Скопје
Булеварот „Митрополит Теодосиј Гологанов“ готов до крај на мај
Градежните работи на булеварот „Митрополит Теодосиј Гологанов“ која е важна сообраќајница влегуваат во завршна фаза и се очекува сите градежни работи, во зависност од временските услови, да бидат готови до крајот на мај.
Градежните работи на булеварот „Митрополит Теодосиј Гологанов“ која е важна сообраќајница влегуваат во завршна фаза и се очекува сите градежни работи, во зависност од временските услови, да бидат готови до крајот на мај.
Градоначалникот на Град Скопје Коце Трајановски, во сабота на терен изврши увид во градежните работи од третата фаза од проектот за реконструкција и проширување на булеварот “Митрополит Теодосиј Гологанов”.
koce1Untitled-1
Станува збор за реконструкција и проширување на оваа сообраќајница на потегот од крстосницата со булеварот „8.Септември” до улицата “Московска”, кај студентскиот дом „Гоце Делчев”.
„Проширувањето и реконструкцијата на третиот дел од булеварот Митрополит Теодосиј Гологанов е уште еден капитален проект на Градот Скопје којшто ќе овозможи побезбедно одвивање на сообраќајот, намалување на метежот и скратување на времето на патување“, рече Трајановски.
Во овој момент се гребе постојниот асфалт на сообраќајницата за да се нанесе порамнувачкиот асфалтен слој со дебелина од 6 сантиметри. Потоа, ќе се асфалтира со завршниот слој асфалт, „Сплит Мастикс“ на вкупна површина од 19.500 квадратни метри и ќе се обележи хоризонталната сигнализација.
„Градежните работи на оваа важна сообраќајница влегуваат во завршна фаза и очекуваме сите градежни работи, во зависност од временските услови, да бидат готови до крајот на месец мај. Притоа, би сакал да им се извинам на граѓаните кои ја користат оваа сообраќајница за потешкотиите изминатиов период, поради доцнењето на реализацијата на овој проект поради проблеми со подземните инсталации. Сакам да апелирам до граѓаните, додека траат финалните градежни работи на оваа делница внимателно да се вклучуваат во сообраќајот и да ја прилагодат брзината на движење кон условите на патот“, рече градоначалникот Трајановски.
Третата делница од булеварот “Митрополит Теодосиј Гологанов” е долга 1.600 метри, се веќе формирани 4 коловозни ленти, по две во секоја насока. Според проектот, од двете страни на проширениот коловоз се изградени тротоари со ширина од по 3,5 метри, со вкупна површина од 9.550 метри, коишто се покриени со павер-елементи. Градежните работи на третиот дел од булеварот “Митрополит Теодосиј Гологанов” беа искористени за да се постави нова атмосферска канализација со вкупна должина од 1.493 метри и профил од 200, 400, 600 и од 1.200 милиметри. На терен беше извршена и реконструкција на постојната фекална мрежа, при што на должина од 226 метри се поставени цевки со профил од 600 и 300 милиметри. Беше извршена заштита и на гасоводната цевка со профил од 400 милиметри. На проширување и реконструкција на третиот дел од булеварот “Митрополит Теодосиј Гологанов” работат градежниците на Трансмет ДОО Скопје. Градот Скопје за овој обемен проект ќе потроши околу 81 милион денари.
Третиот дел од проширениот булевар “Митрополит Теодосиј Гологанов” го осветлуваат 82 столба за улично осветлување на коишто се поставени 108 светилки со моќност од 250 W. На осветлување на новореконструираната делница работеа екипите на фирмата „Магнус Инжинеринг“, а за овој зафат Градот Скопје одвои околу 11,6 милиони денари.
Паралелно со проширување и реконструкција на третиот дел од булеварот “Митрополит Теодосиј Гологанов”, продолжува и изградбата на вториот и третиот дел од паркот “Македонија” коишто се протега по должината на булеварот „Митрополит Теодосиј Гологанов“, од улицата „Братфордска“ до индивидуалните куќи.
