Спорт
ПАО прв финалист во Евро лигата
Кошаркарите на Панатинаикос се првите финалисти во Евро лигата. Грчкиот тим на завршниот турнир чии домаќин е Барселона, во полуфиналето ја совладаа екипата на Монтепаски Сиена со 77:69.
Кошаркарите на Панатинаикос се првите финалисти во Евро лигата. Грчкиот тим на завршниот турнир чии домаќин е Барселона, во полуфиналето ја совладаа екипата на Монтепаски Сиена со 77:69. Панатинаикос лошо го започна мечот имаше негатива во поголемиот дел во првото полувреме, но во вториот дел, благодарение на зонската одбрана и проблемите со личните грешки со кои се соочија играчите на Монтепаски заслужено стигна до победата. Панатинаикос во финалето кое на програмата е в недела ќе се обиде да стигне до шестата титула шампион на Европа. Предводникот од клупата на „зелените“ од Атина, Жељко Обрадовиќ во финалето ќе ја „брка“ својата осма титула во кариерата.Ник Калатес со 17 поени беше најефикасен кај Панатинаикос, поен помалку постигна Мајк Батист, двоцифрен учинок, 14 поени, имаше и Антонис Фотцис. Кај Монтепаски, натурализираниот Македонец, Лестер Бо Мекејлеб одигра нешто помалку од 17 минути, период во кој постигна 7 поени и имаше 4 асистенции. Најефикасен во италијанскиот тим беше Римантас Каукенас со 13 поени. Противникот во финалето на Панатинаикос ќе му биде победникот од второто полуфинале, Макаби-Реал Мадрид. Финалниот натпревар в недела ќе се одигра од 16:30 часот, претходно од 13:30 часот за третото место ќе се борат Монтепаски и поразениот од второто полуфинале. крај/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.