Македонија
Црвенковски ќе се повлече од политиката ако загуби на следните избори
ВМРО-ДПМНЕ денеска излезе со став дека Бранко Црвенковски е свесен дека шансите на СДСМ да победи на следните парламентарни избори се минимални и оти затоа го одлага своето повлекување од политиката, а од СДСМ велат дека Црвенковски ќе се повлече ако изгуби на следните избори.
ВМРО-ДПМНЕ денеска излезе со став дека Бранко Црвенковски е свесен дека шансите на СДСМ да победи на следните парламентарни избори се минимални и оти затоа го одлага своето повлекување од политиката, а од СДСМ велат дека Црвенковски ќе се повлече ако изгуби на следните избори.
„Aко пред година дена имавме сигурност во изјавите дека тоа ќе се случи, ако јасно беше кажано доколку ВМРО-ДПМНЕ ги добие изборите, Бранко Црвенковски ќе се повлече од политиката и од претседателското место во СДСМ, по година дена имаме изјави во кои што имаме ретерирање од тој став. Дури и Бранко Црвенковски е свесен дека на следните парламентарни избори шансите на СДСМ да победат е минимални и затоа практично го одложува своето повлекување од политиката, односно се уште остава простор за понатамошно политичко дејствување“, рече на денешната прес-конференција Александар Николовски од ВМРО-ДПМНЕ, повикувајќи се на изјави на Црвенковски.
Според Николовски во изминатите година ипол откако Црвенковски е лидер на СДСМ, партијата нема кадровски потенцијал, програма и политики со кои може да се спротистави на политиките на ВМРО-ДПМНЕ.
Тој рече дека ВМРО-ДПМНЕ смета дека е вонредно значајно за македонската демократија, во следниот период да има јасно спротивставување на два политички концепти,кое како што рече што го нема во овој период.
Од СДСМ пак велат дека ако СДСМ остане опозиција и по следните парламентарни избори, тоа ќе биде крај на политичката кариера на Бранко Црвенковски.
Тие прашуваат дали ако идната Влада биде формирана од СДСМ, премиерот Никола Груевски ќе се повлече од политиката и според нив неодговањето на ваквото прашање ќе знaчи оти актуелната владејачка партија се подготвува за опозиција./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.