Свет
Воени преговори меѓу Северна и Јужна Кореа на 8 февруари
Северна и Јужна Кореа се сложија на 8 февруари да ги почнат воените преговори во пограничната демилитаризирана зона Панмуџон, соопшти денеска јужнокорејското министерство за одбрана.Ова ќе биде прв состанок на двата соседи откако Северна Кореа го бомбардираше јужнокорејскиот остров во спорните води на 23 ноември минатата година.Целта на овие подготвителни разговори е да се одреди дата, дневен ред и место на воените преговори на високо ниво, веројатно меѓу двајцата министри за надворешни работи, с е наведува во соопштението на јужнокорејското министерство.Во соопштението, меѓутоа, се додава дека состанокот на двајцата министри не може да се одржи додека Пјонгјанг не превземе одговорност за двата сериозни инцидента што се случија во 2010 година и додека не вети дека нема да се повторат.Поради тие инциденти тензиите меѓу двете земји го достигнаа врвот во текот на минатата година и предизвикаа загриженост поради можност за нова војна на Корејскиот полуостров.Нешто пред објавувањето на датумот за разговорите, јужнокорејскиот претседател Ли Мјунг Бак, ја повика Северна Кореа да ја искористи шансата и рече дека е можно да се одржи самит меѓу двете земји.„Северна Кореа“ има добра шанса да го смени своето однесување“, рече Ли и додаде дека има голема надеж за промени.Лидерите на двете Кореи првиот самит го одржаа во 2000, а вториот во 2007 година./крај/бе/бч
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Француските експерти препорачуваат децата да не користат паметни телефони пред да наполнат 13 години
На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон.
Макрон побарал експертите да предложат упатства за употреба на паметни телефони кај детската популација.
Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.