Спорт
Руни го врати Јунајтед од изгубена позиција
Иако 31-то коло во Премиершип според распоредот не ветуваше интересни мечеви, лидерот Манчестер јунајтед со голем презвврт дојде до бодовите, Арсенал и Челзи ремизираа а Ливепрул беше поразен
Вест хем беше на прагот на големо изненадување поведувајќи против лидерот Маненчестер јунајтед со 2:0 а тогаш се појави Вејн Руни и резултатот се претвори во 2:4. Арсенал пак ремизираше дома против Белкбур, додека Ливерпул е поразен кај ВБАБездруго сер Алекс Фергусон на полувремето, кога гостите водеа со 2:0 максимално го вложил својот авторитет во соблекувалната на „црвените ѓаволи“, зашто сепак иако станува збор за фудбалскиот гигант Манчестер јунајт, тешко е за една екипа да се врати од загубена позиција, и тоа на теренот на противникот кој се бори за опстанок. Тогаш нозете обично тежат како олово, но изгледа кај Вејн Руни има уште многу динамит – тој беше креаторот на величенствениот пресврт, постигнувајќи хет-трик (со што ја достигна бројката 101 гол во Премиершип) со кој Манечстер јунајтед поцврсто се движи кон титулата, особено имајќи предвид дека најголемито ривал Арсенал одигра без голови на својто „Емирати“ против Блекбурн.Двата гола за Вест хем ги постигна Марк Нобл, и двата од пенал во 11. и во 25. минута, иако „црвените ѓаволи“ и во овој период од играта беа доминантни на теренот, имаа многу повеќе од поседот на топката и создадоа повеќе и поздрели можност за постигнување гол. Во првиот случај Патрис Евра играше со рака во својот 16-ник, а во вториот Немања Видиќ фаулираше домашен напаѓач, но оваа одлука на судијата Ли Мејсон може да се смета и дискутабилна, бидејќи се доби впечаток дека прекршок српскиот фудбалер го направи пред линијата од својот казнет простор. Во секој случај водството за домаќинот беше заслужено.Сепак темпото на Јунајтед беше пресилно за да може да го следат играчите на Аврам Грент, па во второто полуврме само се очекуваше моментот кога гостите ќе ја погодат мрежаат на Вест хем. ПРво тоа го стори Вејн Руни во 65. Минута со убав гол од слободен удар. Потоа Руни во 73. минута исто така со убав гол го израмни резултатот на 2:2, а веќе во 79. минута откако Апсон во својот казнет простор играше со рака, од пенал го постигна својот хет-трик и водството на Манчестер јунајтед. Конечниот резултат од 4:2 за Манчестер јунајтед го постигна Хавиер Хернандез во 84. минута кога само подметна нога на шутот на својот соиграч Рајан Гигс.Манчестер јунајтед е прв на табелата со 66 бодови, седум повеќе од вторито Арсенал но и меч повеќе. Ова беше прва победа на „црвените ѓаволи“ на гости по двата пораза против Ливерпул и Челзи. Вест хем, пак, по серијата од четири меча без пораз во кои од можни 12 освои 8 бодови, се најде на 18 позиција која води во понискиот ранг од англискиот професионален фудбал со 32 бодови и е во групата загрозени клубови од последното 20-то каде што е Виган со 31 место до 12-то каде е Вест бромвич албион со 36 бодови. Фудбалерите на Арсенал кои пред мечот во саботата во британските медиуми даваа изјави дека годинава може да дојдат до титулата, одиграа без голови на домашен терен против Блекбурн со што го зголемија своето заостанување зад Јунајтед.На „Емирати“ што се однесува до бројот создадени шанси и штутеви (22-7), како и поседот на топката од 68 отсто, „топчиите“ ја оправдаа улогат ана голем фаворит, но стрелците беа многу депримиран. Арсенал, дури, од 76. минута имаше и играч предност, откако кај гостите беш исклучен Стивен Н’Зонзи.Како што по веднаш по саботниот меч призна менаџерот на Челзи, Карло Анчелоти, по денешното реми кај Сток сити од 1:1, лондонските „сини“ најверојатно дефинитивно се простија од титулата. На седум кола пред крајот Челзи зад Манчестер јунајтед сега заостанува големи 11 бодови. Стрелци беа Џонатан Валтерс во 8. и Дидие Дрогба во 33. минута. Сток сити со овој бод останува на безбедното 10-то место со 38 бодови.Иако Ливерпул имаше подобра игра во текот на целиот меч и дури водство од 50. минута со голот на Мартин Шкртел, Вест бромвич албион со двата погодока на Креис Брант во 62. и 88. минута и двата од пенал. Во завршницата „редсите“ пропуштија голем број ткн. стопроцентни шанси за постигнување погодок, од кои најголемата во судискот продолжение ја испушти токму сстрелецот Шкртел.Ливерпул и покрај поразот останува со шанси за излез во европските натпреварувања, на 6-то место е со 45 бодови, но пред него е Тотенхем со 50 бодови кој ремизираше во саботата со последниот Виган без голови.Другиот клуб од Ливепрул, Евертон одигра 2:2 на домашен терен со Астон вила. Евертон иако поведе во 38. минута со голот на Лион Осман, на крајот откако гостите преку Дарент Бент во 47.и 68. минута направија пресврт, спаси бод со погодокот на Лејтон Бејнс во 83. минута од пенал. Евертон е 7-ми со четири бодови помалку од градскито ривал Ливерпул (41), додека Астон вила има 34 бодови и сѐ уште е во опасната зона на 15-то место. Њукасл високо со 4:1 го совлада Вулверхемптон. Стрелци за домашните беа Кевин Нола во 22., Шола Амеоби во 45., Питер Ловеркандс во 50. и Џонас Гитуерез во 90+3 минута, додека Силвејн Ибенкс-Блејк во 58. минута погоди за Вулверхемтон. Њукасл е 9-ти со 39 бодови, додека Вулверхемптон е претпоследен со 32 бода.Во борбата за опстанок Бирмингем го совлада со 2:1 Болтон. Домашните поводоа преку Кевин Филипс во 4. и Крег Гарднер во 59., а гостите намалија преку Џон Иландер во 71. минута. Бирмингем се искачи на 14-та позиција со 34 бодови, додека Болтон е осми со 40 бодови. Во недела 31-то коло од Премиершип ќе биде заокружено со средбите Фулам – Блекпул и Манчестер сити – Сандерленд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Почнуваат пријавите за јубилејното 10. издание на „Охрид трчаТ“
На 12 ноември 2025 година официјално започнуваат пријавите за јубилејното десетто издание на еден од најголемите спортско-рекреативни настани во Македонија – „Охрид трчаТ“, кое ќе се одржи викендот 5-7 јуни, 2026 година.
