Македонија
Средби на Вељаноски со Слипер, Хог и Ханфрис и Симкинс
Претседателот на Собранието, Трајко Вељаноски, во рамки на својот престој во Авралија се сретна со претседателот на Претставничкиот дом Питер Слипер, претседателот на Сенатот Џон Хог, како и со сенаторорите во Горниот дом на Парламентот Гери Ханфрис и Лук Симкинс.
Претседателот на Собранието, Трајко Вељаноски, во рамки на својот престој во Авралија се сретна со претседателот на Претставничкиот дом Питер Слипер, претседателот на Сенатот Џон Хог, како и со сенаторорите во Горниот дом на Парламентот Гери Ханфрис и Лук Симкинс.
Вељаноски упати признание до Министерството за надворешни работи на Австралија за исфрлувањето на терминот „славо-македонски“, што, соопштуваат од Собранието, претставува огромен исчекор напред во севкупните односи меѓу Австралија и Македонија.
Првиот парламентарец се осврнал и на прашањето за олеснување на визниот режим за граѓаните на Македонија, како и за отворање амбасада на Австралија во Скопје.
Дополнително, претседателот Вељаноски изразил заинтересираност за соработката со Парламентот на Австралија на ниво на комисии, парламентарни групи, пратеници и стручната служба.
Претседателот Вељаноски, исто така, ја истакнал и значајната улога на македонските војници распоредени во Авганистан кои се рамо до рамо со своите сојузници – членовите на воените сили на Австралија.
За жал, рекол Вељаноски, и покрај огромниот придонес на Република Македонија во мировните мисии на НАТО и Коалицијата против тероризам, земјата сè уште не е членка на НАТО од добро познати причини.
Слипер упатил благодарност до Македонската заедница во Австралија, која брои над 100.000 граѓани за нивната лојалност и придонес во општествениот и социјалниот живот на Австралија. Тој, исто така, бил заинтересиран и за поддршката на македонските граѓани за членство во НАТО и ЕУ и оддал признание за активното учество на нашите војници во мировните мисии на НАТО.
На средбата станало збор и за можностите за проширување на економската соработка меѓу Македонија и Австралија.
Претседателот на Сенатот, Хог, од своја страна се согласил дека постојат одлични можности за проширување на соработката на парламентарно ниво, особено во сферата на ИКТ.
Вељаноски упатил покана до двата претседатели на Парламентот на Австралија да ја посетат Македонија, која со задоволство е прифатена од нивна страна.
На средбата со Ханфрис станало збор за билатералната употреба на уставното име на Република Македонија во комуникацијата со Австралија. Вељаноски подвлекол дека, во насока на подобрување и јакнење на соработката двете земји, потребно е отворање на амбасада на Австралија во Македонија и олеснување на визниот режим за македонските граѓани при патување во Австралија.
Ханфрис, како што се соопштува, се согласил дека олеснувањето на визниот режим несомнено ќе придонесе за јакнење на односите меѓу двете земји. Во однос на прашањето за името истакнал дека ова прашање не е само дипломатски документ, туку станува збор за идентитет на еден народ. Според Ханфис, позицијата на Австралија е нелогична и истата треба да се смени.
Прашањето за името била тема за која се разговарала и на средбата со Симкинс, при тој истакнал дека на Македонија никој не може да ѝ каже како ќе се вика – пријателите треба да се обраќаат еден кон друг со името кое им е дадено од раѓање, а не со името кое им го дала третата страна. Тој истакна дека при неговата посета на земјава заклучил дека Македонците не се злонамерни кон Грција, туку единствено се решени да постигнат напредок и развој на својата држава.
Дополнително Симкинс истакнал дека Македонија треба да добие јавно признание за напредокот кој досега го постигнала и за учеството во мировните мисии на НАТО. Соговорниците се согласиле дека зголемениот број возвратни посети ќе придонесат за зајакнување на односите меѓу Австралија и Македонија во сферата на култура, политика, економија и меѓучовечките односи.
Претседателот на Собранието Вељаноски оствари средба и со Австралиско-македонската група за пријателство предводена од нејзиниот претседател, Стефан Џонс. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ѓорѓиевски и Тошковски на света литургија по повод еден век од осветувањето на црквата „Света Петка”
Градоначалникот Орце Ѓорѓиевски заедно со министерот за внатрешни работи Панче Тошковски присуствуваше на светата литургија по повод еден век од осветувањето на црквата Света Петка во Црниче, со која чиноначалствуваше Архиепископот Oхридски и Mакедонски г.г. Стефан и македонското свештенство. Црквата неодамна беше реновирана. Партерно е уредена, а освежена и е и фасадата.
