Спорт
Заврши регатата „ПАМПУР“
Македонските едриличари ја завршија регатата „Пампур“ со авантура на отворено море, силен ветер и големи бранови.
Македонските едриличари ја завршија регатата „Пампур“ со авантура на отворено море, силен ветер и големи бранови.Првото место на вчерашната трка им припадна на екипажот Шарпланинци со скиперот Зоран Стојков од Тетово. Второто место го зема македонски скипер од Скопје кој сакаше да остане анонимен и заслугата ја препиша на својот екипаж Пирати. Пиратите беа први по првата трка, вчера се бореа за првото место во генерален пласман со Шарпланинци. Втората етапа на регатата Пампур се пловеше од островот Жут, па јужно по должината на Корнатите, со обртна точка на островот Опат, па повторно северно покрај Корнатите се до островот Лаврнака, каде што екипажите ќе ја поминат ноќта. Вчера се пловеше во многу нестабилни услови. На моменти ветерот надминуваше 35 јазли (65 километри на час). Југото (ветер од североисточен правец на Јадранот) кој почна да дува пред два дена, продолжи со зголемен интензитет. Југото е познато по засилување на брановите и екипажите имаа вистинска авантура особено кога етапата се пловеше на отворено море, западно од Корнатите. Екипажот на Карпа (Бојан Бошковски од Скопје), кои завршија трети по првиот ден, мораа да се откажат од трката поради скршен подигач на главното едро, додека екипата на Нинџи, (Игор Јарчевски, Скопје) во брановите ја загуби средишната кормиларска клупа, елемент витален за правилно управување со бродот. Нинџите, еден ден пред трката ја загубија елисата на бродот, а со тоа и моторната способност на пловилото, па беа приморани да менуваат брод на само неколку часа пред тркачкиот ден. Сепак Нинџите завршија шести.Параглајдеристите од клубот Вертиго кои петти пат учествуваат на ПАМПУР со екипажот на Вертиго Вејв и скиперот Влатко Милев, завршија трети на втората трка. По кинењето на јажето од главното едро на првиот ден Вертиго Вејв во генералниот пласман завршија седми. Силниот ветер и големите бранови му создадоа големи проблеми на екипажот на Вижн (Vision, Љупчо Николовски, Скопје) и Свордфиш (Бојан Миновски,Скопје) кои и по 2 часа по завршување на трката се уште беа на отворено море. „Ова можеби беа најсериозните услови на кои сум пловел“, изјави Николовски, „брановите беа преголеми за нашиот мал брод (38 фита, 10 метарска едрилица) моравме да пловиме со 30% од брзината за да стигнеме безбедно.“ Воедно Свордиш, затекнати во иста ситуација како и Вижн, мораа да се откажат од трката.„ПАМПУР по петти пат покажува сериозна организација,“ изјави Александар Пајков, претседател на регатата. „Бројката од 10 до 15 (македонски) брода на секоја трка го потврдува ова. Со денешните тешки услови скиперите имаа вистинска шанса да се докажат во знаењето, вештината и финесите во навигацијата . Целиме кон тоа ПАМПУР да стане официјална регата од отворен тип каде што резултатите ќе се бодуваат на светски ранг.“ /крај/макфакс/мг
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ерлинг Халанд станува лик во култната видео игра
Еден од најдобрите напаѓачи во светот, играчот на Манчестер Сити, Ерлинг Халанд (23), не е на нивото од минатата сезона, поради што неодамна беше мета на критики, пред се од поранешните играчи кои денес ги анализираат натпреварите за ТВ куќите.
какви стандарди постави Халанд минатата сезона најдобро покажува податокот дека оваа сеозна често го критикуваат, а тој има постигнато вкупно 32 гола (21 во Премиер лигата) на 40 настапи во сите натпреварувања.
Вредноста на Халанд за Манчестер Сити, со кого има договор до 2027 година, не е само на теренот, туку Норвежанецот е еден од најпопуларните фудбалери во светот, а неговиот маркетиншки потенцијал е огромен, а тоа го покажува и веста дека ова недела Халанд станува лик што може да се игра во видео играта „Clash of Clans“.
