Македонија
Филипини: Луѓето кои очекуваат политички азил се жртви на погрешна приказна
„Луѓето кои се погрешно информирани и веруваат дека ќе добијат политички или било каков друг азил доколку доаѓаат од земја кандидат за Унијата се жртви на погрешна приказна и имаат погрешно очекување.“
„Луѓето кои се погрешно информирани и веруваат дека ќе добијат политички или било каков друг азил доколку доаѓаат од земја кандидат за Унијата се жртви на погрешна приказна и имаат погрешно очекување.“
Ова денеска го истакна на јавната дебата за политичкиот дијалог и политичката култура во Република Македонија, амбасадорот на Кралството Холандија во Република Македонија Симоне Филипини, во врска со азилантите од Македонија што навалија изминатите денови во Белгија.
„Не очекувам зголемениот број на азиланти од Македонија во Белгија да предизвика последици за визната либерализација за македонските граѓани“, укажа Филипини.
Холандскиот дипломат изјави дека не очекува рестрикции за патувањето на македонските граѓани во шенген зоната.
Според неа многу поголемо внимание ќе им се обрне на границите за да се заштитат луѓето.
„Доколку има случаи на автобуси преполни со багаж што се обидуваат да ги поминат шенгенските граници можам да замислам дека некои мерки ќе бидат преземени и патниците ќе бидат прашувани каде и зошто одат“, рече Филипини.
Таа им порача на сиромашните граѓани да не им веруваат на оние што сакаат да заработат на нив ветувајќи им азил.
Таа рече дека е запозната со тоа дека македонската влада ги предупредила граѓаните, но и порача да спроведе сериозна кампања во реоните од каде што потекнуваат најголемиот број азиланти./
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.