Свет
Тајланд на работ на граѓанска војна
Протести и блокади ширум внатрешноста на земјата во понеделникот и бомбашкиот напад против поранешниот премиер Силапа-Арча во неделата ги засилија стравувањата од граѓанска војна во Тајланд, откако премиерот Вејџаџива повторно ги одби барањата на демонстрантите за предвремени избори, јавува Reuters
Истовремено, демонстрантите уште повеќе го утврдија елитниот трговски округ во престолнината Бангкок, каде што се групирани од 12 март и ги повикаа демонстрантите од северните провинции на земјата да ги блокираат воените и полициските конвои со цел да ги спречат да стигнат до главниот град, со што уште повеќе се засилува чувството на безаконие. Премиерот Абхисит Вејџаџива во саботата повторно ги одби барањата на демонстрантите да свика избори во рок од 30 дена, кои би се одржале по 60 дена, со што ги уништи и последните надежите за крај на седумнеделните протести, кои го парализираа Бангкок и во кој до сега загинаа 26 луѓе. Надежите за мирна разврска уште повеќе се намалија кога во недела доцна навечер беше фрлена бомба врз полицискиот пункт во близина на домот на главниот советник на партијата Чарт Таи Патана и поранешен премиер Банхарн Силапа-Арча, при пшто беа рабнети најмалку 11 луѓе. Тој е познат по тоа што во својата политичка кариера безброј пати ја менувал приврзаноста кон една или друга политичка опција. Демонстрантите неколку пати го повикаа, заедно со другите лидери на коалиционите партии, да се повлечат од колаицијат и со тоа да создадат услови за предвремени избори, што е главно барање на антивладините демонстранти. Во меѓувреме, претежно сиромашните урбани и рурални припадници на антивладините „Цргвени кошули“ одговорија на повикот на своите лидери за отпор, со поставување на повеќе блокади во северните и источните провинции, упоришта на антивладиното движење. Со тоа демонстрантите уште повеќе му ја зголемија главоболката на премиерто Абхисит, образован на елитниот британски универзитет во Оксфорд, кој е под силне притисок на традиционалната владеачка класа да преземе порешителни мерки за разбивање на демонстрантите. Стотици „Црвени кошули“ во околината на Бангкок поставија блокади на сите пристапни патишта, со што го попречуваат пристигнувањето на полициски и воени засилувања во Бангкок. Нивните лидери тврдат дека огромниот број на антивладини демонстранти ја спречува војската да се обиде со сила да ги прекине протестите. Лидерите на демонстрантите им наредија да ги соблечат црвените кошули, за да им биде потешко на силите за безбедност да ги препознаат при евентуалниот обид за насилно растурање на протестите. „Владата не може да ризикува уште една рунда на неуспеси и посрамотување и ќе биде многу тешко да се избркаат демонстрантите, кои успеаја без многу жртви да се забарикадираат. Застојот најверојатно ќе потрае уште некое време. И двете страни ќе продолжат со меѓусебните закани, но многу е тешко да се замисли целосна победа на која и да било од страните во скоро време“, смета Принја Теванаруемиткул, професор по право на Универзитетот „Тамасат“. Шефот на генералштабот Анупонг Паочинда во неделата призна дека некои неактивни офицери им се приклучиле на демонстрантите, но негираше дека е дојдено до тежок расцеп внатре, во редовите на армијата. Од друга страна, повеќе аналитичари тврдат дека добро вооружени одметнати војници, предводени од пензионирани генерали, им се ставиле на располагање на демонстрантите и на нивниот лидер Таксин Шинаватра, кој беше протеран од премиерското место од страна на војската во 2006 година. „Црвените кошули“ тврдат дека сегашниот премиер Абхисит во 2008 година дошол на власт нелигитимно, преку колалиција составена од армијата, откако претходно судот ја укина коалиционата партија на поддржувачите на Таксин, со што тие останаа без мнозинство и паднаа од власт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија прогласија воздушна тревога и пријавија прекини на струја и греење поради украински напади со дронови и ракети
Неколку региони во Русија прогласија воздушна тревога и пријавија прекини на струја и греење поради украински напади со дронови и ракети.