-Еден век од осветувањето на црквата Света Петка во Црниче – нека е за многу години! Ми беше огромна чест да бидам дел од овој голем ден за сите православни верници, а уште поголема е честа да бидам дел од оваа приказна. Бог благослови да стогодишнината од постоењето ја дочекаме реконструиран храм Света Петка, партерно уреден и со освежена фасада.
Секогаш, колку што се моите можности ќе помагам и ќе се залагам за нашите македонски храмови, бидејќи токму во нив е мирот и сплотеноста на нашиот народ. Во преполниот храм, заедно со министерот за внатрешни работи Панче Тошковски присуствувавме на светата литургија со која чиноначалствуваше Архиепископот Oхридски и Mакедонски г.г. Стефан и македонското свештенство.Овој храм, кој се наоѓа во подножјето на планинита Водно,во населбата Црниче во Скопје, во 1904 е поставен камен темелник за изградба, посветен на преподобна Параскева-Петка. За 20 години бил изграден прекрасен Божји дом. Постои камен плоча на која може да се прочита дека храмот бил довршен и осветен на 3 септември 1923 година. Живописот и иконописот му биле доверени на последниот и најдобар зограф на тоа време Димитар Андонов Папрадишки. Во 1924 година, комплетно го завршил зографирањето и иконографијата на храмот. Црквата е молитвен дом на многу православни христијани кои преку верата во Бога и молитвите на Света Петка добиваат исцеление на многу душевни и телесни болести. Денес, 100 години подоцна, сведочиме на еден прекрасен јубилеј. Нека е за многу години и нека таму, во Божјите храмови се шири љубов и сплотува нашиот народ-изјави градоначалникот Орце Ѓорѓиевски.
Македонија
Љутков: Изградбата на Универзална е стопирана оти не се знае во чие владение е салата
Министерството за култура во минатата влада незаконски ја презело Универзална сала од Град Скопје затоа што по закон тоа не може да гради објект што е локална установа, рече на денешната прес-конференција, министерот за култура и туризам Зоран Љутков.
Тој најави дека против сите инволвирани ќе бидат поднесени кривични пријави „за сите криминали“ што се направени.
Тоа ќе се случи откако работните групи што се формирани ќе ги завршат своите анализи и ќе дадат извештај за целата постапка.
Љутков кажа дека изградбата засега е стопирана оти не се знае во чие владение е салата, но дека Скопје ќе има Универзална сала за 2028 кога ќе биде Европски град на културата.
„Ние ќе го запреме ваквото дивеење и незаконско работење, ќе ја вратиме постапката и најтранспарентен и на најлегален начин Скопје ќе биде Европската престолнина на културата со нова Универзална сала и ќе се гордее со неа затоа што ќе биде изработена законски“ изјави Љутков.
Македонија
Инженерите на ФЕРОИНВЕСТ и БРАКО со стручни трудови на јубилејот на Институтот по Мехатроника на Машинскиот факултет
Мехатронички решенија за управување со мали хидроелектрани, со електрични возила и со батериски системи, беа темите на кои инженерите на ФЕРОИНВЕСТ и БРАКО ги изложија последните достигнувања од инженерското работење на компанијата на настанот RE-MEMBER 2024, во организација на Машинскиот факултет во Скопје, со кој се одбележуваат 20 години од воведувањето на струдиската програма Мехатроника.
Инженер Војдан Андонов говореше за примената на PLC (програмабилен логички управувач) во управувањето на батериските системи за складирање на електрична енергија, што претставува последниот производ на Фероинвест, на кој компанијата работеше две години и кој претставува решение за вишокот електрична енергија произведена од фотоволтаици.
Инженер Филип Ташевски ги изнесе системите и управувањето на најновото електрично возило за чистење на Грин Машинс на БРАКО, моделот GM720ze, кое исто така е развивано во последните две години и е во постапка на сертификација од страна на германскиот институт ТУВ. Возилото има управување на сите четири тркала, како и други напредни решенија, и се очекува да предизвика значаен импакт на пазарите каде се бараат модерни и незагадувачки технологии.
Инженер Филип Андрески изложи стручна презентација за значењето на автоматизацијата при управување и мониторинг на малите хидроелектрани преку SCADA систем. Фероинвест е лидер во изградбата и одржување на мали хидроелектрани кај нас, а изведува проекти и за клиенти во други држави.
ФЕРОИНВЕСТ и БРАКО имаат континуирана стручна соработка со Машинскиот факултет во Скопје, работејќи на проекти за поддршка и развој, и на факултетот и на производните процеси во компанијата.
(ПР текст)