Скопје
Гимназијалците од „Корчагин“со мјузикл во името на хуманоста
Во понеделник, со почеток во 20 часот на сцената на Македонската опера и балет ќе се одигра мјузиклот „Шантрава азбука“, трет од серијалот мјузикли на скопската гимназија „Раде Јовчевски Корчагин“ под менторство на професорките Татјана Алексиќ и Елизабета Николоска Дадиќ.
Во понеделник, со почеток во 20 часот на сцената на Македонската опера и балет ќе се одигра мјузиклот „Шантрава азбука“, трет од серијалот мјузикли на скопската гимназија „Раде Јовчевски Корчагин“ под менторство на професорките Татјана Алексиќ и Елизабета Николоска Дадиќ.
Претставата „Шантрава азбука“ е инспирирана од култната телевизиска серија од 1980-те „Бушава азбука“, главни актери се 31 разиграна буква и 24 стилски фигури, а музичкиот спектакл е збогатен со специјална театарска костимографија и сценографија.
„Доста веќе со вербални препукувања! Пуштете вода врз кавгите, да се исплакнеме од вулгарности, да се избистриме од поганштини, да се исплакнеме и блеснеме во чисти фигури! Симболот е присутен и кога е отсутен, зборува и кога молчи, а не е оксиморон. Симболот е гласна тишина, сплотува луѓе кои немаат заеднички јазик за комуникација. Симболи колку и јазици низ светот, а човек кој знае стилски да користи симболика, знае и разбира сè. Симболот сплотува, тој е јазичен Орфеј и ако нема меѓусебна почит на буквите и стилските фигури, нема ни јазик, ниту говор, ни светлина, ниту иднина во Небиднина“, пишува професорката Алексиќ.
Билетите за оваа претстава се продаваат на билетарницата на МОБ по симболична цена од 100 денари, а собраните средства ќе бидат донирани за помош на настраданите семејства од поплавите кои ја зафатија Македонија./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) „Општината молчи додека ‘Зимзоленд’ незаконски работи“, велат од партијата Левица
„Недозволиво и крајно алармантно е што општинските власти и понатаму молчат, иако е утврдено дека објектот „Зимзоленд“ работи без соодветна дозвола. И покрај ова, објектот сè уште е отворен и секојдневно посетуван од деца и семејства, без никаква реакција од општинските власти“, велат од партијата Левица.
„Фактот што станува збор за објект наменет за најмладите ја прави состојбата уште посериозна. Наместо итна интервенција и постапување согласно законските обврски, општината избира молк и неактивност, со што директно се доведува во прашање безбедноста на граѓаните, особено на децата.
Законот мора да важи еднакво за сите, без исклучоци и привилегии. Секое одложување на постапката претставува преземање на ризик и префрлање на одговорноста, која во случај на несреќа нема да може да се избегне.
Бараме итна интервенција од надлежните служби и затворање на објектот сè додека не се обезбедат сите потребни дозволи и безбедносни услови. Молкот на општината во вакви случаи ја прави истата соучесник во криминалот“, се додава во соопштението на партијата Левица.
Македонија
Дел од Кисела Вода денеска без струја
Регионалниот центар за управување со кризи на Град Скопје, по добиеното известување од ЕВН Македонија АД, информира дека поради технички зафати во електродистрибутивната мрежа, без електрична енергија ќе останат:
· во периодот од 09.00 до 11.00 часот корисниците на ул. 368 бр.3 (општина Кисела Вода)
Македонија
Без вода дел од Карпош
ЈП Водовод и канализација Скопје известува дека денеска поради промена на шибер од ф 100мм на улицата Драгиша Мишовиќ бб без вода ќе бидат корисниците од улицата Драгиша Мишовиќ.
Водоснабдувањето ќе биде прекинато од 09:00 часот до завршување на санацијата на дефектот.

