Свет
Се одбележуваат сто години од потонувањето на Титаник
Сто години по потонувањето на „Титаник“ во неделата од двете страни на Атлантикот им се одава чест на жртвите од трагедијата што се случи на 14-ти април 1912 година во 23.40 часот, а легендарниот пароброд потона на 15-ти април во 2.20 часот.
Цвеќе беше фрлено во морето на местото каде што потона „Титаник“, факели беа запалени во канадското пристаниште Халифакс каде што се погребани многу жртви, свеченост се одржа и во Бефаст каде што голем брод беше изграден, се дел од настаните со коишто се одбележува стогодишнината од потонувањето на Титаник.
Паробродот „Титаник“ на британската компанија „Вајт стар Лејн“, бил вториот од три брода близнаци до типот „Олимпик“. Тој бил најголемиот и најраскошен патнички брод на светот во времето на неговата изградба. Во текот на својата прва пловидба од британскиот пристанишен град Саутемптон до Њујорк, САД, на 14-ти април 1912 година, „Титаник“ се судри со санта мраз и потонал за 2 часа и 40 минути во 2.20 часот. Според различни извештаи, во хаваријата животите ги загубиле меѓу 1.400 и 1.517 луѓе, а околу 507 биле спасени, од вкупно 2.208 патници и членови на екипажот.
Патниците на туристичкиот крстотувач „Azamara Journey“ кој исплови од Њујорк на 10-ти април 2012 година со 440 патници коишто за ова уникатно патување платија најмалку две и најмногу десет илјади долари допловија ноќта во сабота кон недела на местото на коешто потона „Титаник“ на 3.800 метри длабочина. Еден век подоцна точно во минута, од звучниците на бродот беше повторено предупредувањето на капетанот дека „Титаник“ удрил во санта мраз.
Бродот „Azamara Journey“ исплови од Њујорк точно на 100-годишнината од кога легендарниот „Титаник“ тргна на своето прво и последно патување. По патот бродот пристана во Халифакс, а потоа се насочи до местото на потонувањето на „Титаник“, каде што во спомен на загинатите во трагедијата беше отслужена свечена литургија.
На комеморативното патување заплови и луксузниот брод „Balmoral“ кој исто како и легендарниот пароброд, исплови од британското пристаниште Саутемптон со точно 1.309 патници, колку што се качиле и на „Титаник“ на 10-ти април 1912 година, точно во 16 часот. Капетанот и членовите на екипажот положија три венци во морските води.
„Balmoral“ ја повтори рутата на Титаник од трагичната ноќ во 1912 година. Бродот пловеше до пристаништето Шарбур во Франција и запре во Коби, пристаниште на западниот брег на Ирска во којашто „Титаник“ впловил на 11-ти април 1912 година. Потоа „Balmoral“ го продолжи патот преку Атлантикот до местото каде што потона „Титаник“. Во 2.20 часот на 15-ти септември, кога пред сто години паробродот се судрил со санта мраз, се одржа комеморација во знак на сеќавање на жртвите, патниците и членовите на екипажот, како и на самиот брод.
Двата брода за три дена треба да допловат до Њујорк.
Во Белфаст во неделата е отворен парк посветен на споменот на жртвите од бродоломот на „Титаник“. Политичарите и потомци на настраданите присуствуваа на откривањето на споменикот со пет бронзени плочи со имињата на сите жртви од несреќата на бродот.
Во Халифакс, исто така, во неделата, се одржува верска свеченост на која ќе присуствуваат христијани, Евреи и муслимани на гробиштата Fairview Lawn на коишто почиваат 121 загинат во потонувањето на „Титаник“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Орбан: Полјаците се до врат во војна
Унгарскиот премиер Виктор Орбан го нарече присуството на руски беспилотни летала во полскиот воздушен простор неприфатливо, иако додаде дека таков развој на настаните е очекуван. Во своето редовно радио обраќање, Орбан нагласи дека фактот што инцидентот се случил во Полска не треба да се игнорира.
Орбан ја нагласи силната врска меѓу двете земји, без оглед на моменталната политичка клима. Тој нагласи дека Полјаците се историски сојузници и пријатели на Унгарија и дека Унгарија треба да биде меѓу првите што јасно реагираат на какво било кршење на полскиот суверенитет.
„Од првиот момент, го опишавме упадот на руски беспилотни летала на полска територија како неприфатлив и стоиме со Полјаците, бидејќи стоиме 100% во солидарност со нив“, рече тој.