„Овој парк ќе претставува едно убаво и пријатно катче за одмор и рекреација на жителите на Скопје. Новиот дел од паркот “Македонија” се простираа на површина од околу 32.000 метри квадратни, каде ќе биде поставена нова хидрантска мрежа и 332 нови прскалки. Покрај новото зеленило, во двата паркови ќе бидат засадени 400 нови дрвја, а ќе има и содржини наменети за децата, односно ќе се постават детски реквизити направени од дрво, еко-реквизити и летниковци. Во новиот дел ќе се изградат трим патеки покриени со бела ризла и асфалтирани патека со клупи за седење, корпи за отпадоци и друга урбана опрема. По должината на трим патеките ќе се формираат површини коишто граѓаните ќе можат да ги користат за одмор и рекреација, а во еден дел ќе се постават и фитнес-реквизити за вежбање. Очекувам градежните работи да завршат кон крајот на месец мај, поточно да завршат паралелно со градежните работи на булеварот“, изјави градоначалникот Трајановски.
На новите делови од паркот Македонија работеа јавните претпријатија “Паркови и зеленило” и “Улици и патишта”, а вкупната инвестиција на Градот Скопје изнесува околу 15 милиони денари./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Посебен режим на сообраќај во Скопје в сабота
Министерството за внатрешни работи ги известува граѓаните на Скопје дека на 04.05.2024 (сабота), поради одржување на манифестација по повод годишнината од смртта на македонскиот револуционер Гоце Делчев во црквата „Св. Спас“ во Скопје, Единицата за безбедност на патниот сообраќај при СВР Скопје по потреба ќе преземе мерки за посебен режим на сообраќајот, односно по потреба за сообраќај ќе биде затворена улицата „Самоилова“ на потегот од улицата „Иљо Војвода“ (виадукт Самоилова) до крстосница со улицата „Прохор Пчински“.
Министерството за внатрешни работи, исто така, ги известува граѓаните на Скопје дека на 04.05.2024 (сабота), Единицата за безбедност на патниот сообраќај при СВР Скопје ќе воведе посебен режим на сообраќај за одредени сообраќајници во централното градско подрачје на Град Скопје, како и во општините Ѓорче Петров и Аеродром.
На 04.05.2024 во периодот од 18.00 часот до завршување на манифестацијата по повод верскиот празник Воскресение Христово Велигден, во центарот на градот по потреба за сообраќај ќе бидат затворени: 1. Бул.„Партизански одреди” од крстосницата со ул.„Франклин Рузвелт” до крстосницата со бул.„ВМРО”. 2. Бул.„Св.Климент Охридски” од крстосницата со бул.„Илинден” до крстосницата со ул.„Димитрие Чуповски”. 3. На возилата од јавниот градски превоз, кои поминуваат преку мостот „Гоце Делчев”, по потреба ќе им се менува трасата на движење, при што ќе се движат по бул.„Илинден” и преку ул.„Франклин Рузвелт” ќе се вклучуваат на бул.„Партизански Одреди”, додека автобусите кои што поминуваат преку Центар ќе се движат по ул.„Митрополит Теодосиј Гологанов”, по што преку ул.„Франклин Рузвелт” ќе се вклучуваат на бул.„Партизански Одреди”.
Во спротивна насока автобусите ќе ги користат истите сообраќајници. Во општина Ѓорче Петров, по потреба, за сообраќај ќе се затвора ул.„Македонска војска“ пред црквата „Свети Петар и Павле“ на потегот од крстосница со бул.„Партизански Одреди“ до ул.„Ѓорче Петров“.
Во општина Аеродром, по потреба, за сообраќај ќе биде затворен локалниот пат кон село Лисиче. Исто така, по потреба за сообраќај ќе бидат затворани и други сообраќајници кои гравитираат околу верските објекти. Секторот за внатрешни работи Скопје апелира до граѓаните да ги почитуваат наредбите кои ќе ги даваат полициските службеници по сообраќајниците каде што ќе се одвиваат настаните.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Скопје
Нема да се наплаќа паркирањето во Центар за време на Велигденските празници, извести ПОЦ
Паркирањето во oпштина Центар за време на Велигденските празници ќе биде без наплата за сите граѓани. На 03.05.(петок), 05.05. (недела) и 06.05.2024 година (понеделник) граѓаните ќе можат да паркираат без надомест на сите паркиралишта со кои стопанисува ЈП Паркинзи на Општина Центар, извести ПОЦ.
Согласно програмата за неработни денови за 2024 година на Министерството за труд и социјална политика, 04.05.2024 година (сабота) е работен ден и следствено на тоа паркиралиштата со кои стопанисува ЈП ПОЦ ќе работат со вообичаено работно време.
Депото на „Пајак“ службата на ЈП ПОЦ ќе работи 24/7 за време на празниците.
Редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи на 07.05.2024 година (вторник) со вообичаено работно време, се додава во соопштението на ПОЦ.