Свет
Харири не сака во влада со Хезболах

Премиерот на Либан во оставка, Саад Харири денеска изјави дека нема да учествува во владата предводена од Хезболах и неговите сојузници, пренесуваат светските агенции. Од кабинетот на Харири соопштија дека „Движењето за иднина“ одбива да учествува во влада која би била предводена од кандидат на блокот „8 март“, алудирајќи на опозицијата предводена од Хезболах. Либанскиот претседател, Мишел Слимане ги одработи консултациите со парламентарните партии како би избрал мандатар за новата влада. Се` поизгледно е дека тоа ќе биде Наџиб Микати, кој во 2005 година три месеци беше премиер на Либан. Политички извори од Либан тврдат дека Хезболах и неговите сојузници се согласиле да го поддржат сунитот Микати за премиер, со надеж дека тоа е компромисна фигура која ќе ја предводи новата влада. Микати беше дел од изборната листа на Саад Харири во 2009 година која победи на парламентарните избори, но овој милијардер подоцна му беше соперник на Харири за местото премиер, кое по Уставот на Либан и сложената етничко-фракциска поделба е резервирано за преставник на сунитите. На почетокот на овој месец Хезболах и неговите сојузници ја срушија владата на Харири, поради препукувањата околу тајните обвиненија на посебниот суд кој го истражува убиството на поранешниот премиер Рафик Харири, таткото на Саад. крај/хина/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија и Украина утре ќе разменат 175 воени заробеници

Русија и Украина утре ќе разменат 175 воени заробеници од двете страни, изјави претседателот Владимир Путин за време на телефонскиот разговор со неговиот американски колега Доналд Трамп.
-Путин објави дека на 19 март руската и украинската страна ќе разменат по 175 затвореници, се вели во соопштението на Кремљ.
Белата куќа, од своја страна, објави дека Трамп и Путин се договориле за 30-дневен прекин на огнот во енергетскиот и инфраструктурниот сектор на Украина и дека преговорите за ставање крај на конфликтот ќе започнат „веднаш“.
Тие разговори ќе бидат на Блискиот Исток, соопшти Белата куќа, пофалувајќи ги „огромните придобивки од подобрените односи“ меѓу САД и Русија
Свет
Трамп: Со Путин е договорен прекин на огнот за енергетските и инфраструктурните објекти

Американскиот претседател Доналд Трамп изјави дека во денешниот телефонски разговор со неговиот руски колега Владимир Путин се договорил за итен прекин на огнот меѓу Русија и Украина во сите енергетски и инфраструктурни објекти.
„Се согласивме на итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп на Truth Social.
Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат“.
„Тој процес сега е во полна сила и ефект, и се надеваме, заради човештвото, дека ќе ја завршиме работата“, рече Трамп.
Свет
Гутереш ги повика Израел и Хамас целосно да го почитуваат прекинот на огнот во Газа

Генералниот секретар на Обединетите нации Антонио Гутереш денеска ги повика Израел и палестинската милитантна група Хамас целосно да го почитуваат прекинот на огнот во Појасот Газа.
Тој рече дека Палестинците во Појасот Газа се подложени на „неподносливо страдање“ додека израелските напади продолжуваат немилосрдно.
Гутереш им рече на новинарите во Женева дека улогата на ОН е меѓународната заедница да изврши притисок врз Израел и Хамас целосно да го почитуваат прекинот на огнот во Појасот Газа, пренесе Ал Џезира.
Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.