Свет
Сириja тврди дека во градот Дера’а се убиени 10 терористи
Официјален сириски воен извор изјави дека во текот на шестдневната операција во градот Дера’a биле убиени десет припадници на вооружени терористички групи, а уапсени се 499 лица
Во информацијата што ја проследи сириската новинска агенција SANА, исто така, се наведува дека меѓу убиените милитанти, петмина биле „снајперисти кои стрелале од минарето на една џамија“. Во судирите биле убиени и двајца припадници на сириската армија, а осум војници и полицајци биле ранети, пренесува САНА. Претходниот во неделата во Дера’а беа распоредени тенкови, а во вечерните часови војската ја зазема џамијата Ал Омари во центарот на стариот дел на градот, кој служеше како своевиден центар на бунтот во овој град.За време на судирите на демонстрантите со полицијата во Сирија кои траат од средината на март, според сириската опозиција загинале повеќе од 500 луѓе. Од друга страна, пак, според официјалните податоци кои минатиот четврток ги објави агенцијата SANА, „од почетокот на насилството отпочнато од платеници против безбедноста на граѓаните и на татковината“, биле убиени 70 цивили и 78 војници и полицајци.Протестите во Сирија продолжуват и покрај тоа што сириските власти објавија план за реформи, меѓу кои беше и укинувањето на воената состојба од страна на претседателот Башар ел-Асад од кого се бара итна оставка, воведена во 1963 г. Што беше едно од главните барања на опозицијата.Вината за продолжување на повеќе од шестнеделните немири, сириските власти ја префрлаат врз „вооружените бандити“ кои според нив дејствуваат со поддршка на „надворешни сили“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.