Свет
Убиен лидер на православна заедница во Јафа
Лидерот на локалната православна заедница во Јафа во Израел убиен е со нож по Божикната парада, а дел од локалните медиуми јавија дека напаѓачот бил облечен како Дедо Мраз.
Лидерот на локалната православна заедница во Јафа во Израел убиен е со нож по Божикната парада, а дел од локалните медиуми јавија дека напаѓачот бил облечен како Дедо Мраз.„Еден арапски христијанин на возраст околу педесет години убиен е со нож од непознат напаѓач, кој побегнал од местото на злочинот“, изјави полициската портпаролка Луба Самри.Таа додаде дека нападнатиот човек во тешка состојба бил пренесен во Медицинскиот центар Волфсон, каде што им подлегнал на повредите.На прашањето дали жртва била свештено лице, Самри одговорила дека тој ја предводел групата од православни верници и дека инцидентот се случил при завршувањето на божиќниот марш.Полицијата нема докази дека нападот е извршен врз националистичка или верска основа, но интензивно се истражуваат сите околности за убиството. /крај/т/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.