Македонија
Ќе се доопремуваат патронажните служби
Владата на Кралството Холандија му одобри грант на Министерството за здравство во висина од 8 милион долари за реализација на проект за подобрување на патронажните служби, центрите за имунизација како и на сите породилишта во земјава.
Владата на Кралството Холандија му одобри грант на Министерството за здравство во висина од 8 милион долари за реализација на проект за подобрување на патронажните служби, центрите за имунизација како и на сите породилишта во земјава.
Проектот кој ќе започне да се реализира на почетокот на следната година ќе овозможи континуирана медицинска едукација на сите здравствени работници кои работат во патронажната здравствена служба, здравствените центри за вакцинација и породилиштата. Проектот ќе опфати и опремување на сите породилишта во земјата. Со грантот ќе се набават и 75 теренски возила за патронажните сестри, со што ќе се овозможи подобар пристап за здравствената заштита посебно во руралните средини, а ќе се обнови и опремата за чување и транспорт на вакцините во сите служби за имунизација. Ќе се воспостави интегриран информатички систем во породилиштата, патронажните центри и центрите за вакцинација.
На денешната прес конференција Министерот за здравство Бујар Османи истакна дека главниот акцент во здравствениот систем треба да се стави токму на патронажните служби кои допираат до најранливата категорија на луѓе, како што се бремените жени и новороденчињата.
„Денеска промовираме почеток на реализација на проект наменет за најранливата категорија граѓани бремените жени и децата. За жал во делот на нивната здравствена заштита голем број елементи недостасуваа изминатата декада. Со ова се овозможува воспоставување на сеопфатен и интегриран систем на здравствена заштита, со цел на подобрување на пристапот на квалитетот на здравствените услуги за бремените жени и децата, како и подобрување на нивните здравствени навики“.
Според Османи на овој начин ќе се овозможи значајна финансиска заштеда во здравствениот систем од 2 милиони долари годишно. Тоа ќе се постигне преку поголема достапност и подобрување на квалитетот на здравствените услуги, преку зајакнување на здравствената грижа што ќе се овозможува на регионално и на локално ниво.
„Се надевам дека со овој проект граѓаните ќе добијат многу подобри здравствени услуги, особено затоа што со овој проект ќе се подобрат условите кај маргинизираните групи во општеството и на оние кои живеат во руралните средини и кај малцинствата со тоа што до нив ќе дојдат основните здравствени услуги„ – смета Амбасадорката на Кралството Холандија Симоне Филипини
Грантот од Кралството Холандија е одобрен врз основа на апликација во конкуренција на преку 80 апликации од земјите во развој, а Министерството за здравство ќе учествува во овој проект со 15 милиони долари.
Според министерот Бујар Османи зачестеноста на смртноста кај доенчињата во последно време се должи на инвитро оплодувањето, што доведува и до предвремено раѓање.
„Министерството за здравство наложи во првиот и вториот обид на инвитро оплодувањето да се ограничи на две јајце клетки, за разлика од досега кога се оплодуваа четири јајце клетки. Тоа е една од мерките за да се ограничи оплодувањето “ – додаде Османи. /крај/кс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мециновиќ: На носителите на ЗНАМ, на личните профили им стојат слики со Заев и Пендаровски
– На носителите на ЗНАМ, уште на личните профили им стојат слики за поддршка на Заев и Пендаровски. Тоа се поддршки што јавно им ги дадоа, така што сегашното нивно делување е малку повеќе лицемерно од нивна страна – истакна Носителот на ИЕ2 и портпарол на Левица, Амар Мециновиќ, во дебатата на ,,24 Вести”.
Според Мециновиќ, СДСМ ако ја примеа пораката, немаше Оливер Спасовски да биде носител во ИЕ2, после скандалите со пасошите за белосветски криминалци, за голготата за македонските граѓани со пасошите и за бегството на Груевски:
– Од друга страна, за СДС имам конкретна порака, но СДС не ја прима пораката! Пораката не е примена, затоа што нивниот носител во Двојка имаше страшни резултати. Имаше: од бегството на Груевски до оваа голгота што им се случи со пасошите на граѓаните и во меѓувреме – издавањето на пасоши за белосветски криминалци.
Говорејќи за Францускиот предлог и за ненаситноста кон бизнис – интересите од страна на СДСМ, Мециновиќ рече:
– Исто така, не ја примија ни пораката кога народот го отфрли Францускиот предлог. Не ја примија ни пораката кога Заев го изгуби легитимитетот, така што на сила се одржаа на власт до 2024 год. Практично, за да ги задржат нивните бизнис – интереси.
