Економија
Берзата со промет од 37 милиони денари
Македонската берза за хартии од вредност во понеделникот оствари вкупен промет од 36.929.452,51 денари, од кој повеќе од половината се за акциите и уделите во државна сопственост
Македонската берза за хартии од вредност во понеделникот оствари вкупен промет од 36.929.452,51 денари, од кој повеќе од половината се за акциите и уделите во државна сопственост.
МБИ10 го продолжи опаѓачкиот тренд од претходната недела, така што загуби 1,67% од својата вредност која на крајот од тргувањето изнесуваше 2.757,59 индексни поени. Ова претставува опаѓачка низа од четири денови по ред. Од почетокот на опаѓачкиот тренд МБИ10 се намали за околу 4,1%.
МБИД по негативниот тренд кој траеше три денови, денеска забележа благ пораст од 0,32% при вредност од 3.019,90 индексни поени. Најмногу влијание врз порастот на овој индекс имаше тргувањето со акциите на Раде Кончар Скопје. ОМБ со незначителен пад од 0,07% оствари вредност од 109,85 индексни поени.
Од официјалниот пазар најтргувана беше Комерцијална Банка Скопје со промет од 1.325.711,00 денари. Просечната цена изнесуваше 2.744,74 денари, а беше проследена со намалување кое изнесуваше 1,97% и кое претставува четврто непрекинато опаѓање. Истргувани беа 483 акции кои се реализираа преку 18 трансакции.
Гранит Скопје со промет од 788.700,00 денари го зафати второто место на официјалниот пазар според ликвидност. Трендот го смени правецот при просечна цена од 733,67 денари, а намалувањето на дневно ниво изнесуваше 0,87%. Истргувани беа 1.075 акции кои се истргува преку 11 трансакции.
Топлификација Скопје оствари промет од 604.955,00 денари кој беше доволен за пласирање на третото место според ликвидност од официјалниот пазар. При просечна цена од 4.839,64 денари, остварен беше остар пад од 3,21%, што значеше продолжување на падот од претходниот трговски ден. Истргувани беа 125 акции кои се реализираа преку 6 трансакции.
Убедливо најтргувана на редовниот, а воедно и на целиот пазар беше акцијата на Раде Кончар Скопје со промет од 6.822.600,00 денари. При просечна цена од 1.387,84 денари забележан беше раст од 10,06%. Истргувани беа 4.916 акции кои се реализираа преку 5 трансакции.
Втора според ликвидност од редовниот пазар беше Арцелормиттал (ХРМ) Скопје со промет од 960.681,00 денари. Просечната цена изнесуваше 161,00 денари , што значеше намалување од 0,62%. Истргувани беа вкупно 5.967 акции кои се реализираа преку 2 трансакции.
Согласно поднесено барање од членка на Македонската берза, а по проверката со Централниот Депозитар за хартии од вредност од 21.12.2009 година на редовниот пазар на Македонската берза АД Скопје ќе може да се тргува со акциите на Мој Фонд АД Скопје Пет најтргувани хартии од вредност1. Раде Кончар Скопје2. Комерцијална Банка Скопје3. Арцелормиттал (ХРМ) Скопје 4. Гранит Скопје5. Топлификација СкопјеХартии од вредност со најголем раст1. ТК Боро П.-Папучар Куманово 25,78%2. Раде Кончар Скопје 10,06%3. Реплек Скопје 1,14%4. Арцелормиттал (ХРМ) Скопје 0,62%5. РЖ Услуги Скопје 0,22%Хартии од вредност со најголем пад1. Комуна Скопје 30,14%2. ИДЕВЕЛОП Скопје 20,37%3. ТТК Банка Скопје 9,88%4. РЖ Техничка контрола Скопје 6,55%5. Фершпед Скопје 4,50%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
„Реплек“ пробива на строгиот британски пазар: Реконазол, прв лек на компанијата регистриран во Обединетото Кралство
Значаен успех на „Реплек“ во пробивањето на портфолиото на компанијата на строгите странски пазари. Со регистрацијата на Реконазол, производ за третман на дерматолошки состојби во Обединетото Кралство, „Реплек“ го направи својот прв важен чекор за пласман на британскиот пазар. Одобрението за Реконазол (ketoconazole) 2% шампон е издадено од британската Агенција за лекови и здравствени производи (MHRA), регулаторно тело на Обединетото Кралство кое се смета за еден од најригорозните системи во светот во делот на оценка на квалитетот, безбедноста и ефикасноста на лековите. Регистрацијата е потврда дека овој лек на „Реплек“, како и производствените процеси на компанијата, ги исполнуваат највисоките меѓународни регулаторни стандарди.
Оваа регистрација ќе важи пет години, а првиот извоз ќе се реализира преку локален партнер кон крајот на овој месец. Реконазол (ketoconazole) 2% шампон е наменет за превенција и третман на инфекции предизвикани од габата Mallassezia, вклучувајќи состојби како првут, себороичен дерматитис и tinea versicolor.
„Регистрацијата на Реконазол во Обединетото Кралство е важна пресвртница за компанијата и јасна потврда за квалитетот, стручноста и зрелоста на нашите производствени и контролни процеси. ‚Реплек’ има развоен, регулаторен и тим за контрола на квалитетот способни да подготват технички документации, клинички податоци, извештаи за усогласеност со добра производствена и добра лабораториска пракса, како и квалитетни системи споредливи со меѓународни стандарди. Фактот што овој наш производ успешно ја помина строгата евалуација на MHRA дополнително ја засилува довербата во компанијата, и од пациентите, и од нашите партнери. Регистрацијата на лекот е дел од нашата долгорочна стратегија за одржлив раст и континуирано зајакнување на присуството на развиените западни пазари“, изјави Душан Пецовски, генерален директор на „Реплек“.
