Свет
Пропаднаа преговорите во Тајланд
Тајландскиот премиер и претставниците на демонстрантите кој бараат предвремени избори не успеаја да постигнат договор за да се запрат двонеделната политичка криза, но се најавува нов состанок во понеделник
Премиерот Абхист Вејџаџива го одбил барањето на „црвенокошулашите“, кои го поддржуваат поранешниот премиер во егзил Таксин Шинаватра, веднаш да го распушти парламентот и да распише парламентарни избори. Меѓутоа, двете страни во денешните преговори во Бангкок се договориле во понеделник, околу пладне по средноевропско време повторно да се сретнат и да преговараат, пренесоа тајландските медиуми.„Парламентот ќе го распуштиме само како оцениме дека тоа е единственото можно решение за целата држава, а не само за „црвените’“, им рекол Вејџаџива на тројцата претставници на преговорите. Денешните преговори траеле три часа, а билe одржани во една образовна установа и со директен пренос на телевизијата.Преговорите и преку голем видео-бим го следеле и десетици илјади демонстранти кои две седмици се стационирани пред зградата на владата. Новинските агенции утрово информираа дека кон тајландската престолнина повторно тргнала маса од околу 80 илјади „црвенокошулаши“ пред кои отстапи војската и полицијата која беше изведена на улиците на Бангкок.Членовите на Обединетиот фронт за демократија против диктатурата (UDD), во Бангкок дојдоа од сиромашните рурални области, превезувајќи се со камиони, автомобили, па дури и со чамци.Движењето од 14-ти март секојдневно организира протести во главниот град за да го натера премиерот Вејџаџива да поднесе оставка и да изнуди распуштање на парламентот. UDD се залага за враќање на власт на поранешниот премиер. Тие сакаат да ја соборат владата за која велат дека е само параван на елитата поддржана и доведена на власт со премолчен договор со армијата.Бидејќи ниедна од од целите досега не им успеа, демонстрантите го привлекуваат вниманието на медиумите со акции како што се пролевање крв врз зградите на влезот од главниот град, врз седиштето на владејачката партија и куќата на премиерот. Сите протести досега беа мирни, затоа што нивните организаторите сметаат дека насилството ќе биде контрапродуктивно. Tаксин Шинаватра, кој пред извесно време престојуваше во Црна Гора чиј пасош поседува, постојано престојува во Дубаи каде е во доброволен егзил сакајќи да ја избегне затворската казна откако беше осуден за злоупотреба на функцијата и за проневера. Тој беше соборен со државен удар во 2006 г. и од тогаш е во бегство. Во отсуство е осуден на две години затвор, а по него од тајландските власти е распишана потерница на Интерпол.Во Бангкок се мобилизирани повеќе од 40 илјади полицајци и војници, а владата набрзина усвои закон за вонредна безбедност кој на армијата и’ дава овластување за водење операции против безредија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанските студенти планираат протести против Израел
Студенти ширум Шпанија во наредните денови би можеле да започнат протести против „геноцидот што го изврши Израел во Палестина“ по примерот на универзитетите во САД, Холандија и Белгија, изјавија нивните претставници за шпанските медиуми.
На Филозофскиот факултет во Валенсија, приморски град на југозападот на земјата, студентите веќе една недела спијат во шатори и секојдневно протестираат.
„Бараме од нашиот универзитет да ги прекине сите врски со институциите и компаниите кои соработуваат со Израел“, изјави 20-годишната Естер Монге, студентка по политички науки и социологија за весникот „Ел Паис“.
Во моментов бројни универзитети одржуваат состаноци на кои студентите и професорите гласаат за блокадите на факултетите.
„Студентскиот совет ќе одлучи за активностите во наредните денови“, рече Марија Хозе Лера, координаторка на Палестиниум, група за солидарност со палестинските аспирации.
Лера, која има докторат по психологија на Универзитетот во Севиља, вели дека моментално се одржуваат состаноци на универзитетите во Мадрид, Сарагоса, Барселона, Жирона, Гранада и други градови.
Во понеделникот стотици студенти се собраа пред Универзитетот во Барселона каде ги развиорија своите транспаренти.
„Сакаме нашите факултети да ги прекинат сите односи со Израел и компаниите што работат таму“, рече 24-годишниот Пабло Кастиља, дипломиран студент по јавна политика.
Во Мадрид се уште нема протестно кампување, но има демонстрации. На автономниот универзитет во Мадрид, планираното предавање за НАТО беше откажано под притисок на пропалестинските демонстранти.
Друг јавен универзитет, Universidad Complutense de Madrid, објави декларација со наслов „Со Палестина, против геноцидот во Газа“.
„По влошувањето на насилството врз палестинскиот народ, ги повикуваме професорите, истражувачите и вработените во администрацијата да се спротивстават на колективното казнување на Палестинците што го спроведува Израел“, се вели во декларацијата усвоена од администрацијата на Факултетот за политички науки и социологија.
Сведоци сме на геноцидот врз палестинскиот народ, што е продолжение на децениското систематско насилство врз палестинскиот народ и неговата присилна емиграција“, се вели во декларацијата објавена на веб-страницата на факултетот.
Свет
Италијанскиот министер за одбрана: Треба да преговараме со Путин
Италијанскиот министер за одбрана, Гидо Крозето, изјави дека санкциите наметнати на Русија не успеале и го повика Западот да направи повеќе за да преговара за дипломатско решение со претседателот Владимир Путин со цел да се стави крај на војната во Украина.
Крозето за весникот „Месаџеро“ изјави дека Западот погрешно верувал дека санкциите може да ја запрат руската агресија и го прецениле неговото економско влијание во светот.
„Наместо тоа, единствениот начин да се реши оваа криза е сите да бидат вклучени, прво да се воспостави примирје, а потоа мир“, рече Крозето. На забелешката на новинарот дека Путин не покажал волја за преговори, министерот за одбрана на Италија одговорил дека „тоа е добра можност да се потрудиме повеќе“.
„Не смееме да пропуштиме ниту еден дипломатски пат, колку и да е тесен“, посочи тој. Тој, сепак, ја бранеше одлуката на Италија да продолжи да испраќа оружје во Украина со цел „да се обезбедат време и услови за постигнување прекин на огнот и мир“.
Министерот исто така предупреди дека во случај Русија да го окупира Киев „тоа неизбежно ќе доведе до конфликт со други земји, кои нема да прифатат руски тенкови да се наоѓаат на нивните граници“.
Тој ја нарече минатогодишната украинска контраофанзива грешка со оглед на воената супериорност на Русија велејќи дека лично го предупредил украинскиот претседател Володимир Зеленски дека е осудена на пропаст, „но тој не го послушал“.
Свет
Би-би-си: Русија можеби регрутира кубански државјани да се борат во Украина
Русија веројатно регрутирала кубански граѓани да се борат во Украина, ги пренесува Би-би-си резултатите од својата истрага.
Според извештаите, Кубанците биле намамени во руската армија со високи плати и пасоши, а во септември и октомври 2023 година на интернет на проукраинската платформа „Информ напалм“ излегоа податоците за пасошите на речиси 200 Кубанци, кои наводно ѝ се приклучиле на руската армија“, пренесува медиумот.
Според написите, документите излегоа на интернет и извештаите во медиумите сугерираат дека на Кубанците им се нудат месечни исплати од речиси 2.000 долари, што е огромна сума за Куба, каде што просечната месечна плата е помала од 25 долари, според Би-би-си. Рускиот пасош овозможува безвизно патување до 117 дестинации, а сопствениците на кубански пасоши се ограничени на 61.