Мециновиќ постојано става акцент и на неоспорниот факт дека челниците од ЗНАМ го избришаа АСНОМ од Уставот:
,,ЗНАМ го избришаа АСНОМ од Уставот кога го носеа Преспанскиот, со оглед на фактот дека тогаш беа дел од раководството на тогашното СДС. Затоа, целата нивна сегашна реторика е лицемерна”.
Левица е единствена искрена, чесна, неподмитлива опција, која се бори за нулта – корупција, радикални промени во системот и нуди решенија за сите целни групи граѓани во Македонија:
,,На 8 мај, заокружете го број 5! Искористете го своето право на глас и гласајте за Левица! Со повеќе пратеници во Парламентот, борбата ќе биде посилна!”
Македонија
Аваја: Треба да се искористи потенцијалот на ромската заедница
Ромската заедница има најмлада популација во државата и тој потенцијал треба да се искористи, порача Ќемал Сулејманов, носител на листа во Изборна единица 3 на средба со жителите на Криволак.
„Нашата заедница е најмладата популација во државата. И нашите млади бегаат надвор од државата, барајќи решенија, а ние увезуваме работници од азиските држави. Мора да најдеме решение како нашите млади да останат во државата. Заеднички да ги направиме промените иво нашите инситтуции да имаме наши луѓе. Ветуваме дека промените почнуваат со Аваја. Вашиот глас го давате за подобра иднина и соединети да покажеме дека сме тука“ порача Сулејманов.
Според него, доволно е ромската заедница да биде третирана само како чистачи и амалџии „Драги браќа и сестри, ги знам вашите проблеми со кои се соочувате, тие се мои проблеми и мора да засукаме ракави по избори и заедно да ги решаваме. Мора да се сооединиме и да почнеме со промени. Мора да имаме наши луѓе во сите институции и тоа на раководни позиции. Доста не гледаа само како чистачи и нивни амалџии“, рече Сулејманов.
Претседателот на Аваја, Акиф Кариман, рече дека одлучил да ја жртвува индивидуалната кариера за да придонесе кон напредокот на народот. Тој говореше за тоа како другите политичари ги гледаат и вреднуваат Ромите.
„Зошто? Затоа што секогаш не потценуваат. Велат ние знаеме лесно да се справиме со вас. Малку ќе ве преплашиме и вие ќе се повлечете. Ќе ви дадеме под рака и вие ќе бидете на наша страна. Или ако тоа не функционира, ќе почнат со притисоци. И тоа досега функционираше. Но, сега ја имаме Аваја, формирана да биде рамо до рамо со сите нас. Ние сме тука да направиме голема промена и да го предизвикаме статус квото“, порача Кариман.
Македонија
Џафери за Велигден: Обединети да продолжиме и да осигураме благосостојба денес и за идните поколенија
Претседателот на Владата на Република Северна Македонија, Талат Џафери, во име на Владата на Република Северна Македонија и во свое име, испрати телеграма со честитки за најголемиот христијански празник, Воскресение Христово – Велигден, до поглаварот на Македонската православна црква – Охридска архиепископија, архиепископ охридски и македонски, г.г. Стефан, до Светиот архиерејски Синод, свештенството и монаштвото на МПЦ-ОА, до православните верници и до сите граѓани кои денеска го чествуваат празникот.
„Задоволство ми е во име на Владата на Република Северна Македонија и во мое име, да Ви го честитам најголемиот христијански празник, Воскресение Христово – Велигден, Вам, на Светиот архиерејски Синод, на свештенството и монаштвото на Македонската православна црква – Охридска архиепископија, на православните верници и на сите граѓани кои денеска го чествуваат празникот.
Велигденската порака за победата на животот над смртта е порака која влева надеж дека за животот, вреди да се преземе секој чекор на храброст и пожртвуваност, чекор кој води кон светла цел. Заедничкото добро, е благословена човекова определба, и тоа може да се постигне само ако се почитуваат основните постулати на кои упатуваат бројните примери низ историјата. Особено во денешен контекст, кога човештвото и светот секојдневно се соочуваат со најразлични предизвици кои се закана по животот, мирот, здравјето и менталната благосостојба, потребни се повеќе од кога било пораките на надеж, единство и верба во тоа заедничко добро, засновано врз практикувањето на универзалните вредности како што се хуманоста, солидарноста, одговорноста и взаемната почит.
Вашата улога има голема одговорност и јас Ви посакувам мудрост во исполнувањето на благородната мисија. Ви пожелувам празникот да го поминете во добро здравје, спокој во душата и среќа меѓу саканите, а со разбирање, меѓусебна почит и обединети, да продолжиме да ја унапредуваме Република Северна Македонија и да обезбедиме благосостојба денес и за идните поколенија“, стои во честитката од премиерот Џафери до поглаварот на МПЦ – ОА, г.г. Стефан.