„Охрид трчаТ“ слави 10 години постоење, инспирација, пријателства и незаборавни моменти што го претворија настанот во вистински симбол на заедништво, енергија и љубов кон трчањето и градот Охрид.
„Во изминатата деценија, низ улиците на нашиот град поминаа илјадници тркачи од земјата и од светот. Заедно создадовме движење кое ги поврзува луѓето, ги руши границите и ја промовира Македонија како спортска дестинација“, велат организаторите на настанот.

Додаваат дека овој јубилеј е празник на сите, тимот на Охрид трчаТ, тркачи, волонтери, партнери, институции, и над сè, граѓаните на Охрид, кои секоја година заедно со сите нас ја раскажуваат една од најубавите спортски приказни во Македонија.
„Пријавувањето за јубилејното издание на Охрид трчаТ 2026 се врши онлајн преку нашиот систем за регистрација, достапен на официјалната веб-страница www.ohridtrchat.com ,брзо, едноставно и достапно за сите“, се додава.
Со отворањето на пријавите, ги повикуваат сите граѓани, тркачи, спортисти, компании и пријатели на трчањето да се регистрираат и да бидат дел од ова големо јубилејно издание.
Спорт
Мурињо замина од Истанбул, но во хотелот оставил долг од 750.000 евра
Престојот на Жозе Мурињо во Фенербахче, кој заврши со негово отпуштање во август, доби нов, финансиски тежок епилог. Португалскиот тренер наводно го оставил поранешниот клуб со неплатена хотелска сметка во износ од 747 илјади евра, објави турскиот весник „Јеничаг Газетеси“, како што објави португалскиот „Record.pt“.
Мурињо помина 16 месеци на клупата на турскиот гигант, а речиси целиот тој период, поточно 15 месеци, бил сместен во луксузен апартман во хотелот „Фор Сизонс“ во Истанбул.
Вкупните трошоци за неговиот престој достигнале 36,5 милиони турски лири, што одговара на износ од речиси 750 илјади евра. Откривањето на овој долг, како што објавија медиумите, не било добро прифатено од навивачите на клубот.
Португалскиот стручњак доби отказ по елиминацијата во плејофот за пласман во главната фаза на Лигата на шампионите од Бенфика. Судбината сакаше, две недели подоцна тој да стане тренер на Бенфика.
Иако беше отпуштен, Мурињо има право и на значителна отпремнина од околу 15 милиони евра за предвремено раскинување на договорот што требаше да трае до 2026 година. Засега, останува нејасно кој ќе ја плати хотелската сметка, Мурињо или неговиот поранешен работодавач.
Спорт
Трансродови спортисти нема да се натпреваруваат на ОИ во женски дисциплини
Интернационаниот олимписки комитет (ИОК), објави многу важна одлука и им забрани на трансродовите спортисти да се натпреваруваат на Олимписките игри во женски дисциплини.
На Олимписките игри во Париз во 2024 година, контроверзната ситуација на Иман Хелиф, која има хормонално нарушување и за која се сомневаше дека е биолошки маж, привлече големо внимание.
Олимписките игри треба да им забранат на сите трансродови и полово диференцирани (ДСД) спортисти од женските натпреварувања, откако беа пронајдени „научни докази за придобивките што доаѓаат со раѓањето како маж“.
На трансродовите спортисти и оние со ДСД, наводно, ќе им биде забрането да учествуваат во женските натпревари на Олимписките игри од почетокот на следната година, ИОК.
Претходно, олимписките спортови имаа овластување да одлучуваат дали трансродовите жени можат да се натпреваруваат со намалени нивоа на тестостерон.
Ова доведе до тоа атлетиката и пливањето да им забранат на спортистките кои поминале низ машки пубертет да се натпреваруваат, додека другите спортови, вклучително и фудбалот, не го следеа примерот.
Сепак, тоа сега ќе се промени под водство на новата претседателка на ИОК, Кристи Ковентри, која постојано ја изјавуваше својата желба да ја „заштити женската категорија“.
Во извештајот понатаму се вели дека д-р Џејн Торнтон, медицински и научен директор на ИОК, ги презентирала наодите од прегледот пред членовите на состанок во Лозана минатата недела.

