Скопје
Чисто и зелено Водно, еколошка акција на радио Бубамара
Радио Бубамара, во сабота, прославува 20 години постоење со весела еколошка акција за голем број љубители на природата и на добрата музика.
Радио Бубамара, во сабота, прославува 20 години постоење со весела еколошка акција за голем број љубители на природата и на добрата музика.
Во акцијата ќе се организира собирање и селектирање на пластични шишиња, ќеси, конзерви и друг отпад што се наоѓа околу планинарските патеки на Водно.
Освен Црвениот крст, планинарски и маунтбајк-друштва, здруженија и средни училишта, во акцијата поканети се и вработените од Град Скопје, скопските општини, граѓани, компании, еколошки друштва и рекреативци што ја сакаат природата и го знаат значењето на зелено, чисто и пошумено Водно.
Пакомак ќе постави контејнери за селектирање на отпад на 4 пунктови: кај полициската станица во подножјето на Водно, средно Водно на паркингот кај влезот на жичарата, на паркингот кај Пантелејмон и на врвот кај Милениумскиот крст.
Акцијата почна со симболично садење на дрва и чистење на Водно со поддршка од скопските извиднички друштва, Пакомак и рок-легендите Влатко Стефановски и Парни ваљак, а ќе продолжи со мал еколошко-планинарски концерт, садење на 40 дрва и креирање на цветно паркче.
Пластичните шишиња и ќесите во природата имаат негативно влијание врз почвата и развојот на целата вегетација, а за нивното распаѓање потребни се повеќе од 500 години, затоа сите граѓани кои во следните две недели за време на викендите ќе го посетат Водно или која било планина, нека земат со себе ќесичка и нека соберат барем по десет отпадоци, а отпадот нека го фрлаат во контејнерите на Пакомак, кој покрај Град Скопје и водечките општини е еколошки партнер во оваа акција и ја обезбедува целата логистика и подигање на собраниот отпад. Во акцијат можат да се вклучат сите граѓани, компании и институции , под мотото: Не е време за на улица, време е за во – шума! Да го исчистиме ѓубрето од Водно!/крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Посебен режим на сообраќај во Скопје поради денот на полицијата
Министерството за внатрешни работи ги известува граѓаните на Скопје дека поради одржување на настан за одбележување „7 Мај – Ден на полиција“, во периодот од 08.00 до 18.00 часот за сообраќај ќе биде затворен бул.„АСНОМ“ на потегот од крстосница со бул.„Србија“ до крстосница со бул.„Февруарски поход“. Единицата за безбедност на патниот сообраќај при СВР Скопје ќе преземе мерки за пренасочување на сообраќајот.
Секторот за внатрешни работи Скопје апелира до сите учесници во сообраќајот да се почитуваат наредбите кои ќе ги даваат полициските службеници.
Скопје
Посебен режим на сообраќај утре во Скопје поради денот на полицијата
Министерството за внатрешни работи ги известува граѓаните на Скопје дека утре поради одржување на настан за одбележување „7 Мај – Ден на полиција“, во периодот од 08.00 до 18.00 часот за сообраќај ќе биде затворен бул.„АСНОМ“ на потегот од крстосница со бул.„Србија“ до крстосница со бул.„Февруарски поход“. Единицата за безбедност на патниот сообраќај при СВР Скопје ќе преземе мерки за пренасочување на сообраќајот.
Секторот за внатрешни работи Скопје апелира до сите учесници во сообраќајот да се почитуваат наредбите кои ќе ги даваат полициските службеници.
Скопје
Посебен режим на сообраќај во Скопје в сабота
Министерството за внатрешни работи ги известува граѓаните на Скопје дека на 04.05.2024 (сабота), поради одржување на манифестација по повод годишнината од смртта на македонскиот револуционер Гоце Делчев во црквата „Св. Спас“ во Скопје, Единицата за безбедност на патниот сообраќај при СВР Скопје по потреба ќе преземе мерки за посебен режим на сообраќајот, односно по потреба за сообраќај ќе биде затворена улицата „Самоилова“ на потегот од улицата „Иљо Војвода“ (виадукт Самоилова) до крстосница со улицата „Прохор Пчински“.
Министерството за внатрешни работи, исто така, ги известува граѓаните на Скопје дека на 04.05.2024 (сабота), Единицата за безбедност на патниот сообраќај при СВР Скопје ќе воведе посебен режим на сообраќај за одредени сообраќајници во централното градско подрачје на Град Скопје, како и во општините Ѓорче Петров и Аеродром.
На 04.05.2024 во периодот од 18.00 часот до завршување на манифестацијата по повод верскиот празник Воскресение Христово Велигден, во центарот на градот по потреба за сообраќај ќе бидат затворени: 1. Бул.„Партизански одреди” од крстосницата со ул.„Франклин Рузвелт” до крстосницата со бул.„ВМРО”. 2. Бул.„Св.Климент Охридски” од крстосницата со бул.„Илинден” до крстосницата со ул.„Димитрие Чуповски”. 3. На возилата од јавниот градски превоз, кои поминуваат преку мостот „Гоце Делчев”, по потреба ќе им се менува трасата на движење, при што ќе се движат по бул.„Илинден” и преку ул.„Франклин Рузвелт” ќе се вклучуваат на бул.„Партизански Одреди”, додека автобусите кои што поминуваат преку Центар ќе се движат по ул.„Митрополит Теодосиј Гологанов”, по што преку ул.„Франклин Рузвелт” ќе се вклучуваат на бул.„Партизански Одреди”.
Во спротивна насока автобусите ќе ги користат истите сообраќајници. Во општина Ѓорче Петров, по потреба, за сообраќај ќе се затвора ул.„Македонска војска“ пред црквата „Свети Петар и Павле“ на потегот од крстосница со бул.„Партизански Одреди“ до ул.„Ѓорче Петров“.
Во општина Аеродром, по потреба, за сообраќај ќе биде затворен локалниот пат кон село Лисиче. Исто така, по потреба за сообраќај ќе бидат затворани и други сообраќајници кои гравитираат околу верските објекти. Секторот за внатрешни работи Скопје апелира до граѓаните да ги почитуваат наредбите кои ќе ги даваат полициските службеници по сообраќајниците каде што ќе се одвиваат настаните.