнат само еден гол, во 86.минута кога погоди Милсон.
Германскиот првак Баер Леверкузенза едно полувреме го декласира Феенорд во Ротердам. Два гола постигна Вирц, еден Грималдо, а како шлаг на победата дојде комичниот авто-гол што си го постигна голманот на Феенорд.
Спорт
Рикиардо би можел да го напушти тимот по ГП во Сингапур
Возачот на РБ, јуниорскиот тим на Ред Бул, Даниел Рикиардо изјави дека не е сигурен дали ќе остане во тој тим до крајот на сезоната во Формула 1 по трката во Сингапур.
Договорот на Рикиардо истекува на крајот од сезоната, но има шпекулации дека по неделната трка во Сингапур, тој би можел да биде заменет со Лиам Лосон во последните шест трки од сезоната на тимот РБ.
„Знам како е и како оди и знаев дека ќе има некои датуми и датуми оваа година, без разлика дали е летниот распуст или сега по Сингапур. Мислам дека има уште многу неизвесност. Ќе видиме како ќе помине викендот Ќе дадам се од себе, за се што имам секогаш има за што да се борам, планот е да се обидам да стигнам до подиумот“, изјави Рикиардо.
35-годишниот австралиски возач се врати во Формула 1 кон средината на минатата сезона со РБ, но не успеа да се врати во добра форма и сега е 14-ти во генералниот пласман кај возачите, со 10 поени помалку од тимскиот колега Јуки Цунода.
Запрашан дали трката во Сингапур може да биде негова последна, со оглед на условите на договорот, Рикиардо рече дека не мисли така.
„Но, јас исто така не сакам да почнам овде и да бидам адвокат. Би одговорил на прашањето – не, но знаеме како функционира овој спорт. Не сакам да кажам дека останувам и „100 проценти се обложувам на тоа Она што е лудо во врска со овој спорт е дека ако сум на подиумот овој викенд, веројатно ќе бидам еден од најпопуларните“, рече тој.
Рикиардо додаде дека работите брзо се менуваат во Формула 1, дека е свесен дека ситуацијата се вжештува, но дека ќе се концентрира на своите перформанси и ќе даде се од себе.
Големата награда на Сингапур се вози во недела од 14 часот.