Македонија
Мирен протест за поддршка на А1
Вработените во А1 телевизија, граѓани и дел од опозициските партии вечерва се собраа на мирен протст на плоштадот „Пела“ во Скопје за како што велат во одбрана на независноста на медиумите и за упадот во медиумите А1, „Шпиц“, „Време“ и „Коха е Ре“.
На присутните им се обрати сопственикот на телевизијата, Велија Рамковски.
„Во врска со парите што ги манифестираат тие, тоа се парите што ми ги платиле во кеш ВМРО – ДПМНЕ за реклами, тие се имаат рекламирано за повеќе од четири милииони евра на А1 телевизија. Нема повеќе од сто илјади легално платени, што во кеш, што од буџетот. Груевски краде од касата заради што и тргнал да ја руши телевизјата и дневните весници „Шпиц“, „Време’“ и „Коха е Ре“, меѓутоа за такво нешто нема шанси, побрзо ќе падне тој, отколку демократијата во Македонија“, рече Рамковски.
Главниот и одговорен уредник на А1 телевија, Младен Чадиковски, се заблагодари на поддршката и рече дека е очигледно дека македонската демократија има шанси за успех.
„Гледам дека македонското новинарство нема да згасне. Ние ќе продолжиме со нашата битка, рече Чадиковски пред насобраните.
Главниот и одговорен уредник на „Шпиц“ најави дека од понеделник дневните весници ќе продолжат со печатење.На присутните им се обрати и лидерот на Обединети за Македонија, Љубе Бошкоски, а имаше и претставници од СДСМ и Либералнодемократската партија.
Завчера новинарите од националната телевизја А1 објавија дека има полициски упад во медиумот како и дека не можат слободно да се движат и да си ги извршуваат своите професионални обврски. МВР пак, соопшти дека телевизијата воопшто не била предмет на нивната истрага и дека се вршела финансиска контрола над шест фирми што се регистрирани на иста адреса каде што е лоцирана и телевизијата, „Перо Наков“ ББ.
Еден час по започнувањето на протестот улицата во близина на плоштадот „Пела“ која беше блокирана веќе е расчистена./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.