Зборувајќи за инцидентот во кој руски беспилотни летала влегоа во воздушниот простор на НАТО, Орбан рече дека тој ги прикажува опасните околности во кои живееме секојдневно. Според него, такво нешто може да се случи секој ден, и во Полска и во Унгарија, поради што заканата од војна е неизбежна.
Унгарскиот премиер, исто така, направи разлика помеѓу позициите на двете земји, додавајќи дека Унгарците „не се вклучени во војната и се држат настрана, додека Полјаците се до вратот во неа“.
Американскиот претседател Доналд Трамп посочи дека беспилотните летала можеби влегле на полска територија „по грешка“, додека полскиот премиер Доналд Туск ги отфрли тврдењата дека Украина стои зад упадот, нарекувајќи ги манипулација и дезинформација.
Фото: принтскрин
Свет
Туск: Нападот со беспилотни летала врз Полска не беше грешка и ние го знаеме тоа
Полскиот премиер Доналд Туск денес изјави дека упадот на руски беспилотни летала во воздушниот простор на неговата земја не бил грешка.
„И ние би сакале нападот со беспилотни летала врз Полска да беше грешка. Но, не беше. И ние го знаеме тоа“, рече Туск во објава на социјалната мрежа „Икс“.
Коментарот на Туск дојде како одговор на изјавата на претседателот на Соединетите Американски Држави, Доналд Трамп, дека руската инвазија на Полска со беспилотни летала можеби била грешка.
„Можеше да биде грешка, но без оглед на тоа, не сум среќен за ништо што има врска со целата оваа ситуација. Се надевам дека ќе заврши“, изјави Трамп пред новинарите во Белата куќа, пренесува „Танјуг“.
Полска побара од своите сојузници дополнителни системи за воздушна одбрана и технологија против беспилотни летала за подобро да се заштити од руските упади по инцидентот претходно оваа недела, во кој беспилотни летала што преминуваа на нејзина територија од Украина и од Белорусија беа соборени од силите на НАТО.
Фото: принтскрин
Свет
(Видео) Студентот што го постави последното прашање на Кирк пред да биде убиен испрати порака до оние што го слават убиството
Студент на Универзитетот „Јута Вали“, кој му го постави на Чарли Кирк последното прашање пред да биде убиен конзервативниот активист, проговори за пукањето.
Хантер Козак, студент по математика на Универзитетот, објави видео на социјалните мрежи реагирајќи на веста, поточно на неговата улога во последните моменти на Кирк. „Не знам како да го направам ова видео. Беа тешки 24 часа. Јас бев последната личност што разговараше со Чарли Кирк“, рече Козак.
Козак го праша Кирк дали знае колку трансродови Американци се одговорни за масовни пукања во изминатата деценија, на што Кирк одговори: „Премногу“.
Студентот одговори дека бројот е само пет, а потоа го праша Кирк дали знае колку масовни пукања имало во Соединетите Американски Држави во изминатата деценија. Кирк возврати со прашање: „Дали го броиме насилството на бандите?“ Неколку секунди подоцна, тој беше застрелан и убиен.
The man who asked Charlie Kirk the tr*nsgender question before he was shot breaks his silence.
“The point I was trying to make is how peaceful the left was (long pause) right before he got shot.” pic.twitter.com/NkF6yqsr6B
— Vigilant Fox 🦊 (@VigilantFox) September 11, 2025
Обраќајќи им се на оние што го славеа пукањето, Козак рече: „Првин на сите, вие болни ебани психопати, кои мислите дека ова е одговорот, не е. Не знам што друго да кажам. Ужасно е, децата се без татко. Чарли имаше две деца и жена“.
„Не сакам ова да биде за мене, но имам две деца и жена, и ако моето едногодишно момче, како и неговото едногодишно момче, порасне без сеќавање на својот татко, тоа е трагедија и тешко е да се справите со тоа“, нагласи тој.
„Луѓето очигледно укажаа на иронијата дека пред да биде застрелан се обидував да ја истакнам поентата колку е мирољубива левицата, а тоа има смисла само ако останеме мирољубиви“, тврди Козак.
„Колку и да не се согласувам со Чарли Кирк, јавно признавам колку не се согласувам со Чарли Кирк, но тој е сепак човечко суштество. Дали го заборавивме тоа?“, праша тој.
фото: принтскрин
Комбето со работници паднало од мостот во реката: ОЈО изврши увид по тешката несреќа на експресниот пат Штип – Радовиш
Основното јавно обвинителство Штип изврши увид на лице место на експресниот пат Штип-Радовиш, каде комбе со петмина патници излета од...
ДУИ: Со амин на Бујаре Абази од „Вреди“, српска банка навлегува во сржта на финансискиот систем на Македонија
Демократската унија за интеграција изразува, како што велат, длабока загриженост во врска со потврдата на планот за навлегување на српскиот...
