Свет
Процедура во случај на смрт на Папа
Римокатоличката црква има јасно и прецизно утврдена процедура на верификување на смртта на папата, како и за избор на нов поглавар.
Римокатоличката црква има јасно и прецизно утврдена процедура на верификување на смртта на папата, како и за избор на нов поглавар. Во случај на смрт на Папата Јова Павле Втори, префектот на домаќинството на папата бискупот Џејмс Харви, го известува коморникот кардиналот Едуард Мартинез Собал, кој мора да ја верификува смртта на Поглаварот на Римокатоличката црква. Коморникот во присуство на членовите на Апостолската комора и шефот за церемонии на папата архиепископот Пјеро Марини ја составува умреницата. Во 20 век е воведено симболично проверување на смртта на папата со три удари со сребрен чекан по челото. Секретарот потоа го издава сертификатот за смртта на папата. Коморникот потоа го известува викарот на Рим, кардиналот Камилио Руини, а тој ја објавува веста за смртта на Папата на народот на Рим. Истовремено префектот го известува деканот на Колегиумот на кардиналите, сега Јозеф Рајцингер, а тој го информира Колегиумот, амбасадорите акредитирани во Ватикан и шефовите на државите. Приватните одаи на папата за тоа време се запечатуваат, неговиот прстен и печат се кршат со што симболично се става крај на неговото владеење и се отстранува опасноста од нивна злоупотреба. Аутопсија на телото на папата не се врши. Погребот трае девет денови, а го организираа кардиналите. Датумот на погребот мора да биде меѓу четвртиот и шестиот ден по смртта, а папата се погребува во Базиликата на свети Петар во ковчег од чемпрес, кој се става во поголем оловен ковчег, а потоа и во сандак од борово дрво. Сите кардинали и надбискупи ја продолжуваат својата секојдневна работа, но нивните овластување се ограничени. Колегиумот на кардиналите секојдневно се состанува. Конклавата за избор на нов поглавар на Римокатоличката црква почнува во сикстинската капела во Ватикан и тоа 15 до 20 денови по смртта на папата. Членови на конклавата се 120 кардинали помлади од 80 години. Тие се собираат во капелата на молитва,а за нов папа можат да гласаат веќе првото попладне. Ако ниту еден кандидат не одвои две третини од гласовите плус еден, кардиналите се состануваат наредниот ден. Кога папата ќе биде избран тој потврдува дали ја прифаќа одлуката и соопштува кое име сака да го земе. Потоа се облекува во папска одежда и седнува на папскиот престол во Сикстинската палата. Според традицијата народот за изборот на новиот папа дознава кога од капелата се издигнува бел чад, од запалените ливчиња на кои гласале кардиналите. Се додека не е избран папата во горењето на ливчињата се додава хемикалија која произведува црн чад. Деканот на колегиумот потоа од балконот на базиликата свет Петар со зборовите “хабемус папам“, им соопштува на насобраните дека е избран нов папа, кој се појавува на балконот и на верниците им упатува благослов./крај/бна/м
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Нема струја, водата носи мостови, расте бројот на исчезнати во Швајцарија (ВИДЕО)
Во Швајцарија неколку лица се водат како исчезнати во кантон Тичино на југоистокот на земјата, по свлечиште предизвикано од силни дождови што ја зафатија оваа алпска земја, соопшти полицијата.
„Големите бури предизвикаа свлечиште во регионот Фонтана и луѓе се пријавени како исчезнати“, се наведува во соопштението на полицијата без да изнесат дополнителни детали.
Спасувачките акции се особено тешки поради лошите временски услови, додаваат од полицијата. Апел за евакуација од куќите во близина на реката Маги е упатен рано утрово за жителите на Прат-Сорника и долината Маги, каде се бараат исчезнатите. Патиштата се пресечени, а камповите што се наоѓаат покрај реката се евакуирани, соопшти кантоналната полиција. Водата однесе мост и блокираше кантонален пат. Струјата е исклучена во делови од регионот, а дел од кантонот остана без питка вода, според федералниот систем за предупредување Swissalert. Голем дел од Швајцарија од вчера попладне беше погоден од силни грмежни невремиња проследени со многу обилни врнежи.
⛈️ Nouvelle catastrophe à Zermatt en Suisse où des orages diluviens causent des inondations cette nuit, 8 jours après les précédentes. 🌊 (© Manuel Jorge) pic.twitter.com/eYuKmHmZT5
— Météo Express (@MeteoExpress) June 29, 2024
Европа
Русија соопшти дека соборила 36 дронови испратени од Украина
Системите на руската противвоздушна одбрана уништија 36 дронови, испратени од Украина во текот на изминатата ноќ кон територијата на Русија, соопшти Министерството за одбрана во Москва.
Петнаесет беспилотни летала се соборени над Курска област, девет над Липецка, по четири над Воронешка и Брјанска и по два над Орловска и Белгородска, посочи Министерството во објава на социјалната мрежа Телеграм.
Европа
Четиринаесетгодишно девојче е киднапирано во Грција, во месноста Лариса
Четиринаесетгодишно девојче е киднапирано во Грција, во месноста Лариса, а активирана е „Амберт алерт“ – килибарна тревога. Девојчето Хрисула Хрисобаланти исчезнало на 27 јуни околу 20.30 часот. Се претпоставува дека девојчето било киднапирано од постаро лице.
Медиумите пренесуваат дека девојчето е високо 155 сантиметри, тешко 55 килограми, долга кафена коса и темнозелени очи.
Во моментот на нејзиното исчезнување носела зелени бермуди, бела маица и бели влечки.
Грчките власти пред неколку дена известија дека трагаат по девојчето Константина-Ирини Р.(16), кое исчезна од предградието Ахарнес во Атина.
Според грчките медиуми, девојчето последен пат била видена во неделата на 16 јуни во вечерните часови.