Спорт
Во Кичево втор натпревар од Шампионатот на Македонија во мотоциклизам на кружни патеки
Под покровителство на Мотоциклистичка федерација на Македонија (МФМ), а во техничка организација на МК „Александар“ од Скопје, денеска на патеката во Кичево се одржа вториот натпревар од Шампионатот на Македонија во мотоциклизам на кружни патеки за сезоната 2009
Во најмалата класа со сигурно возење до 125 ссм триумфираше Павле Ташковиќ (Априлиа, МК Цобо спорт), пред својот клупски колега Мартин Блажевски (Хонда).Слободан Ивчески (Триумф, МК Цобо спорт) ја продолжи доминацијата во класата до 600 ссм и победи пред својот најголем конкурент од минатата година Суат Селман (Кавасаки, МК МКД Стрит фајтерз).Ѓоре Караколев (Кавасаки, МК Спид ист) иако имаше излетување на тренингот, успеа да го оспособи својот мотоцикл и без поголеми проблеми за прв пат да победи на трка под покровителство на МФМ.Второто место го освои дебитантот Томислав Трајковски (Хонда, МК МКД Стрит фајтерз) кој во минатото беше повеќекратен шампион на Македонија во автомобилизам.Третото место го освои уште еден претставник на МК МКД Стрит фајтерз, Перо Димитров (Сузуки). Кај клубовите најдобри беа МК МКД Стрит фајтерз – Скопје пред МК Цобо спорт – Скопје и МК Спид ист – Велес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.