Свет
Безредија во Киргистан, полицијата употебила солзавец
Во северен Киргистaн избилe големи безредија на кои демонстрантите ги запалиле институциите на локалната власт во градот Талас а полицијата се обидела со солзавец да ги растера
Според извештаите на странските новински агенции, засега не може да се потврди шпекулацијата дека е грабнат локалниот гувернер. Лидерот на локалната опозиција и очевидци изјавиле дека гувернерот Беишен Болотбеков бил грабнат при упаѓањето на демонстрантите во владината зграда, пренесе Reuters. Додека, пак, AFP, повикувајќи се на очевидци пренесува дека демонстрантите во освоената зграда веќе именувале свој гувернер. „Опозициските демонстранти одбиваат да ја прифатат власта која ја именуваше претседателот на државата и го именуваа својот гувернер Коисун Курмаљев“, изјавил телефонски за AFP претставника на органзиацијата за заштита на човековите права, Шамил Мурат кој се наоѓа во владината зграда.Киргишкиот премиер Данијар Уседов во главниот град Бишкек, го негирал грабнувањето на гувернерот, иако потврдил дека демоснтрантите се влезени во владината зграда. Тој најавил дека владата во Талас ќе сирпати уште стотина полицајци и ќе ги употреби сите дозволени средства за да воспостви мир, предупредувајќи ја опозицијата да не ја дестабилизира државата.„Секој уривачки обид ќе биде најстрого казнет“, ја пренесува изјавата на Уседов, германската агенција DPA.Агенцијата јавува дека силите за ред употребиле солзавец за да растерат околу илјада демонстранти. Опозицијата јавно ја повика власта да не употребува сила за да се пресмета со демонстрантите.Судирите во Талас се случија три дена откако генералниот секретар на Обединетите нации, Бан ки-Мун ја посети земјата и во Бишкек ги повика властите да ги штитат човековите права. Можноста безредијата да го зафатат целиот Киргистан предизвикуваат страхувања кај меѓународната заедница, бидејќи на нејзина територија се наоѓа воздухопловната база преку која се снабдуваат меѓународните сили во Авганистан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потврдено е дека во Мексико се пронајдени телата на исчезнатите туристи
Мексиканските власти потврдија дека двајца австралиски и еден американски турист, кои беа пријавени за исчезнати во северно Мексико, се мртви откако нивните тела ги идентификувале нивните родители.
Јавниот обвинител Елена Андраде им кажа на родителите и дипломатските службеници дека мексиканските власти целосно ќе се посветат на истрагата за да ги изведат одговорните за злосторството пред лицето на правдата, пренесува Ројтерс.
Телата на браќата Калум (33) и Џејк (30) Робинсон од Австралија и американецот Картер Роуд (30) беа пронајдени на дното на бунар во мексиканската држава Долна Калифорнија минатата недела, по повеќедневна потрага.
Свет
Белоруски министер за надворешни работи: Украина се обидува да пренесе оружје на територијата на Белорусија за напад
Министерот за надворешни работи на Белорусија Сергеј Алејник изјави дека Украина често провоцира обиди за транспорт на оружје и експлозиви на белоруска територија, што може да се користи за терористички акти во Русија.
Алејник за РИА Новости изјави дека во текот на оваа и минатата година биле запрени 40 канали за транспорт на оружје и експлозиви од Украина на територијата на Белорусија и оценил дека тоа е загрижувачка информација.
Тој додаде дека Комитетот за безбедност на Белорусија неутрализирал 20 и притворил околу 30 диверзанти кои преминале од Украина во Белорусија и подготвувале терористички акти.
Свет
Во регионот Суми, високонапонски објект на Укренерга оштетен во руски напад
Високонапонскиот објект на Националната енергетска компанија „Укренерго“ е оштетен во рускиот напад со беспилотни летала и ракети врз регионот Суми во Украина.
„Меѓу оштетената цивилна инфраструктура е и високонапонскиот објект „Укренерга“. Екипите за поправка на „Укренерга“ работат на постепено враќање на снабдувањето со енергија на потрошувачите“, изјавил операторот, а пренесува „Укринформ“.
Во соопштението се додава дека руските напади врз енергетските капацитети во регионот Харков не престануваат и дека во неделата од безбедносни причини била исклучена опремата на локалната регионална енергетска компанија.