Во Белгородската област, која се граничи со Украина на запад, гувернерот Вјачеслав Гладков денеска на Телеграм напиша дека еден напад ја оштетил енергетската и грејната инфраструктура на градот. Тој додаде дека се вршат поправки, а пријавени се и оштетувања на објекти и возила.
Во соседната Воронежка област, која се граничи со Белгород на исток, гувернерот Александар Гусев исто така пријави ракетни и напади со дронови, наведувајќи дека противвоздушната одбрана пресретнала дел од дроновите.
Пожар во едно општинска постројка бил брзо изгаснат, иако непотврдени извештаи на социјалните мрежи тврдат дека била погодена градската комбинирана термоелектрана.
Гусев предупреди дека делови од Воронеж би можеле привремено да останат без струја и да имаат прекини во греењето. Тој исто така пријави оштетувања на објекти на една градежна компанија и неколку возила. На жителите им беше препорачано да се засолнат во бункери како мерка на претпазливост.
Во градот Таганрог во Ростовската област исто така имаше извештаи на социјалните мрежи за експлозии и прекини на електрична енергија.
Во меѓувреме, Украина соопшти дека претрпела десетици напади, нарекувајќи ги едни од најжестоките руски ракетни и напади со дронови врз нејзината енергетска инфраструктура од почетокот на војната.
Од 69 напади со дронови, 34 биле одбиени, според украинските власти. Ден претходно, Русија изврши напади со 458 дронови, 45 ракети и крстосувачки проектили.
Народот на Украина и понатаму е сериозно погоден од прекини на струја, греење и топла вода, пренесе ДПА.
Свет
Три лица загинаа, а 15 се повредени откако Тенерифе го погодија џиновски бранови
Џиновски бранови однесоа десетина луѓе во морето кај Тенерифе, вклучувајќи многу туристи, при што три лица загинаа, а 15 се повредени, соопштија регионалните власти на шпанскиот туристички остров, пренесе ДПА.
Весникот „Диарио де Ависос“ денеска објави дека три лица загинале вчера „трагичен ден“ покрај брегот на Тенерифе.
Една од жртвите била 79-годишна холандска државјанка, според медиумските извештаи. Властите ја потврдиле нејзината националност, но нејзината точна возраст сè уште не е потврдена.
Инцидентот се случи вчера попладне во Пуерто де ла Крус, град на северниот брег на Канарскиот Остров, кога силата на брановите ја однеле неа и уште девет лица во водата.
Полицајците и случајните минувачи успеале да ги извлечат сите на брегот. За жал, Холанѓанката доживеала срцев удар и починала и покрај обидите за реанимација од страна на болничарите на местото на настанот.
Останатите девет лица, меѓу кои и тројца француски туристи, се пренесени во болница со различни повреди, од кои некои се сериозни.
Втора жртва е пријавена во Чарко дел Виенто, на околу 15 километри западно од Пуерто Ла Крус. 43-годишен Шпанец паднал во морето додека ловел риба.
Тој бил брзо спасен со хеликоптер, но болничарите можеле само да ја констатираат неговата смрт, според весникот „Ел Дија“. Властите веруваат дека најверојатно бил удрен од џиновски бран, иако немало очевидци.
Свет
Пожар зафати над 1.000 хектари шума во Нов Зеланд
Пожарникарите во Нов Зеланд повторно ја започнаа борбата со неконтролиран шумски пожар што зафати повеќе од 1.000 хектари во националниот парк „Тонгариро“ на Северниот остров, соопшти утринава противпожарната и спасувачка служба.
Пожарот започнал вчера попладне во популарната туристичка област „Тонгариро“, а околу 40 туристи биле евакуирани по воздушен пат. Акциите биле привремено прекинати преку ноќ поради безбедносни причини.
Заменик-командантот на противпожарната служба Ник Вест изјави дека пожарот се проширил во текот на ноќта, но засега нема информации за оштетени објекти или дополнителни евакуации.
Вест најави дека денеска преку воздушно извидување ќе се потврдат размерите на пожарот, а според првичните проценки, неговото ставање под контрола би можело да потрае уште најмалку еден ден.
Во акцијата се вклучени шест противпожарни возила и пет цистерни за вода, поддржани од шест хеликоптери и два авиони, соопшти службата.

