Македонија
Новинарот Зафировски пуштен од полициска станица
Новинарот на неделникот „Форум“, Емил Зафировски е пуштен од полициска станица откако ја платил паричната казна од 500 евра за која што бил осуден, потврди Зафировски за Макфакс.
Новинарот на неделникот „Форум“, Емил Зафировски е пуштен од полициска станица откако ја платил паричната казна од 500 евра за која што бил осуден, потврди Зафировски за Макфакс.
Утринава полицијата го уапси новинарот на Форум Емил Зафировски.
Според првичните сознанија на полицијата Зафировски бил осуден на парична казна од 500 евра или 25 дена затвор.
Новинарот е осуден без да му се даде можност да се брани. Зафировски ниту знае кој го тужел, ниту кога му е изречена пресудата. Покана за судски процес не добил.
Од полиција можеа да кажат само дека се работи за предмет од 2004 година. Никој не знае да појасни зошто на Зафировски му се изрекува затворска казна кога според новите измени на кривичниот законик делото клевета е декриминализирано.
Зафировски утринава добил повик од полицијата. На телефон му се претставил инспектор кој наводно требало да му даде некои документи. Во исто време во редакцијата на Форум полицајци дојдоа да го бараат Зафировски.
“Не знаејќи што се случува на инспекторот му кажав каде се наоѓам. Дојдоа неколкумина во кафе барот каде што пиев кафе ми покажаа потерница и ме приведоа”, вели Зафировски.
Министерката за внатрешни работи Гордана Јанкулоска рече дека министерството постапувало по судска наредба.
„Од првичните информации кои ги имам се работи за приведување на лице кое се бара за издржување на казна затвор која е изречена како замена за парична казна. Се работи за спроведување на судска наредба, практично ефектуирање на една правосилна судска пресуда“ изјави Јанкулоска.
За апсењето на Зафировски, за неможноста да се брани за судските пропусти редакцијата Форум ќе ги извести сите надлежни домашни и меѓународни институции. /крај/км/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.