Европа
Габриел: Меркел го потценува предизвикот на интеграцијата на имигрантите
Германскиот вицеканцелар Зигмар Габриел изјави во интервју во саботата дека канцеларката Ангела Меркел и нејзините конзервативци „го потцениле“ предизвикот кој го претставува интегрирањето на рекордниот прилив на имигранти во земјата.
Изјавата на Зигмар Габриел, кој исто така е и челник на Социјалдемократската партија (SPD), коалицискиот партнер во ткн голема влада, за јавниот сервис ZDFдоаѓа во период кога започнуваат кампањите за сојузните избори кои во Германија ќе се одржат следната 2017 година.
Повеќе од милиони имигранти дојдоа во Германија од Блискиот исток и од северна Африка само во текот на минатата 2015 година. Поради загриженоста околу тоа како тие да бидат интегрирани во германското општество и на тамошниот пазар на трудот, зајакна поддршката за евроскептичната и антидоселеничка партија Алтернатива за Германија (AfD).
„Секогаш зборував дека е незамисливо Германија да прима по милион луѓе секоја година“, вели Габриел.
Институтот за истражување на пазарот на труд (IAB) соопшти во петокот дека Германија ова година би требало да прими 300 до 400 илјади бегалци, што е две третини помалку отколку минатата рекордна година.
„Од април годинава во Германија пристигнуваат месечно околу 16.000 баратели на азил, што претставува значителен пад во однос на ноември минатата година кога во земјата влегле 200.000 бегалци“, изјави Херберт Брукер од IAB во Нирнберг.
До крајот на 2016 година околу 160.000 бегалци би требало да ги остварат условите за неограничен пристапна пазарот на трудот, а долгорочно таа бројка би требало да се искачи на 700.000.
Истиот институт објави и податоци за стручната подготовка на бегалците која покажува дека 70 отсто од бегалците кои веќе сега имаат пристап до германскиот пазар на труд, немаа завршено стручно образование.
Германската влада долгорочно смета на пораст на стапката на невработеноста, како последица од приливот на имигрантите./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.