Спорт
Мајами победи во дербито на Флорида

Осум натпревари се одиграа изминатата ноќ во НБА лигата, во нив шест победи забележаа екипите кои играа на домашен терен.
Осум натпревари се одиграа изминатата ноќ во НБА лигата, во нив шест победи забележаа екипите кои играа на домашен терен. Мајами, во дербито на Флорида. го победи Орландо со 91:81. Двејн Вејд, постигна 14 поени во последната четвртина, мечот го заврши со 31 поен, 6 скока и 4 асистенции. Леброн Џејмс го одигра најлошиот натпревар сезонава, постигнувајќи само 14 поени со шут од поле 4-14. Двајт Хауард со 18 поени и 11 скока и Квентин Ричардсон со 15 поени беа најефикасни во редовите на Орландо. ЛА Клиперси, во драматичен меч, по продолжението, забележаа победа над Детроит од 87:84. Крис Пол постигна 19 поени, од кои девет уфрли во дополнителните пет минути, плејмејкерот на Клиперс во својата статистика додаде уште 15 асистенции и 9 скока. Сигурна победа запиша лидерот во Западната конференција, Оклахома. Тандерс го совладаа Портланд со 111:95, благодарение на Расел Вестбрук (28 поени, 5 асистенции) и Кевин Дурент (26 поени, 7 скока и 6 асистенции). Јута, спротивно на сите прогнози, на гостински терен ги победи Лејкерси 103:99. Ендрју Бајнам одигра еден од своите најдобри натпревари сезонава, центарот на Лејкерси имаше дабл-дабл ефект од 33 поени и 11 скокови. За разлика од Бајнам, катастрофална шутерска вечер имаше првата звезда на тимот Коби Брајант, кој постигна 15 поени, но од поле шутираше 3-15. Пол Милсап со 24 поени и 9 скока ги предводеше џезерите до победата. Резултати:Кливленд-Атланта 87:103Мамфис-Вашингтон 97:92Сакраменто-Минесота 111:99Феникс-Хјустон 99:86. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Интер маршира кон титулата, ја победи Аталанта во Бергамо

Интер ја совлада Аталанта во Бергамо со 2:0 во 29. коло од Серија А и ја презеде лената позиција на табелата во Серија А.
Ова беше еден од најважните натпревари за двата тима во трката за титулата, вториот против третиот на табелата и уште една во низата победи на Интер против Ла Деа“.
Стрелци за гостите беа Карлос Аугусто во 54. минута и Лаутаро Мартинез во 87.
Ова беше осма последователна победа на Интер против Аталанта во сите натпреварувања.
Екипата на Џан Пјеро Гасперини очигледно не знае да игра против „неро-азурите“, а тоа беше случај и вечерва, а немоќта на домашните беше видлива по нервозните реакции кои доведоа до жестоки расправии и на крајот и до црвени картони.
Еден доби Џанпјеро Гаспреини поради бурни протести, а во 81. минута и Едерсон, кој поради протест доби жолт, по што следеше ироничен аплауз во лицето на судијата, поради што мораше да замине во соблекувалната.
Интер на врвот има 64 бодови, три повеќе од Наполи и шест од Аталанта.
Спорт
(Видео) Барселона со спектакуларен пресврт на „Метрополитано“, од 2:0 до 2:4 против Атлетико

Атлетико и Барселона одиграа уште еден спектакуларен натпревар, овојпат на „Метрополитано“ во Мадрид. Во 28.коло, Барселона победи со 4:2 иако до 72.минута имаше негатива од два гола.
Атлетико поведе со голот на Хулијан Алварез во 45.минута. Аргентинецот ја реализраше акцијата која ја започна Гризман, а Симеоне му асистираше на сонародникот.
„Јорганџиите“ предноста ја зголемија во 70.минута преку Серлот. Ова е шести натпревар по ред на кој Норвежанецот постигнува гол против Барселона.
Тука, Атлетико застана, дали остнаа играчите на Чоло Симеоне без енергија, по исцрпувачкиот меч против Реал во средата, најдобро може да одговори тој самиот.
Левановдки намали на 2:1 во 72.минута, а шест минути подцна Феран Торес го изедначи резултатот.
Во судиското надополнување целосен шок за „јорганџиите“. Ударот на Јамал од 20 метри во 92.минута удри во Реинилдо, топката целосно го смени правецот го измами Облак и заврши зад неговиот грб.
Точка на мечот ставо Феран Торес во 97.минута.
Барселона, со натпревар помалку, се изедначи со Реал на првото место. Двата тима имаат по 60 бодови, четири повеќе од Атлетико.
Спорт
(Видео) Гол и две асистенции за Фернадеш, Јунајтед победи во Лестер

Манчестер јунајтед забележа победа од 3:0 на стадионот „Кинг Пауер“ против Лестер. Повторно, капитенот Бруно Фернандеш имаше клучна улога во победата на „црвените ѓаволи“.
Португалскиот играч за врска повторно беше движечка сила, дури и кога енергијата на теренот опаѓаше. Фернандеш му асистираше на Хојлунд во 28. минута за првиот гол на гостите.
До тој момент, Лестер воопшто не остави лош впечаток. „Лисиците“ имаа добри шанси но беа лоши во реализацијата.
Во вториот дел избраниците на Рубен Аморим сакаа што поскоро да ја обезбедат победата, а Гарначо во 57. минута постигна гол, кој беше поништен поради офсајд.
Десет минути подцна повторно Фернандеш одигра важна улога и му асистираше на Аргентинецот кој овојпат можеше да го прослави голот.
Лестер можеше да се врати во 74. минута. Варди ја украде топката, го пронајде Буонаноте, но Де Лигт во последен момент со лизгачки старт спречи гол.
Бруно ја круниса играта со феноменален гол во 90. минута од 18 метри за конечени 0:3.
Со оваа победа Јунајтед ги прескокна Тотенхем и Евертон во поредокот, сега на 13. место со 37 бодови, додека Лестер е 19. со 17 бодови.