(Видео) Филипче до Мицкоски: Зошто не дозволувате декласификација за случајот со АНБ, јавниот интерес треба да е пред сè
Претседателот на Социјалдемократскиот сојуз на Македонија, Венко Филипче, на денешната седница за пратенички прашања го повика премиерот Мицкоски да одговори...
„Вардариште“ е обезбедено, останува „Дрисла“, проблемот ќе биде саниран за една недела, вели Мицкоски
Претседателот на ВМРО-ДПМНЕ, Христијан Мицкоски, во изјавата за промоција на изборната коалиција за претстојните локални избори на новинарско прашање во...
Тројца загинати и двајца повредени: тешка сообраќајна несреќа на експресниот пат Штип – Радовиш
Три лица загинаа а двајца се повредени, меѓу нив возачот на возилото кое денеска излета од патот Штип-Радовиш. Според МВР...
Се уште има чадење од Дрисла, но во помал обем, дивата депонија Вардариште е целосно изгасната, вели Ангелов
Чадењето од депонијата Дрисла е се уште присутно, но во многу помал обем и не е причина за маглата, вели...
(Видео) Огромен украински напад врз Русија: Москва е исто така цел, испратени десетици дронови
Масовен напад со беспилотни летала беше извршен ноќва во неколку региони во Русија, насочени кон Москва и Санкт Петербург, објавија...
(Видео) Венс ја држеше раката на ковчегот на Кирк додека војниците го качуваа во авионот
Ковчегот со телото на Чарли Кирк пристигна во неговата матична држава Аризона со „Air Force Two“. Уша, сопругата на американскиот...
Болсонаро осуден на 27 години затвор
Поранешниот бразилски претседател Жаир Болсонаро е осуден на 27 години и три месеци затвор за заговор за воен удар за...
Трамп: Вдовицата на Кирк е скршена, напаѓачот е левичарски лудак и животно
Американскиот претседател Доналд Трамп разговараше со новинарите на јужниот тревник на Белата куќа пред да полета за Њујорк. Фокусот на...
(Видео) Објавена првата снимка од осомничениот за убиството на Чарли Кирк
Објавено е првото видео од осомничениот за убиството на најистакнатиот американски десничарски активист Чарли Кирк, јавува Си-ен-ен. Видеото, објавено од...
Трагедија во Црна Гора: девојка од Србија се удави во близина на Тиват
Попладнево во морето кај Луштица, Црна Гора, нуркачи и членови на Пловечката единица безуспешно се обидуваа да го пронајдат и...
Франција и Германија се мобилизираат; Макрон: Му дадов ветување на Туск
Франција денес соопшти дека одлучила да мобилизира три борбени авиони „Рафал“ за заштита на полскиот воздушен простор и источна Европа...
ФБИ објави фотографии од осомничениот за убиството на Чарли Кирк
ФБИ објави фотографии од осомничениот за убиството на Чарли Кирк. „Бараме помош од јавноста за идентификување на ова лице од...
ФБИ: Ја пронајдовме пушката со која беше затрелан Кирк, имаме и снимки и отпечатоци
Оружјето за кое се верува дека е употребено во вчерашното пукање врз Чарли Кирк е пронајдено, но осомничениот е сè...
Забрана за движење на територија на депонијата „Вардариште“
Управувачкиот комитет за координација и управување со системот за управување со кризи, на денешната 7-ма седница, предложи до Владата, а...
Вонреден инспекциски надзор на депонијата „Дрисла“
Во доцните попладневни часови, околу 15:15 часот, државниот Инспекторат за животна средина изврши вонреден инспекциски надзор поради пожар кој избувна...
Воздухот мириса, но ве уверувам дека не е штетен на ниво што предизвикува здравствени проблеми, вели Алиу
Иако депонијата „Дрисла“ трет ден го полни Скопје со смрдеа на изгорена пластика и гума, министерот за здравство, Азир Алиу,...
„Дрисла“ трет ден ги труе скопјани, Мицкоски со механизација од општествено одговорни компании ќе влезе на депонијата
За пожарот и чадот од депонијата „Дрисла“, кои трет ден ги трујат скопјани, премиерот Христијан Мицкоски вели дека има истрага,...
Мицкоски се извини за Фетаи: Тој се труди да го учи и зборува македонскиот јазик, не го знае оти се иселил на шест години
Потпретседателот на Владата задолжен за добро владеење, Арбен Фетаи, течно зборува четири странски јазици, а македонскиот сѐ уште го учи оти...
