Македонија
Македонците во Србија побараа од Иванов да им помогне политички да се вклучат
Претставниците на Националниот совет на македонското малцинство во Србија денеска од претседателот Ѓорге Иванов кој е во официјална посета на Белград побараа да го искористи својот политички авторитет за да влиjае Македонците да добијат политичко учество во српската држава
„Побаравме поактивно претседателот да се вклучи во тој процес, за да ни помогне на Македонците кои сме овде да го освоиме и тоа поле и да бидеме политички имплементирани во Србија“, изјави претседателот на Националниот совет, Борче Величковски, по средбата со претседателот Иванов во македонската амбасада во Белград.Законски, малцинствата во Србија може да учествуваат во управата во четири области, односно во образованието, културата, употребата на македонскиот јазик и писмо и информирањето.Посебен акцент во разговорите бил ставен на активностите за пописот во 2011 г. во Србија, во насока на спречување на падот на официјално регистрираните Македонци во оваа држава при пописите во 1991 и 2002та.„Во пресрет на пописот ние веќе интензивно работиме изминатиов период. Националниот совет покрена иницијатива за менување на пописното ливче во Србија кое внесуваше забуна. Нашата иницијатива беше прифатена и од другите Национални совети во Србија, па и од српската влада и тоа беше изменето“, изјави Величковски.Според последните пописи официјално се евидентирани двапати помалку Македонци.Поради тоа Величковски најави и интензивни активности на Советот за анимирање и охрабрување на Македонците за национална определба во Србија во местата кај што се најбројни.„Сега сигурно ќе ни треба создавање на здрава стратегија за пописот која ќе ја имплементираме во наредните шест месеци до самиот ден на пописот“, изјави Величковски.Тој посочи дека акцент ќе се стави кај помладата популација за да се спречи природната асимилација.Апелираше што поскоро да се формира меѓудржавната комисија со која ќе се овозможи примена на спогодбата меѓу Македонија и Србија во делот на заштитата на малцинските права. Заседавањето на таа комисија, според Величковски би овозможило конкретни активности и поголеми резултати во сите области преку кои се негуваат идентитетот и културата на Македонците.Меѓу другото побарале и што поскоро реализирање на иницијативата од пред година и половина, за изградба на македонски дом во Војводина и српска куќа во Скопје.Претседателот Иванов денеска го посети и фармацевтскиот погон на Алкалоид во Белград.Иванов при посетата на капацитетите на подружницата Алкалоид АД Скопје во Белград, една од 13-те што ги има компанијата, се запозна со производствените капацитети и високите стандарди за работа што се применуваат.Дозволата за производство во подружницата во Белград Алкалоид ја доби во септември годинава.Вкупната инвестиција е 750 илјади евра.Претседателот Иванов дводневната официјална посета ќе ја заокружи со средбата со претседателот на Српската народна партија Томислав Николиќ и посетата на факултетот за Политички науки во Белград.Вчера, македонскиот претседател имаше средби со неговиот српски колега Борис Тадиќ, како и со српскиот премиер Мирко Цветковиќ и претседателката на Народното собрание на оваа држава Славица Ѓукиќ-Дејановиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Јовановски за пријавата од Кичеец: Ова е почеток на една битка со цела криминална банда
Зоран Милевски-Кичеец го пријавил Бојан Јоавновски – Боки 13 во полицијата.
Ова се однесува на статусот што Јовановски го објави вчера, а каде посочи дека лица блиски до Кичеец му се закнуваат.
Јовановски вели дека Кичеец е човек кој се огрешил пред законот, а не одговарал за тоа и неговата реакција е очекувана.
„Ова е почеток на една битка и разрешница со цела криминална банда, а во таа криминална банда еден од предводниците е Зоран Милевски-Кичеец“, рече Јовановски.
Неговиот адвокат, Владимир Туфегџиќ, ги оцени наводите на Киччец како неосновани, и укажа дека за лажното пријавување очекува одговорност.
Како што појасни Туфегџиќ, пријавата се однесува на три кривични дела загрозување на сигурноста, демнење и кривично дело лажно пријавување. Ги отфрламе сите наводи, рече Туферџиќ, бидејќи сметаме дека не постојат законски основи за понатамошно процесуирање.
Јовановски претходно на „Фејсбук“ објави дека лица блиски и под команда на Зоран Милевски-Кичеец веќе неколку дена кон него делуваат преку разни форми на закани и притисоци со цел да го откаже второто гостување во подкастот кај Лазаров. Воедно, како што објави Јовановски, заканите и уцените кулминирале кога пред влезот на неговиот стан го пречекале две лица да му пренесат порака од Кичеец.
Скопје
Оваа сабота во „Јавна соба“: базар на втора рака облека, накит, книги и детски играчки
Трендот во големите градови и култура е рециклирање и рекреирање на веќе постоечкото. Колку понапредни општествата – толку повеќе се рециклира, се води сметка за животната околина и сè погласна и популарна е “second hand” модата.
Скопје полека ја прегрнува оваа нова филозофија, но колку е поголема и подобра понудата – толку повеќе ќе има интерес од страна на потрошувачите и ќе има поголем успех.
Оваа сабота (11 мај) во Јавна соба, под слоганот “Second hand е подобро од ново” започнува Базарот каде што посетителите можат да си набават добро сочувано парче гардероба, чевли, накит, книга или можеби некоја играчка. Ќе има бројни штандови со разноразни парчиња кои дефинитивно заслужуваат втора шанса.
И сето тоа во еден забавен, опуштен и пријателски амбиент, еве неколку причини зошто е подобро да купувате работи од втора рака:
– Заштеда на пари
– Помагање на животната средина и зачувување на природните ресурси
– Поддржувате локален и мал бизнис
– Развивате уникатен стил
– Имате чувство како да сте во потрага по богатство
Македонија
На ден пред двојните избори гласаат болните и изнемоштените лица, затворениците и дијаспората
Денес своето право на глас први ќе го остварат болните и изнемоштените лица, како и затворениците во казено-поправните домови во државата.
Од Државната изборна комисија информираа дека за претседателските избори ќе гласаат 11.123 болни и немоќни лица, а за парламентарните избори бројката е поголема за 102 избирачи или ќе гласаат 11.225 болни и немоќни лица.
Освен изнемоштените и затворениците, денес своето право на глас ќе го остварат и пријавените македонски државјани од дијаспората, но единствено за претседателските избори. Гласање за парламентарните избори во дијаспората нема да се спроведе поради недоволен број пријавени.
На овие парламентарни избори поднесени се 17 кандидатски листи, за парламентарните избори од кои 16 на политички партии и коалиции и една од група избирачи. На изборите учествуваат 61 партија. Од нив, 11 самостојно, а 50 во пет коалиции.
На вториот круг од претседателските избори право на глас имаат 1.814.317 избирачи, а на парламентарните избори 1.815.350 избирачи. Разликата во гласовите е 1033, генерално поради граѓани кои стекнуваат полнолетство. Во посебните изводи од Избирачкиот список за лица кои поднеле пријава за гласање во дипломатско конзуларните претставништва или конзуларни канцеларии се запишани 2.569 избирачи, а во затворите или во притвор 2.147 избирачи.