Свет
Во двојна експлозија убиени 5 а ранети 11 лица во Ирак
Во експлозии на две крајпатни мини во ирачкиот главен град Багдад, загинаа најмалку пет припадници на воениот персонал, а повредени се 11 други, од кои осум се цивили.
Во експлозии на две крајпатни мини во ирачкиот главен град Багдад, загинаа најмалку пет припадници на воениот персонал, а повредени се 11 други, од кои осум се цивили.Бомбите експлодираа од плоштадот Антер во северната багдадска област Адамија во неделата наутро, јавува Reuters.„Крајпатните бомби експлодираа една по друга“, изјави генерал-мајор Касим ал Мусави,, портпарол на безбедносните сили во Багдад.Втората бомба експлодирала кога припадниците на безбедносните сили пристигнале на местото на настанот по првата експлозија.„Пет луѓе загинаа, двајца армиски офицери и тројца војници“, дополни во изјавата за агенцијата Мусави.Болнички извори од ирачката престолнина соопштиле дека тројца војници и осум цивили, исто така, се повредени во двете експлозии.Бомбашките напади и други форми на насилство станаа речиси секојдневна појава во Ирак последниве месеци, откако САД и Багдад постигнаа договор со кој преостанатите американски војници од земјата треба да почнат со повлекувањето од декември 2011 година. Според некои, пред сé регионални аналитичари, Вашингтон сепак има намера да го задржи своето воено присуство и по договорениот датум./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) На аеродромите во Велика Британија илјадници патници блокирани: Проблемот е на „национално ниво“
Аеродромите низ Велика Британија се во хаос откако сите порти беа затворени поради компјутерска грешка во граничните служби, пишува Дејли мејл.
Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите.
At Heathrow Airport and no one is allowed to get through passport security. The queue is way longer than this. Apparently the issue is a system outage. pic.twitter.com/QdGhlLezZS
— Roshane Thomas (@RoshaneSport) May 7, 2024
Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.
Big issues at Heathrow Passport Control with every single E-Gate not working. This is T3 pic.twitter.com/EkzcYGRckP
— Sam Morter (@SamuelMorter) May 7, 2024
Персоналот на Хитроу, наводно, им рекол на патниците во редици дека тоа е национален проблем.
Една патничка за „Дејли мејл“ изјавила дека чекала ред цел час, а персоналот на аеродромот почнал да дели вода.
Таа додаде дека на луѓето им било кажано дека аеродромот работи на алтернатива за проверка на документите на патниците.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.
Свет
Сторми Даниелс сведочи на судењето против Трамп
Поранешната порно-ѕвезда Сторми Даниелс сведочи во судот во Њујорк во кривичната постапка против поранешниот претседател на САД, Доналд Трамп.
На актерката (45), чие вистинско име е Стефани Клифорд, на крајот на претседателската кампања во 2016 година ѝ исплатиле 130.000 долари за да молчи за наводен сексуален однос со Доналд Трамп во 2006 година.
Станува збор за долгоочекуваната пресметка на поранешниот претседател на САД и порно-ѕвезда која тврди дека имале секс, јавија американските медиуми. Обвинителите велат дека Трамп ги прикрил информациите за исплата од 130.000 долари кои на Даниелс ѝ ги исплатил неговиот поранешен адвокат Мајкл Коен пред претседателските избори во 2016 година.
Коен претходно изјави дека Трамп му наредил да и плати на Даниелс за таа да не зборува за сексуалниот однос со Трамп од 2006 година.