Свет
Ги малтретирал за да им земе по 1000 евра за испит
Откако 20-тина студенти не успеале да го положат испитот ни во последната условна сесија, за да не изгубат година проф. Љубе Глигоровски им предложил полагање пред Комисија штро сам си ја формирал без знаење на деканатот
МЕДИЦИНСКИОТ ФАКУЛТЕТ ВО СКОПЈЕ КАКО ПРИВАТНО ЧЕКМЕЖЕ
Откако 20-тина студенти не успеале да го положат испитот ни во последната условна сесија, за да не изгубат година проф. Љубе Глигоровски им предложил полагање пред Комисија штро сам си ја формирал без знаење на деканатот, што според тврдења на студен
Околу 20 студенти по медицна пред една недела нелегално фатиле услов за четврта година на Медицинскиот факултет во Скопје. Според неофицијални информации од факултетот, идните лекари откако и по неколку обиди не успеале да го положат испитот по пропедефтика или вовед во интерна медицина, добиле можност да полагаат пред комисија. Но, своето знаење студентите не го презентирале пред комисија што по правило треба да ја одбере Деканатот, туку полагале пред испрашувачи кои лично си ги избирал шефот на катедрата по интерна медицина проф. Љубе Глигоровски. Според правилата, студентот незадоволен од исходот при полагањето испит има право по претходно поднесена жалба да полага пред комисија, но таа исклучиво треба и има право да ја формира Деканатот со согласност на деканот на Медицинскиот факултет. Само тогаш, објаснуваат од Деканатот на Медицински, оценката од положениот испит е важечка.
Извори од факултетот за ВЕСТ кажуваат дека проблемот со посочениот испит се појавил пред еден месец кога 150 студенти, по три-четири обиди не успеале да ги соберат потребните поени за да положат. На секое наредно полагање, неофицијално додаваат истите извори шефот на катедра ја намалувал бодовната граница, за на крај преодна оценка да добијат дури и некои студенти кои на тестот добиле само шест поени. Околу 20-тина од нив не добиле ниту еден бод и за да не изгубат година проф. Глигоровски им предложил полагање пред Комисија.
Но, шефот на катедра по интерна медицина наместо жалбите на студентите да ги проследи до Деканатот, тој на своја рака, без одобрение од деканката на Медицински проф. Магдалена Жантева си составил своја комисија. Шпекулациите се дека за ваквата привилегија студентите плаќале и до 1.000 евра.
“Што се 1.000 евра кога е во прашање губење година. Испитот не е толку тежок и се чини дека намерно не буткаа само да соберат пари од нас”, револтитрано коментирале студентите во Деканатот, откако дознале дека еден нивни колега легално по жалба добил право да полага пред Комисија формирана од Деканатот.
За целиот случај дознала и деканката на Медицинскиот факултет проф. Жантева која од проф. Глигоровски побарал писмено објаснување за неговото самоволие. Таа наредната недела треба да се изјасни дали ќе ги признае оценките од положените испити.
Вчера на Клиниката за пулмологија каде работи, не успеавме да го дбиеме проф. Глигоровски, кој според кажувањето на вработените отишол на промоција на книга. За дополнителен коментар недостапна беше и проф. Жантева.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.
Свет
Трамп: Ако загубам во ноември, Евреите ќе изгубат многу
Поранешниот американски претседател и републикански кандидат на претстојните претседателски избори, Доналд Трамп, на настан во Вашингтон, чија цел е борба против антисемитизмот, изјави дека ако загуби во ноември, „Евреите ќе изгубат многу“.
„Нема смисла“, рече Трамп за Евреите кои гласаа за потпретседателката на САД и демократска кандидатка Камала Харис, објави Политико.
Трамп рече дека секој Евреин што гласа за неа треба да ја прегледа главата.
Регион
(Видео) Maж падна од опасна карпа на Паг и почина, спасена алпинистка
При искачување на опасна карпа на Паг, еден маж почина, а една жена беше спасена во голема операција на хрватската служба за спасување.
„Добивме пријава во 13 часот и 32 минути дека две лица наводно се качувале на карпа кај Метајна. Едното лице паднало и починало. Другото е на карпата. Засега не може да им се пристапи од копно“, рекоа од полицијата.
Покрај полицијата, на местото на настанот има и други служби за итна помош – брза помош, пожарникари.
Малку по 17:00 часот од карпите е спасена жена, откако спасувачите со чамци се приближиле до карпата од морската страна.