Свет
Експлозија во руски магацин со 100 илјади тони муниција
Околу 100 илјади тони муниција имало во магацинот во Башкорија на југ од Урал, кој во четврток бил зафатен од пожар, јави руската агенција Интерфакс.
Околу 100 илјади тони муниција имало во магацинот во Башкорија на југ од Урал, кој во четврток бил зафатен од пожар, јави руската агенција Интерфакс.Во експлозијата нема не жртви и настрадани нема во експлозиите и пожарот во магацинот 99 во Башкортостан, изјавил за РИА Новости, портпаролот на руското министерство за одбрана, полковникот Игор Конашенков Според него, командата на воената единица извршила проверка на целиот воен персонал и цивилен персонал ангажиран во магацинот. Сите воени лица и цивили кои се нашле на територијата на воениот полигон биле евакуирани. Станува збор за неколку илјади луѓеПожарот на отворениот склад за муниција во реонот на местото Урман во Ингискиот регион од републиката се’ уште не е локализиран. Според првичните информации експлодирале 120-милиметарски гранати.„Во магацинот имало околу три илјади вагони муниција, односно повеќе од 100 илјади тони. По експлозијата, парчиња од муницијата летала на оддалеченост од само три километри, но експлозии ќе има и во наредните неколку дена“, изјавил соговорник на Интерфакс од комисијата формирана веднаш за расветлување на инцидентот.Руското државно обвинителство потврди дека во експлозијата нема настрадани а инцидентот го припишува на случаен пожар во магацинот. Поради застарената инфраструктура и непочитување на безбедносните правила, во Русија секоја година се случуваат неколку слични инциденти./крај/рн/иф/сн,
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинците објавија снимка: „Ова се руски агенти, сакаа да го убијат Зеленски“
Украинските разузнавачи соопштија дека спречиле руски заговор за атентат на претседателот Володимир Зеленски. Украинската служба за државна безбедност СБУ објави дека фатила руски агенти кои биле вработени во украинската државна гарда. Разузнавачките претставници велат дека руски агенти планирале да го убијат претседателот и други високи владини функционери.
Шефот на СБУ, Васил Маљук, изјави дека неуспешниот атентат требало да биде „подарок“ за Владимир Путин пред неговата денешна инаугурација.
СБУ на својот канал на Телеграм објави тврдење дека руски таен агент ги пренел координатите на безбедната куќа пред планираниот воздушен напад. Претставници на разузнавањето додадоа дека Русија планирала да ги уништи сите траги од дронот што би се користел за гаѓање на претседателот со друг проектил.
„Непријателот активно развиваше планови за да го тргне претседателот Володимир Зеленски. Една од задачите на руската разузнавачка мрежа ФСБ беше да бара џелати меѓу војниците блиски до службата што го штити претседателот, кои би можеле да го убијат шефот на државата“, соопштија од СБУ.
„Покрај Володимир Зеленски, непријателот планираше да ги елиминира и шефот на Службата за безбедност на Украина Васил Маљук, шефот на Воената разузнавачка служба на Украина Кирил Буданов и други високи функционери“, се вели во соопштението.
„Ограничен број луѓе знаеја за нашата специјална операција и јас лично го следев нејзиниот напредок. Терористичкиот напад, кој требаше да биде подарок за Путин пред инаугурацијата, всушност беше неуспех на руските специјални служби“, рече Маљук.
„Но, не смееме да заборавиме – непријателот е силен и искусен, не може да се потцени. Ќе продолжиме да планираме однапред и да си ја работиме работата секој предавник да ги добие заслужените судски казни“, заклучи тој.
СБУ наведува дека при претресот на просториите на уапсените руски агенти биле пронајдени „релевантни средства за уништување“ и други докази за криминални активности.
Свет
Во Америка доминира нов подсој на коронавирусот, варијанта што ги загрижува научниците
Нова група на подваријанти на коронавирусот циркулира во САД. Според американскиот Центар за контрола и превенција на болести (ЦДЦ), моментално доминантна е подваријантата наречена „(FLiRT)“.
Една од подваријантите на „(FLiRT)“ е КП.2 и таа е одговорна за околу 25 проценти од сите инфекции во САД. Сите варијанти кои се во оптек се дел од микронскиот сој на вирусот САРС-КоВ-2, попознат како коронавирус.
Меган Л. Рејни, декан на Факултетот за јавно здравје Јеил, рече дека (FLiRT) има некои загрижувачки карактеристики, кои се одговорни за неговото ширење меѓу населението, односно овозможуваат вирусот да се „закачи“ за телото и да предизвика болест, пренесуваат американски портали.
ЦДЦ наведува дека Ковид-19, болеста предизвикана од коронавирусот, продолжува да претставува значителна закана за јавното здравје, и покрај севкупното намалување на сериозните болести предизвикани од овој вирус. Сепак, стапката на хоспитализација на луѓето со Ковид-19 останува висока кај луѓето на возраст над 65 години.
Американскиот комитет за имунизација препорача сите постари од 65 години да добијат дополнителна доза од вакцината против Ковид. Тие посочуваат дека имплементацијата на овие препораки треба да го зајакне имунитетот против вирусот и да го намали ризикот од сериозни состојби кои болеста може да ги предизвика, вклучително и смрт.
Европа
Босфор затворен, заринка украински брод
Теснината Босфор, која го поврзува Црното со Средоземното Море, е затворена за бродови откога денеска таму заринка товарен брод од Украина, соопштија турските власти за ДПА.
Бродот „Алексис“ превезува прехранбени производи од Украина до Египет. Дефект на моторот се случил во близина на излезот од пловниот пат, изјави портпаролот на Управата за безбедност на крајбрежјето за дпа.
Спасувачките напори се веќе во тек, додаде изворот. Босфорот служи како излез за украинското жито на светските пазари во екот на руската инвазија. Речиси 40.000 брода поминале низ Босфорот во 2023 година, според турското Министерство за транспорт.