Спорт
Кавани го врати Наполи на второто место во Серија А
Фудбалерите на Наполи, во пладневниот термин во Серија А, во извонреден натпревар со 4:3 забележаа победа над Лацио
На преполниот стадион „Сан Паоло“, Наполи успеа да ја стигне предноста на Лацио од 0:2 , и благодарение на трите погодоци на Едисон Кавани да забележи победа, со која, по синоќешниот пораз на Интер се искачи на второто место на табелата. Наполи сега има три бода помалку од лидерот Милан, а два бода повеќе од Интер. Лацио со головите на Маури во 29 минута и Андре Диаз во 57 минута стекна предност од 0:2, која Досена ја намали во 60 минута, а Кавани израмни две минути подоцна. Предноста Лацио ја врати со авто голот на Арноника во 68 минута. Дефанзивецот на Лацио, Биава направи пенал и заработи црвен картон во 80 минута, пеналот го реализираше Кавани, а истиот играч во 88 минута по третпат го совлада репрезентативниот колега, Фернанд Муслера и му донесе значајна победа на својот тим, со која Наполи остана во трката за шампионската титула. Едисон Кавани со својот трет, хет-трик оваа сезона, на врвот на листата на стрелците се израмни со Марко Ди Вајо, двајцата имаат постигнато по 25 погодоци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.