Европа
Европската унија го продолжува самитот без Велика Британија
Челниците на 27-те земји членки на Европската унија (ЕУ) во средата за првпат се собраа без Велика Британија, за да дискутираат околу последиците од британскиот референдум за напушањето на Унијата, пренесуваат светските агенции.
Лидерите на 27-те земји членки во вторникот вечерта го сослушаа британскиот премиер Дејвид Камерон, кој порача дека иако неговата земја ја напушта ЕУ, сака да одржи што поблиски односи со Унијата.
Британската страна би сакала да го задржи пристапот до единствениот европски пазар, но без слободата за движење на луѓето, што пак за ЕУ е неприфатливо. Прашањето на имиграцијата и доаѓањето на работниците од другите членки се смета за една од клучните причини поради кои мнозинството Британци се одлучија за напуштање на ЕУ.
Во ЕУ сакаат пак Велика Британија што поскоро да го активира членот 50 од Лисабонскиот договор, односно да пратат официјално известување за намерата за напуштање на ЕУ, со што започнува двегодишниот рок околу преговорите за условите за „разводот“ меѓу Унијата и Британија.
Британскиот премиер Камерон изјави дека тоа ќе и го препушти на следната влада, а британската страна би сакала да започне со неформалните преговори за идните односи помеѓу двете страни, пред да биде активиран членот 50. Сепак од страна на ЕУ беше порачано дека тоа не доаѓа во предвид и дека во преговорите Британија нема да може да го земе само тоа што и се допаѓа, односно да има пристап до единствениот пазар без обврските кои тоа ги предвидува./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Норвешка вели дека признавањето на Палестина е важен ден; Израел: Одлуката е награда за акциите на Хамас
Норвешка, една од трите европски земји што денеска официјално ја признаа Палестина, го поздрави „важниот ден“ и изрази жалење поради очигледниот недостиг на Израел од „конструктивен ангажман“.
„Повеќе од 30 години Норвешка е еден од најверните застапници на постоењето палестинска држава“, изјави шефот на норвешката дипломатија, Еспен Барт Еиде.
„Денот кога Норвешка официјално ја признава Палестина како држава е важен ден за норвешко-палестинските односи“, додаде тој.
Како дел од иницијативата координирана со Шпанија и Ирска, оваа нордиска земја минатата среда објави дека во вторник ќе ја признае државата Палестина.
Оваа одлука го налути Израел, кој ја смета за „награда“ за акциите на палестинското исламистичко движење Хамас во екот на војната во Појасот Газа.
Шефот на израелската дипломатија, Израел Кац, веднаш најави консултации со израелските амбасадори во овие три земји и ги покани на разговор нивните амбасадори во Израел.
Европа
(Видео) Руски ветерани од Украина се степаа на улица, во тепачката учествувале и припадници на „Вагнер“, пренесуваат локалните медиуми
Руските власти поведоа кривична истрага за масовна улична тепачка и пукање во градот Чељабинск за време на викендот, во која наводно биле вклучени воени ветерани од Украина.
На видеото од тепачката објавено од локалните медиуми се гледа како група мажи со тап предмет тепаат маж што лежел со лицето надолу кон земјата. Некои од мажите носеле маски.
Неколку моменти подоцна група мажи облечени во црно пристигнале со два автомобила и почнале да пукаат кон првата група мажи, кои потоа побегнале од областа.
Russia: Wagner mercenaries got into a mass brawl with local bandits in Chelyabinsk and were winning. Then bandit reinforcements arrived and shot up the mercenaries.
These Wagnerites have now called up their Wagner brethren to come down on the city and destroy the bandits. 🍿 pic.twitter.com/UAbYM9kSQO— Igor Sushko (@igorsushko) May 26, 2024
Официјални лица изјавија дека сите инволвирани во конфронтацијата биле уапсени откога тепачката избувнала во саботата попладне. Не се знае колку лица се приведени. Неофицијални извори тврдат дека се уапсени тројца мажи, меѓу кои и едно малолетно лице.
Некои извештаи сугерираат дека уличната тепачка можеби избувнала поради љубовен триаголник, врска меѓу жена, војник и ветеран од платеничката група „Вагнер“.
Меѓутоа, според извештаите на локалните медиуми, тепачката избувнала кога борецот на „Вагнер“ и неговата девојка наводно биле нападнати од непозната група мажи.
Платеничката единица „Вагнер“ одигра клучна улога во руската инвазија на Украина пред нејзиниот краткотраен бунт и смртта на нејзиниот основач Евгениј Пригожин минатото лето.
Европа
Борел: Украина има право да возврати со напади врз цели во Русија
Според законот за војна, Украина може да одговори на руските напади со контра удари на руска територија, но неопходно е да се најде баланс меѓу ескалацијата на конфликтот и правото на одбрана, изјави високиот претставник на ЕУ за надворешна и безбедносна политика, Жозеп Борел.
„Тоа е сосема можно според законот на војната, нема противречност, можете да возвратите или да се борите против оној што ќе ве нападне од вашата територија“, рече Борел пред почетокот на состанокот на министрите за одбрана на земјите членки на ЕУ.
На состанокот ќе се разговара за тоа откако генералниот секретар на НАТО, Јенс Столтенберг, ги повика западните земји да ги преиспитаат ограничувањата што им ги поставија на Украинците дека не смее да го користат своето оружје за напад на цели во Русија. „Прашањето за ризикот од ескалација на конфликтот ќе се постави многу бргу и ќе треба да се најде баланс помеѓу тој ризик и правото и потребата на Украинците да се бранат“, рече Борел.
Столтенберг во понеделникот рече дека „Украина има право да се брани и да напаѓа легитимни воени цели надвор од Украина“. Во вторникот пред состанокот на ЕУ тој рече дека употребата на Украина на оружје испорачано од нејзините западни сојузници против цели во Русија нема да ги направи НАТО и неговите членки страни во конфликтот.