Британскиот пазар е многу значаен глобален пазар, кој има јасни регулаторни барања и висока куповна моќ. Регистрацијата на медицински производ во Обединетото Кралство значи дека тој успешно ја поминал оваа ревизија, што ќе отвори врата и за настап на други развиени пазари во Западна Европа. Ова е уште еден доказ дека „Реплек“ располага со високоразвиени системи за контрола на квалитетот, способни да одговорат на барањата и на најпребирливите пазари. Регистрацијата на лек во Обединетото Кралство е силна референца која ја зголемува довербата и кај идните потенцијални партнери и дистрибутери, како и основа за натамошно ширење на портфолиото на меѓународните пазари. Со ова одобрение „Реплек“ уште посилно ја зацврстува својата позиција како сигурен и кредибилен фармацевтски производител, способен да одговори на највисоките регулаторни барања.
Неодамна „Реплек“ по петти пат го доби сертификатот EU GMP, потврдувајќи ја својата усогласеност со највисоките европски стандарди за добра производствена пракса, квалитет и безбедност. Континуираното унапредување на високите стандарди за квалитет и усогласеноста со европските регулативи се неразделен дел од корпоративната стратегија на „Реплек“. Квалитетот на производството се рефлектира и во финансиските резултати на компанијата за 2025 година, при што е постигнато значајно унапредување на профитабилноста, односно раст за 39% во однос на 2024 година.
(ПР)
Економија
Дурмиши: Повремените и сезонски работници добиваат законска заштита
Министерот за економија и труд, Бесар Дурмиши, денес истакна дека Законот за работно ангажирање на лица, кој започна да се применува од 1 јануари 2026 година, претставува значаен исчекор во уредувањето на пазарот на трудот и формализацијата на сивата економија.
„Тековниот период беше наменет за техничка и институционална адаптација, со цел имплементацијата на законот да биде ефикасна, усогласена и функционална во пракса. Формализацијата на сивата економија е стратешка определба на Владата и клучен сегмент од реформската агенда, бидејќи директно влијае на економскиот раст, стабилноста на јавните финансии и заштитата на работниците“, нагласи министерот.
Министерството за економија и труд, како што појаснуваат од таму, досега спроведуваше активни политики преку Оперативниот план за вработување, но анализите покажуваат дека дел од лицата остануваат надвор од формалните текови. Токму затоа, како што велат, е донесен овој закон, кој претставува суштинска реформа во повременото и сезонското ангажирање на работна сила.
Законот воведува пофлексибилен и поедноставен модел за легално ангажирање со јасна правна рамка и електронски процедури за пријавување, одјавување и уплата на придонеси. Новите правила овозможуваат ангажирање на вработени, невработени, студенти, ученици и пензионери без губење на веќе стекнати права, вклучително и социјални и детски права, паричен надоместок, пензии и права од образовниот систем.
Во првата фаза, законот ги опфаќа секторите каде сивата економија е најизразена – земјоделство, шумарство, рибарство, сместување, сервисни дејности за храна и активности во домаќинствата. Очекувањата се за формализација на до 12.000 сезонски работници во земјоделството и околу 5.400 непријавени работници во туризмот, угостителството и услугите, што вкупно опфаќа околу 17.400 лица.
„Оваа реформа носи конкретни придобивки и за работниците и за работодавачите. Работодавачите добиваат флексибилност и поедноставни административни постапки, а работниците добиваат исплата по час, придонеси за пензиско и инвалидско осигурување, дополнителен придонес за задолжително здравствено осигурување во случај на повреда или професионално заболување, како и јасна правна заштита на нивните права“, рече министерот.
Министерот Дурмиши упати посебна благодарност до Германското друштво за меѓународна соработка (ГИЗ) за експертската и техничка поддршка, како и до Агенцијата за вработување, Министерството за финансии, Управата за јавни приходи и сите други институции кои придонесоа во воспоставувањето на функционален и ефикасен систем.
Економија
Почна исплатата на „Мој ДДВ“, повик до граѓаните со погрешна сметка да ги ажурираат податоците
Управата за Јавни Приходи – УЈП ја почна исплатата на средства за скенираните фискални сметки за четвртото тримесечје од 2025 година.
За К4 – 2025 година ќе бидат исплатени вкупно 924,5 милиони денари кон 526.123 корисници на апликацијата МојДДВ.
До денес, реализирани се 184,5 милиони денари, кон 104.000 корисници на апликацијата МојДДВ. Исплатата на средствата продолжува, како се обработуваат налозите така се исплаќаат средствата на сметките на корисниците на МојДДВ.
Напомeна: во овој момент 5.292 корисници кои скенирале фискални сметки имаат внесено погрешна трансакциска сметка, поради што УЈП не е во можност да ја реализира исплатата.
„Апелираме Доколку немате добиено средства, проверете ги и ажурирајте ги податоците за трансакциската сметка директно во апликацијата МојДДВ. На тој начин УЈП ќе има точни податоци за корисникот и ќе може да изврши исплата на поврат по основ на МојДДВ“, велат од УЈП.

