Македонија
Привремено затворено породилиштето во Прилеп
Министерството за здравство времено го затвори породилиштето во Прилеп се до завршување на истрагата за смртта на родилката Јасмина Богдановска
Министерството за здравство времено го затвори породилиштето во Прилеп се до завршување на истрагата за смртта на родилката Јасмина Богдановска, соопштија од Министерството за здравство.
Богдановска (32) е трета родилка која за само неколку месеци почина во прилепската болница, а причината за смртта најверојатно е сепса.
Богдановска пред една недела со царски рез родила здраво машко бебе. Првите компликации Богдановска ги добила вчера наутро и по препорака на скопските инфектолози и гинеколози на родилката и била извадена матката. Прилепските докторитврдат дека операцијата минала без проблеми, но само за неколку часа Богдановска починала.
Од страна на болницата веднаш бил повикан истражен судија и лекар од Судска медицина за да изврши обдукција.
Министерството за здравство изјави дека ги презема сите потребни мерки за испитување на причините за смртта, вклучувајќи и испраќање на инспектори од Државниот санитарен и здравствен инспекторат за да извршат надзор над целата документација и да го испитаат целиот случај.
Во период додека е затворено родилиштето во Прилеп сите породувања ќе бидат извршувани во болниците во најблиските градови.
Од Министерството за здравство информираат дека пред 10-тина дена во Прилепската болница е извршена редовна детална контрола и дезинфекција на сите болнички капацитети, вклучувајќи ја и породилната сала и просториите за престој на пациентите. /крај/иа
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Дел од две скопски населби без струја
Регионалниот центар за управување со кризи на Град Скопје, по добиеното известување од ЕВН, известува дека поради планирани зафати во електро дистрибутивната мрежа без напојување со електрична енергија ќе останат:
• од 09:00 до 12:00 часот Сеизмологија, Пржино, Институт за земјотресно инженерство, Француска амбасада и ул.Милан Мијалковиќ. (Општина Центар)
• од 08:00 до 15:30 часот Дел од улица Регионален пат R1102 Скопје – Катланово на потегот од бензинска Мак Петрол до исклучок кон с. Огњанци, улица 3, дел од улица 7 и дел од улица 2. (Општина Петровец)
Македонија
Поради водоводен приклучок: дел од Центар без вода за пиење
Регионалниот центар за управување со кризи на Град Скопје, по добиеното известување од ЈП Водовод и канализација – Скопје, соопшти дека денеска- петок, поради изведување на водоводен приклучок од Ф-80мм на ул.Македонија ( спроти Спомен куќата на Мајка Тереза ) во населба Центар, прекинато водоснабдување ќе имаат корисниците на потегот од Димитрие Чуповски до Даме Груев и дел од Луј Пастер , од 08:30 часот до завршување.(општина Центар)
Македонија
Променливо облачно со повремени врнежи од дожд, кои наместа ќе бидат пообилни
Времето денеска ќе биде променливо облачно со повремени врнежи од дожд, кои наместа ќе бидат пообилни и поројни, проследени со појава на грмежи.
Ќе дува слаб до умерен ветер претежно од североисточен правец.
Минималната температура ќе биде во интервал од 10 до 15, а максималната ќе достигне од 18 до 25 степени.
Во Скопје, времето ќе биде променливо облачно со повремени врнежи од дожд, попладне пообилни проследени со грмежи. Минималната температура ќе се спушти до 15, а максималната ќе достигне до 22 степени.
Во сабота во западните делови ќе има услови за слаб локален дожд. Потоа во следните денови времето ќе биде сончево со мала до умерена облачност. Дневната температура ќе биде во постепен благ пораст.