Спорт
Ник Јанг ја прекина неизвесноста во продолжението
Во Вашингтон по нерешениот резултат 106:106 во регуларниот тек на мечот меѓу магичните и 76-ките од Филаделфија, гостите на 7 секунди до крајот водеа со 113:114, но Ник Јанг наместо да оди на сигурен кош од близина или да изнуди фаул, упати удар од далечина и погоди тројка со која го одлучи победникот. Но за да дојде до продолжение заслуга има уште и Џон Вол кој на 2 секунди до крајот од регуларниот тек беше фаулиран при шут за тројка при 103:106, и успеа да ги реализира сите три слободни фрлања. Најефикасен беше Џон Вол со 25 коша, сите во второто полувреме. Кај гостите Андре Игуадала имаше 23 поени, 11 скокови и 8 асистенции.Брук Лопез постигна 32 коша во победата против Атланта од 107:101, со што помогна неговиот Њу Џерси да ја прекине серијата од три порази. Во регуларниот тек мечот заврши 93:93, а во продолжението мрежичките беа шутерски порасположени. Во второто полувреме разигран беше Девин Херис кој постигна во овој период 23 коша од вкупно 27 на целиот натпревар. Џамал Крафорд беше најдобар кај јастребите од Атланта.Во соседството, Њујорк Никс ја забележаа четвртата победа по ред, по трите последователни на гостувањата. Овојпат совладан е Шарлот Бобкетс со 110:107. Со шест играчи кои постигнаа двоцифрен број поени, Тони Даглас (22 п.) беше најефикасен кај домаќините, а Ди Џеј Аугустин (24 п.) во тимот на Шарлот.Во останатите средби се постигнати следните резултати:Индијана Пејсерс – Кливленд кавалирс 100:89 (Дени Грејнџер 24 п. / Рамон Сешнс 15 п. 6 ск. 5 ас.)Л.А. Лејкерс – Чикаго Булс 98:91 (Шенон Браун 21 п.Дерик Роуз 30 п.)Далас Маверикс – Детроит Пистонс 88:84 (Новицки 42 п. 12 ск. / Тејшаун Принс 19 п.).крај/ап/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Баер со триумф во Купот стави точка на неверојатната сезона
Баер Леверкузен е победник на Купот на Германија за сезоната 2023/2024. и освојувач на „двојната круна“ во германскиот фудбал, откако претходно на доминантен начин ја освои и Бундес лигата.
Избраниците на Чаби Алонсо беа подобри од второлигашот Кајзерслаутерн во финалето на Олимпискиот стадион во Берлин со 1:0.
Ова беше петто финале за „фармацевтите“ и втора титула во Купот, прва по 1993 година.
Леверкузен ја комплетира чудесната сезона, која во сите натпреварувања ја заврши со еден пораз. Баер одигра 53 натпревари во сите конкуренции и загуби само еднаш, во средата од Аталанта во финалето, во Лига Европа.
Победата во финалето против Кајзерслаутерн ја изборија со голот на Џака во 16.минута, а потоа покажаа квалитет кога успеаја да ја одбранат бидејќи од 44.минута играа со фудбалер помалку на теренот.
Спорт
Тен Хаг: Ако Јунајтед не ме сака, ќе одам на друго место да освојувам трофеи
Манчестер јунајтед го освои ФА Купот откако во големото финале на Вембли го совлада Манчестер сити со 2:1. За Јунајтед ова е прв триумф во ФА купот по 2016 година, вкупно 13. во клупската историја.
Ерик Тен Хаг, го освои првиот тофеј како менаџер на Манчестер јунајтед. И покрај победата во ФА купот не е сигурно дека Холанѓанецот и наредната сезона ќе биде менаџер на Јунајтед. го коментираше натпреварот.
„Ако Јунајтед повеќе не ме сака, ќе одам на друго место за да освојувам трофеи. Тоа е она што го правам цела моја кариера“, рече Тен Хаг.
Како можни наследници на Тен Хаг се споменуваат Киеран Мекена од Ипсвич Таун, Роберто Де Зерби кој неодамна објави дека го напушта Брајтон и Томас Тухел кој си замина од Баерн на крајот на сезоната.
Спорт
МЗТ ја одбрани шампионската титулата
Foto/ facebook.com/kkmztskopje
МЗТ Скопје ја освои петтата последовна титула, 11. титула во клупската историја. Финалната серија против Пелистер, МЗт ја доби со 3:0. По двете победи на домашен терен, МЗТ вечерва победи во Битола со 78:67.
Пелистер се обиде да ја продолжи серијата, да се избори и за четврти натпревар, но кошаракарите на Радуловиќ имаа сила да му се спротивстават на шампионот само 24 минути.
По релативното израмнето прво полувреме, Пелистер во 23.минута ја стекна највисоката предност 50:43 и тука застана. МЗТ одговри со серија 11:0, минусот го претвори во плус од четири поени.
Во последната четвртина МЗТ му дозволи на Пелостер само два поени во првите шест минути игра, а кога Баковиќ со две тројки ја крена разликата на 16 поени беше јасно дека МЗТ ќе ја одбрани титулата.
Најефикасни во тимот на МЗТ беа Баковиќ и Гилон со по 15 поени, 11 кошеви постигнаа Делалиќ и Петков. Пелистер го предводеа Мијовиќ и Костоски со по 19 поени.