Спорт
Червар нема да биде селектор на Хрватска по Европското првенство

Селекторот Лино Червар ќе се повлече од функцијата селектор на Хрватската машка ракометна репрезентација
Селекторот Лино Червар ќе се повлече од функцијата селектор на Хрватската машка ракометна репрезентација .Според хрватските медиуми, селекторот и тренер на РК Металург, изјавил дека по завршувањето на Европското првенство во Австрија ќе ја напушти селекторската функција. „Со Хрватскиот ракометен сојуз имам договор до крајот на Европското првенство во Австрија. Но, една од причините за моето заминување е тоа што постои голема недоверба меѓу младите и искусни играчи и тоа го сметам за погубно за хрватскиот ракомет “изјави Червар.
Тренерот Червар исто така како причини ги наведува и мрзеливоста, завидливоста, нетолеранцијата, неразбирањето, недовербата, непочитувањето како и неподносливата атмосфера во репрезентацијата.
Червар ја предводи Хрватската машка ракометна репрезентација од 2002 година а со Хрватска освои златен медал на Олимписките игри во Атина, златен медал на Светското првенство во Португалија 2003 година, две сребра од С.П во Тунис 2005 и Хрватска 2009 година, како и сребро до Европското првенство во Норвешка од пред две години./крај/хина/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Комо и Нико Паз одбиле 70 милиони евра од Тотенхем

Нико Паз, Аргентинец роден во Шпанија, постигна гол и запиша асистенција во победата на Комо од 2:0 над Лацио. Неколку часа по завршувањето на вчерашниот натпревар, се појави веста дека тој и Комо одбиле профитабилен трансфер во Тотенхем.
Тотенхем очајно бара офанзивен играч од средниот ред по заминувањето на Сон и повредата на Медисон.
Долго траат преговорите со Манчестер сити за Савињо, Арсенал го „киднапираше“ Езе, па Спарс мора да бараат други решенија.
Се обидоа со Комо со Паз, но не успеаја. Понудија 70 милиони евра, но Комо категорично одби. И фудбалерот не е расположен да ја напушти Италија.
Првенствено затоа што неговите амбиции се поврзани со Реал Мадрид, за што и постои клаузула во неговиот договор.
Имено, Реал може да ја изедначи секоја понуда што Комо ќе ја прифати, а исто така во летото 2026 година, тие имаат право да купат од Комо за само 10 милиони евра.
Сепак, уште порано, „кралскиот клуб“ на џентлмени го информираше Комо дека може да смета на поголема отштета. Фудбалерот никогаш не криел дека желба му е да се врати на „Бернабеу“, па Тотенхем објективно немаше шанси и покрај богатата пнуда да го реализира овој трансфер.
Спорт
Ристовски на „Инстаграм“: Добредојдовте во аматерската Премиер лига (да живее Тито)

Во петтото коло од Премиер лигата на БиХ, Сараево претрпе тежок пораз на гостувањето кај Борац во Бања Лука. Екипата чии дрес го носи поранешниот капитен на фудбалската репрезентација на Македонија, Стефан Ристовски, загуби со 5:1.
Медиумите пишуваат дека натпреварот го обележа судењето на Сабри Топаловиќ. Најмногу контроверзии предизвика поништениот гол на Сараево за 2:2. ВАР процени дека на почетокот на акцијата Михаел Млинариќ играл со рака.
Можете да ја погледнете ситуацијата на видеото од 5:42.
Ситуацијата стана уште покомплицирана во 64-та минута, кога Момоду Џата беше исклучен при резултат 2:1.
Стефан Ристовски ги одигра сите 90 минути за Сараево. По натпреварот објави на Инстаграм: „Добредојдовте во аматерската Премиер лига. (Да живее Тито)“, напиша тој, а набрзо ја избриша објавата. Ристовски јасно го изрази своето незадоволство од судењето.
Фото/ Принтскрин
Спорт
(Видео) Навивачите на Јунајтед бесни на капитенот: Пратете го тој никаквец во Арабија

Навивачите на Манчестер јунајтед ги искажаа своите фрустрации на социјалните мрежи откако Бруно Фернандеш промаши пенал против Фулам.
Капитенот на „црвените ѓаволи“, шутираше високо над голот, што предизвика лавина од коментари и критики на социјалните медиуми. Во дел од коментарите се бара одговорност од лидерот на тимот, некои му порачаа да си змаине.
„Ова е најлошото промашување од пенал што сум го видел. Дали замина на месечината затоа што таму гаѓаше!! Срамно и понижувачки, ова не е доволно добро.“
„Испратете го тој клошар во Арабија“
„Пукаше кон ѕвездите, падна на месечината. Бруно Фернандеш“
„Бруно Фернандеш, ова не е рагби“.
„Манчестер јунајтед мора да продолжи понатаму без Бруно Фернандеш. Тој го носи клубот наназад“
Контроверзноста беше засилена со видео од моментот пред да биде изведен пеналот. Фернандес тврдеше дека судијата случајно го допрел и ја му нарушил рутината, и рече дека отсуството на извинување дополнително го вознемирило. Тој истакна дека промашувањето не се должи на неговата техника на шутирање, но го нагласи психолошкиот ефект бидејќи судијата му ја нарушил рутината.
Натпреварот заврши нерешено 1:1. Јунајтед поведе преку автоголот на Родриго Муниз, а Емил Смит Роу израмни неколку минути по влегувањето во играта.
Фото/ Принтскрин