Ова е првпат во играта да се додаде вистинска личност, а Халанд ќе стане ликот на „Кралот на варварите“ во текот на месец мај.
Халанд ја игра „Clash of Clans“ повеќе од десет години и стапи во контакт со „Supercell“, финските програмери кои стојат зад популарната игра, за да формираат партнерство.
„Кога слушнавме дека Ерлинг Халанд е обожавател на нашата игра и сака да биде партнер со нас, тоа навистина беше сценарио од соништата“, изјави Стјуарт Мекгау, генерален директор на „Clash of Clans“.
Халанд имал десет години кога првпат ја открил оваа игра, а активно учествува и денес.
„Јас сум голем обожавател на играта долго време и знам сè за неа, така што е навистина кул да се појавиш како лик во играта“, рече Халанд.
Спорт
Салах му викал на Клоп: Ќе добијам црвен картон
Вест Хем и Ливерпул во Лондон минатата сабота одиграа 2:2 во 35. коло од Премиер лигата.
Тренерот на Ливерпул, Јирген Клоп, направи тројна замена две минути откако неговиот тим го прими вториот гол. Меѓу другите, во тој момент во игра влезе и најголемата ѕвезда на Ливерпул, Мохамед Салах.
Репрезентативецот на Египет пред да стапне на теренот влезе во жестока расправија со Клоп, тој момент го уловија камерите.
Англиските медиуми се занимаваа со ситуацијата неколку дена по натпреварот, анагжираа професионален читач од усни.
Тој откри дека Клоп го прекорувал Салах затоа што бил премногу бавен за да се подготви за натпреварот, по што почнала расправијата.
„Не можам да сторам ништо околу тоа“, рекол Салах, а одговорот на Клоп не е забележан на камерите. Меѓутоа рекол нешто што го вознемирило Салах, толку многу, што почна да вика дека ќе добие црвен картон кога ќе влезе:
„Ќе, ќе добијам црвен картон. По седум години, по седум години играње, по седум години играње“, викал египетскиот напаѓач.
Потоа ситуацијата ја смири соиграчот Дарвин Нуњез.
По натпреварот, Салах прошета низ микс зоната, но одби да одговара на новинарски прашања.
Само кратко им дофрли на насобраните новнари: „Ако зборувам денеска, ќе има оган“.
Спорт
Роналдо го продаде Крузеиро
Легендарниот бразилски фудбалер Роналдо ја објави продажбата на Крузеиро. Сопственик на клубот во кој ја започна кариерата, Роналдо стана пред две години.
„Мојата мисија е остварена. Целта беше да се обнови Крузеиро, да се врати таму каде што припаѓа и да се предаде на вистинската личност“, рече светскиот шампион од 2002 година на прес-конференција во Бело Хоризонте.
Со него беше и новиот сопственик на клубот, Педро Лоуренсо, милионер кој раководи со еден од главните супермаркети во земјата.
Детали за продажбата не се откриени, но локалните медиуми јавуваат дека новиот сопственик, како и неговиот претходник, ќе има 90 отсто од акциите за сума која се проценува на 600 милиони реали (110 милиони евра).
Во декември 2021 година, Роналдо се здоби со 90 отсто од акциите на Крузеиро, клубот во кој ја започна својата кариера во 1993 година, за сума од околу 400 милиони реали.
Четирикратниот бразилски шампион и двократниот победник на Копа Либертадорес, Крузеиро, во периодот пред Роналдо минуваше низ финансиска, поради што клубот во 2019 година испадна од бразилската Серија А.
Крузеиро веднаш се врати во елитата под водство на Роналдо, кој го преполови долгот на клубот, моментално седми во бразилското првенство.
Поранешниот играч на ПСВ, Интер, Барселона и Реал Мадрид сепак беше мета на критики минатата година за резултатите кои се сметаа за разочарувачки бидејќи Крузеиро ја заврши сезоната на 14. место.
„Крузеиро беше на интензивна нега и сега удобно одмара во болнички кревет“, рече Роналдо и му го предаде клубот на Лоуренсо.
Инаку, според најавите Роналдо се подготтвува да го продаде и втроиот тим, кој се наоѓа во неговат сопственост. Станува збор за шпанскитиот вторлигаш, Ваљадолид.