Македонија
Неспомнувањето на „македонски“ не изостана од дебатата на Мешовитиот комитет
Изоставувањето на придавката „македонски“ од последниот извештај на Европската Комисија за напредокот на Македонија ќе биде дел од заклучоците на 9-от состанок на Мешовитиот парламентарен комитет Република Македонија – ЕУ, кој попладнево започна во Скопје.
Изоставувањето на придавката „македонски“ од последниот извештај на Европската Комисија за напредокот на Македонија ќе биде дел од заклучоците на 9-от состанок на Мешовитиот парламентарен комитет Република Македонија – ЕУ, кој попладнево започна во Скопје.Членовите на комитетот од македонска страна не пропуштија да го изразат ставот дека изоставувањето на придавката е неприфатливо.„Пречи изоставувањето на именувањето на македонскиот јазик во извештајот и тоа е нешто што, се надевам и со помош на овој Мешовит комитет помеѓу Република Македонија и Европската Унија ќе биде надминато, бидејќи, ако е тоа некаква форма на притисок, избрана е погрешна форма на притисок, бидејќи тоа е нешто што задира длабоко во супстратот на македонскиот народ“, рече Андреј Петров, заменик копретседавач со комитетот од македонска страна. Цитирајќи ги неодамна усвоените заклучоци на Собранието по однос на извештајот, копретседавачот на комитетот од македонска страна, Кенан Хасипи рече дека се изразува жалење за отсуството на придавката „македонски“. Исто така, изрази очекување за конструктивност од грчка страна со цел надминување на спорот со името и деблокада на македонската интеграција во унијата.„Република Македонија очекува дека грчката страна, исто така, активно и конструктивно ќе придонесе во разговорите што се одвиваат под покровителство на Обединетите нации, со цел да се постигне, без понатамошно одлагање, взаемно прифатливо решение кое нема да им наштети на националната, јазичната, и културната идентификација ниту на македонскиот, ниту на грчкиот народ“, рече Хасипи.На ова, копретседавачот од европска страна, Јорго Шацимаркакис рече дека ќе се работи на заедничко решение во однос на употребата на придавката. Посочи дека е нотирано незадоволството што таквиот потег го предизвика.„Отсуството на придавката „македонски“ во извештајот ја нотиравме. Дел од Мешовитиот комитет разговараше за тоа. Имаме на знаење дека тоа е предизвикува реакција и е неприфатливо. Разговаравме за тоа како може да се изнајде добро решение, бидејќи увидовме дека со тоа се предизвика реакција на атмосферата овде и не сакаме да се наштети на имиџот на Европската Унија“, рече Шацимаркакис. Посочи дека по реакциите за извештајот во земјата, унијата ќе работи на задржување на добриот имиџ и високата поддршка што ја има кај граѓаните. „Утрово членовите на Европскиот Парламент имаа добра дискусија со нашите амбасадори и сфативме дека времињата се тешки, особено перцепцијата за Извештајот за напредокот претставен пред извесно време не беше така позитивна како што се надевавме. Овде сме да ви кажеме дека нема друга земја во Европа, вклучително и ЕУ што има толку високо ја цени ЕУ. Речиси 90 отсто од граѓаните тука сакаат да бидат во ЕУ, ја прифаќаат унијата. Тоа е повисоко од многу земји-членки на ЕУ и нема да го ризикуваме тоа. Тука сме да го направиме сосема спротивното – да работиме на подобра соработка“, рече Шацимаркакис. Германскиот европратеник, кој заедно со членовите на делегацијата денеска имаше средба со премиерот Никола Груевски, изрази импресионираност од реформите што ќе се превземат во однос на јавната администрација.„Премиерот денеска во една долга дискусија ни кажа за новите аспекти, за новите реформи кои што се воведуваат на административно ниво, во името на целата делегација од Европскиот Парламент можам да кажам дека бевме импресионира колку беше детален и транспарентен премиерот Груевски во поглед на плановите за промена и тоа да се заснова на интероперабилноста на власта“, рече Шацимаркакис.Во дискусијата не беше одминат и неодамнешниот инцидент што Шацимаркакис го имаше со неколку македонски новинари во Брисел.„Треба да се избегнуваат оние настани како она што можевме да го видиме во Брисел, без разлика што тие новинари таму се и мои критичари и критичари на неговите колеги. Односот спрема било кој граѓанин на Република Македонија треба да биде на едно ниво на заедницата кон која се стремиме“, рече пратеникот Андреј Петров.На ова, германскиот европратеник рече дека целата ситуација ќе ја објасни на денешната вечера што ќе ја имаат членовите на комитетот.Предвидено е 9-от состанок на мешовитиот комитет да финишира утре, со усвојување на заеднички заклучоци во врска со интеграцијата на Македонија во униајта. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЦУК: Пронајдено повозрасно лице изгубено на Плачковица
Во спасувачка потрага синоќа е пронајдено 66-годишно лице кое се изгубило на планината Плачковица.
Како што денеска соопшти Центарот за управување со кризи (ЦУК),лицето е пронајдено околу еден часот по полноќ од страна на спасувачите од Доброволната планинска спасувачка служба „Осогово“ од Кочани откако во 18:08 часот на Единствениот број за итни случаи 112 во ЦУК била добиена информација за исчезнато лице.
