Македонија
Мемети: Пренатрупаност во Шутка, притворениците немаат основни човекови права
Бројката на лицата на кои им се изрекува мерката притвор енормно се зголемува од година во година, притворското одделение е пренатрупано, констатира Народниот правобранител, Иџет Мемети, откако претставници од одделението за превенција од институцијата Народен правобранител го посетија новинарот на „Нова Македонија, Томислав Кежаровски, како и цело притворско одделение во затворот во скопската населба Шуто Оризари.
Мемети им порача да судиите да не ја употребуваат мерката притвор, доколку има можност за обезбедување на лицата со други мерки.
„Бројката лица на коишто им се изрекува мерката притвор енормно се зголемува од година во година и тоа говори дека станува збор за пренатрупаност во тоа одделение, што зборува дека тие лица не можат да ги остваруваат квалитетно своите основни човекови слободи и права. Имајќи ја предвид оваа констатација, апелирам до сите, особено до тие што одлучуваат за оваа мерка, доколку има случаи во кои може на друг начин да се обезбедат обвинетите, да не ја употребуваат мерката притвор и како можност за обезбедување на лицата да користат поинакви мерки, затоа што се соочуваме со ситуација според која на лицата кои издржуваат мерка притвор не им се почитуваат квалитетно сите слободи и права“, изјави Мемети.
Според него, не се исполнети миниумум стандардите во притворското одделение и најверојатно по извесен период ќе има уште една посета за да се провери дали се исполнети мислењата и сугестиите што ги дал правобранителот.
Народниот правобранител е во контакт со сопругата на Кежаровски и сите информации од затворот и’ се пренесени. Детали за условите во кои престојува Кежаровски, правобранителот најави дека ќе им пренесе на неговата сопруга и здружението на новинарите, но не и на новинарите.
Наместо Мемети, кој претходно во петокот најави дека во понеделник ќе го посети Кежаровски во Шутка, во понеделникот новинарот го посетија експерти и соработници од неговата канцеларијата, за да видат во какви услови престојува новинарот, како и другите притвореници.
Кежаровски е осуден на четири и пол години затвор за откривање на идентитет на заштитениот сведок во случајот Ореше./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Кацарска: Судот ја покажува хуманата страна, над 30 вработени денес даруваат крв по повод 60 години Уставен суд
Со дарување крв вработените во Уставниот суд слават 60 години постоење на судската установа. Претседателката на Уставниот суд Добрила Кацарска вели дека крводарителската акција е само една од акциите кои ќе ги спроведат за одбележувањето на јубилејот.
„Уставниот суд на Република Северна Македонија оваа година слави значаен јубилеј. Тоа е 60 години од постоење на судот. Веќе беше најавено дека во текот на целата година во Судот ќе се преземаат најразлични активности токму заради одбележување на овој значаен јубилеј. Самите вработени дадоа идеја една од акциите кои ќе се спроведуваат во Судот да биде и крводарителската акција, што значи Судот ја покажува и онаа хумана страна. Повеќе од половина од вработените се пријавија за давање крв, што значи од вкупно 60 вработени повеќе од 30 денес се согласни да дадат крв“, рече претседателката Кацарска.
Крводарителската акција е под мотото „Биди хуман спаси живот“, а ја реализира Црвениот крст на Македонија.
Македонија
Арсовска во увид на изградбата на подземната инфраструктура на новиот булевар Хрватска
Град Скопје продолжува со реализација на првата фаза на големиот проект за изградба на подземната инфраструктура на новиот булевар Хрватска, која опфаќа и нова водоводна мрежа која произлегува од градската програма за работа.
Градоначалничката на Град Скопје, Данела Арсовска, заедно со екипи од ЈП Водовод и канализација Скопје и Секторот за планирање и уредување при Град Скопје, денес извршија увид во реализацијата на овој капитален инфраструктурен проект.
Во оваа фаза од изградбата на водоводната мрежа која се движи на трасата по новопроектираниот булевар Хрватска и заради формирање на прстенеста циркулациона мрежа и создавање на подобри хидраулички услови во градската водоводна мрежа предвидено е поврзување на двата магистрални доводи на вода Рашче со профил од Ф1600 и постоечкиот цевковод со профил од Ф700 на булевар Александар Mакедонски.
Со почеток на реализација на предвидениот магистрален цевковод со профил од Ф700 милиметри, по новопредвиден булевар Хрватска во првата фаза, започнати се градежните активности на поврзување на булевар Александар Македонски кај Естекада. Вкупната предвидена должина на магистралниот цевковод по булеварот Хрватска изнесува 2,8 километри. Реализацијата на овој дел од водоводната мрежа е предуслов за подобрување на водоснабдувањето на целата територија на општина Гази Баба.
Македонија
„Биди хуман- спаси живот”: крводарителска акција во Уставниот суд денеска по повод 60 години oд постоењето
Уставниот суд денеска организира крводарителска акција под мотото „Биди хуман- спаси живот” која ќе се одржи во периодот од 9 до 14 часот во просториите на Судот.
Акцијата за дарување на крв се реализира во соработка со Црвен крст на Република Северна Македонија, на иницијатива на Уставниот суд, по повод 60 години од своето постоење.
Организирањето на оваа хумана активност е иницијатива на вработените од Судот и досега се пријавени над 30 дарители од Уставниот суд, меѓу кои и судии и советници од стручната служба.
Преку оваа крводарителска акција Уставниот суд изразува солидарност и хуманост и истовремено се придружува на апелите на Црвен крст за подигнување на свеста за донирањето на крв и мотивирање на поголем број на луѓе за доброволно дарување.