Македонија
Новинарите бараат средба со претседателот на Кривичниот суд и слобода за Кежаровски
Новинарите, односно иницијативниот одбор за ослободување од притвор на новинарот на Нова Македонија, Томислав Кежаровски, бараат средба со претседателот на Основниот суд Скопје, Владимир Панчевски.
„Сметаме дека прекршени се законите, Уставот, правната процедура при определувањето на притвор за Кежаровски, а во решението судијката дала смешни образложенија. Сакаме да го информираме Панчевски дека новинарот Кежаровски доколку се брани од слобода за случајот за кој е осомничен дека ќе биде достапен на правдата и дека нема потреба за негово притворање бидејќи случајот е стар пет години, ниту може да влијае на сведоците ниту, пак, може да влијае на јавноста“, изјави главниот и одговорен уредник на Нова Македонија, Зоран Димитровски.
Новинарите во петокот излегоа на протест и бараат слобода за нивниот колега. Кежаровски беше приведен минатата недела за откривање на идентитет на заштитениот сведок во случајот Ореше. За овој случај двајцата браќа кои беа обвинети дека го убиле старецот од Ореше се ослободени. Заштитениот сведок, пак, пред извесно време го откри идентитетот и рече дека бил присилен од инспектори во полицијата да биде заштитен сведок./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.