Свет
„Фабрика“ му советувала на Јорданов да ги испере дамките за „Макстил“
Агенцијата за односи со јавноста „Фабрика“, каде што работат активни новинари, пред еден месец му советувала на кабинетот на вицепремиерот Минчо Јорданов дека мора да ја „испере дамката“ дека тој издејствувал бенефицирана цена за струјата за својата компанија „Макстил“.
Агенцијата за односи со јавноста „Фабрика“, каде што работат активни новинари, пред еден месец му советувала на кабинетот на вицепремиерот Минчо Јорданов дека мора да ја „испере дамката“ дека тој издејствувал бенефицирана цена за струјата за својата компанија „Макстил“. Истиот ден, постапувајќи според препораките на „Фабрика“, кабинетот на вицепремиерот испратил соопштение до медиумите со советите што му ги дала агенцијата. За ваквата комуникација „Време“ поседува валидни документи.
Во материјалите на „Фабрика“ пишува дека Ивица Боцевски, шеф на кабинетот на Јорданов, „со куса, но содржајна и аргументирана изјава треба да ја испере дамката на високиот владин функционер, што негативно се рефлектира врз целата Влада“. Со ова, како што пишува во документот што го составувал новинар на „Фабрика“, ќе се зајакне впечатокот дека Владата е институција што служи и работи за добро и во полза на интересите на сите граѓани, а не за лична корист на нејзини поединечни членови. Документот е напишан на 23 јануари, со препорака кабинетот на Јорданов да излезе со изјава на 26 јануари. Токму тој ден кабинетот на вицепремиерот објави соопштение во кое демантира дека издејствувал „Макстил“ да добие повластена позиција на пазарот со бенефицирана поевтина цена на електричната енергија.
„Фабрика“ му сугерирала на Боцевски во изјавата да нагласи дека „Макстил“ не потпишал договор за плаќање поевтина струја и дека во текот на целото постоење компанијата плаќа највисока цена на електрична енергија. Во соопштението на кабинетот на вицепремиерот се искористени токму овие препораки на „Фабрика“.
Новинарот советувал дека медиумите често го активираат прашањето за приватниот бизнис на Минчо Јорданов, па затоа сметал дека оваа практика мора да се прекине со изјава од кабинетот. Со тоа, пишува во документот, ќе се затворат сите прашања за евентуалното користење на власта за личните бизниси на вицепремиерот.
„Таргет-група треба да бидат негативно настроените медиуми, конкуренцијата или опозицијата што ги стимулира ваквите афери“, пишува во материјалот што новинарот тајно го подготвувал.
На нашето прашање дали добил инструкции од агенцијата како да го одбрани вицепремиерот Јорданов, шефот на кабинетот Ивица Боцевски одговори:
– Не можам да коментирам.
Го прашавме уште еднаш дали ја потврдува или ја демантира информацијата, тој ни го повтори истиот одговор и не упати да контактираме со владините портпароли.
Агим Јонуз, заменик-портпарол на Владата, категорично демантира каква било соработка со „Фабрика“.
– Никој од Владата не соработувал со таа фирма, освен кога се организираше прославата за кандидатскиот статус во ЕУ. Тоа одговорно го тврдам – вели Јонуз.
„Фабрика“, преку соопштение пред неколку дена, тврдеше дека нивните документи биле пробни и не биле испраќани до Владата. Останува отворено прашањето зошто една фирма со повеќе од 20 вработени, кои земаат хонорар од најмалку 300 евра, шест месеци прави пробни документи за Владата и си ги користи за интерна употреба.
Екипа на „ Време“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Се активираа сирените во Ерусалим по „лансирање од Либан“
Сирените за воздушен напад се огласија на периферијата на Ерусалим и окупираниот Западен Брег, според израелските апликации за предупредување.
Израелската војска соопшти дека тие биле предизвикани од „лансирање од Либан кон израелска територија“.
🚨Sirens sounded in the area of Jerusalem following a launch from Lebanon into Israeli territory🚨 pic.twitter.com/z7IALlaPRN
— Israel Defense Forces (@IDF) September 28, 2024
Видеа веќе се појавија на социјалните мрежи и на нив се слушаат звуци од сирените, а се гледа и чад.
BREAKING: Rockets fired from Lebanon hit the colonial Israeli settlement of Ma'ale Adumim, east of occupied Jerusalem. pic.twitter.com/wb0z3H939v
— Quds News Network (@QudsNen) September 28, 2024
BREAKING | Explosions heard in the vicinity of occupied Jerusalem. pic.twitter.com/6MS1HY6zbS
— The Cradle (@TheCradleMedia) September 28, 2024
Scenes from the Ma'ale Adumim settlement near Occupied Jerusalem pic.twitter.com/zwF50FrQGC
— Suribelle (@Syribelle) September 28, 2024
Според израелските медиуми, околу Ерусалим има целосно затемнување како резултат на ракетниот напад на Хезболах.
Повеќе детали очекуваме наскоро.
Свет
Нетанјаху: Насралах беше главниот мотор на иранската оска на злото
Бенјамин Нетанјаху даде изјава по убиството на лидерот на Хезболах Хасан Насралах.
Израелскиот премиер рече: „Државата Израел вчера го уби главниот убиец Хасан Насралах. Се пресметавме со одговорните за убиството на безброј Израелци и многу граѓани на други земји, вклучително и стотици Американци и десетици Французи. Насралах повеќе не беше терорист, тој беше терорист. Тој беше оската на оската, централниот мотор на иранската оска на злото“.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.