– Лицето заедно со негов пријател дента се упатиле по пешачка патека кон езерото Дивичев Вир на планината Плачковица. Но, при крајот на денот, пријателот се вратил дома, а 66-годишникот не, бидејќи се изгубил во планината. Случајот бил веднаш пријавен во Полициската станица Кочани. Во потрагата на лицето прво се вклучиле членови од неговото потесно семејство. За итниот случај, од ЦУК биле известени ДЗС од Кочани и Горска служба, а на потрагата се приклучиле и други субјекти од локалната самоуправа. егионалниот ЦУК Штип пред полноќ информираше дека изгубеното лице на Плачковица е пронајдено живо и во добра состојба во 22.50 часот, од страна на членови на Доброволна планинска спасувачка служба „Осогово“ Кочани, информира ЦУК.
Поради подолгиот престој на студено време во планината, лицето било згрижено од страна на спасувачите, а потоа безбедно спуштено до селото Зрновци, каде што имало возила на полицијата и на Итната медицинска помош од Кочани.
Македонија
Професор д-р Атанаско Тунески: Енергетската самостојност е услов за самоодржлива држава, а ЗНАМ нуди мерки кои тоа ќе го овозможат
Денеска Движењето ЗНАМ – За наша Македонија одржа прес конференција на која професор д-р Атанаско Тунески зборуваше за мерките во енергетиката што се предвидени во програмата на Движењето „Проглас за достоинствена Македонија“ за претстојните парламентарни избори.
Професор Туневски рече дека заложбите за самоодржлива држава подразбираат самојстојност во покривањето на потребите од електрична енергија со производство во енергетските капацитети во државна сопственост.
„Најважните цели во делот за енергетиката од програмата “Проглас за достоинствена Македонија” се: изградба на 2 гасни когенеративни електрани (ТЕ-ТО Скопје и ТЕ-ТО Неготино), до мај 2027, во државна сопственост; почеток на изградба на ХЕЦ Чебрен во државна сопственост, со формирање на Дирекција за изградба на ХЕЦ Чебрен, најдоцна 4 месеци по формирањето на новата Влада; избор на стратешки инвеститор за реализација на проектот Вардарска долина, кој содржи 12 хидроцентрали, најдоцна 2 години по формирањето на новата Влада; завршување на изградбата на гасоводите: Неготино (Кавадарци) – Битола, Скопје-Тетово-Гостивар-Кичево, како и интерконективниот гасовод со Грција, со што со гасоводна мрежа ќе биде покриено околу 70% од населението во Македонија,; зголемување на производството на електрична енергија во енергетските капацитети во државна сопственост за најмалку 30% во однос на 2023-та година; намалување на трошоците за производство на електрична енергија во енергетските капацитети во државна сопственост за најмалку 25% во однос на 2023-та година“, рече професор Туневски.
Тој нагласи дека реализацијата на овие цели ќе овозможат енергетска независност на Македонија преку сериозно зголемување на производството на електрична енергија во енергетските капацитети во државна сопственост.
уневски додаде дека Програмата “Проглас за достоинствена Македонија” на Движењето ЗНАМ – За наша Македонија обезбедува максимум за Македонија преку максимум во енергетиката во Македонија.
Македонија
Крмов од Македонска Каменица: Посебен закон за пензионирање на рударите. 20 години стаж и 10 години бенефициран стаж
Денес, Носителот на листата на Левица во ИЕ3 – пратеникот Борислав Крмов, заедно со членот на Президиумот на Левица – Александар Симонов и советникот од Левица, Тони Стаменковски, остварија средба со граѓаните на Македонска Каменица.
На средбите со рударите, имајќи ги предвид проблемите со кои се соочуваат тие, пратеникот Крмов истакна:
,,Во моментов рударите одат во пензија со,
од прилика, 27 годишен стаж и 13 години бенефициран стаж. Во ниедна држава не е така. Секаде е тоа помалку, што значи дека ние како пратеници во Собранието ќе бараме посебен закон за рударство, којшто ќе намали на: 20 години стаж и 10 години – бенефициран стаж”.
Пред граѓаните на Македонска Каменица, Крмов истакна и дел од мерките предвидени во изборната програма на Левица што се однесуваат на инфраструктурата и заштитата на природните ресурси:
– Целосна обнова и проширување на руралната патна инфраструктура на локални патишта – со цел поврзаност
на секое село до главните транспортни артерии;
– Прогласување за национални богатства на водите, шумите, рудите и минералните ресурси и забрана за нивно издавање под концесија!;
– Ограничување на концесионерството на природните богатства и на јавните добра и услуги, со целосна забрана за давање под концесии на водни ресурси.
Во однос на домашното земјоделско производство и мерките за земјоделството и стопанството, Крмов се задржа на следново:
– Заштита на домашното производство (Made in Macedonia);
– Рестартирање или отворање на нови профитабилни државни компании во секоја стратешка гранка од стопанството како: рудници, металопреработувачка индустрија, откупни пунктови за земјоделски и шумски производи, производство на автохтона храна и пијалоци и многу други стопански дејности.
Стимулирање на задругарството и кооперативите, во сите сфери на здружување е една од мерките во Програмата на Левица. Тука се мисли на работнички кооперации, земјоделски задруги итн.
Оттука, Левица се залага за поттикнување на задругарството преку проектот „Мало селско стопанство“ (т.н. аграрни кооперативи) со стручна, техничка и техолошка, т.е. механизациска поддршка на земјоделските задруги.
Крмов од Македонска Каменица ја истакна и програмската мерка за гарантирани цени за најосновните прехранбени продукти и намирници потребни за секојдневен живот на населението.
Ова е само мал дел од над 1000 мерки и проекти, предвидени во Изборната програма на Левица, нагласи Крмов.