Спорт
Барса од Мадрид со три бода, но без Меси
Дури по четири години Барселона успева да освои цел плен на гостувањето кај Атлетико Мадрид, но нејзиниот најдобар играч доживеа повреда која според првичните процени ќе го оддалечи Меси најмалку две седмици од теренот
Аргентинскиот фудбалски ас Лионел Меси беше повреден во судското надополнување при еден невнимателен старт на чешкиот репрезентативец кој настапува за Атлетико, Томаш Ујфалуши. Според шпанските електронски медиуми, можно е повредата на Меси кој беше изнесен од теренот на носилки, да биде потешка. Уште при телевизискиот пренос беше забележливо дека глуждот на десната нога на меси веднаш многу отече. „Сите сме тажни за повредата на Меси. Сепак, лекарите по првата процена ја елиминираа моќноста од скршеница. Ни останува само да ги пречекаме утрешните прегледи за да се утврди вистинската сериозност на повредата“, изјави за интернет страницата на Барселона, тренерот Хосеп Гвардиола. Според страницата првите констатации на лекарите се дека на Меси му е исчашен зглобот и е истегнат медијалниот колатерален лигамент. Меси инаку во недела навечер беше стрелец на првиот гол за Барселона во победата од 2:1 на „Винсент Калдерон“ во 13. минута. Откако Раул Гарсија во 25. минута изедначи на 1:1м Пике во 32. минута го постави конечниот резултат. Барселона ја одигра својата вообичаена игра и во ниеден момент нејзината победа не дојде во прашање. Иако во вториот дел од мечот тоа беше одење по жица, Атлетико речиси и не направи посериозна шанса, туку најистакнат поединец на средбата беше младиот домашен голман Давид де Геа кој одбрани повеќе тешки удари особено на Давид Виља кој по двобоите со него беше видни индиспониран.Третото коло од шпанската Примера беше завршено со градското дерби меѓу Вијареал и Леванте. Победата на Вијареал им ја донесе бразилскиот напаѓач Неимар кој беше двоен стрелец во 16. и во 42. минута, додека домаќинот Леванте намали преку Еквадорецот Каеседо кој дојде од Манчестер сити во последната минута од мечот. Валенсија пак се искачи на првото место откако на гостувањето кај сензационалниот победник од минатата седмица на „Ноу Камп“, Херкулес, извојува победа со 2:1. Хуан Мата во 2. и Пабло Хернандез во 23. минута беа стрелци за гостите, а за домашните својот прв гол го постигна довчерашниот напаѓач Давид Трезеге кој прецизно изведе пенал во 43. минута. На Херкулес не му помогна ниту тоа што Валенсија од 50. минута играше со играч помалку откако беше исклучен Наваро.Во недела Расинг со головите на Енрике во 76. и на Ариел во 90. минута го совлада Сарагоза.Малага иако поведе со голот на Редондо во 14. минута, сепак пред своите навивачи беше поразена од Севиља со головите на Алфаро во 20. и Сесарес во 50. минута.Валенсија го презеде водството на табелата со девет бодови од три меча, Севиља е втора со седум бодови колку и третиот Реал Мадрид, а Барселона е шеста со исто толку бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
Спорт
Парма се врати во Серија А
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција.
Историјата на Парма во последниве години беше сè само не сјајна. Клубот згасна, па повторно оживеа во 2015 година.
Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг.
Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата.