Свет
Клинтон му се закани на режимот на Асад со „последици“ за насилството во Сирија
Американската државна секретар Хилари Клинтон во неделата ги повика сириските власти да престанат со воените операции против цивилите, велејќи дека во спротивно Дамаск ризикува да се соочи со „сериозни последици“, јавува Reutеrs.
„Нашата порака треба да им биде јасна на оние коишто издаваат наредби и оние коишто ги спроведуваат: прекинување на убиствата на своите граѓани, или ќе се соочат со сериозни последици“, изјави државната секретарка на САД, Хилари Клинтон, говорејќи во Истанбул во неделата на втората конференција на групата Пријатели на Сирија, на којашто присуствува и шефот на македонската дипломатија Никола Попоски.
Клинтон изрази сомнежи во сириското прифаќање на мировниот план на специјалниот претеник на Обединетите нации и Арапската лига, Кофи Анан.
Американската државна секретарка, исто така, ја повика сириската опозиција да развие политички план за решавање на ситуацијата во земјата. Таа соопштила дека САД на сириската граѓанска опозиција ќе и’ обезбедат комуникациска опрема.
Претставниците на околу 80 земји и меѓународни органзиации во турската метропола Истанбул во неделата треба да донесат одлука за начинот на кој ќе се спроведуваат притисоци врз режимот на сирискиот претседател Башар ал-Асад да го почитува планот на Кофи Анан, кој претходно изјави дека го прифаќа, за излегување од кризата.
„Сирија не ги исполни своите ветувања. Имајќи ја предвид хуманитарната трагедија во Сирија, време е за акција“, изјави на почетокот од конференцијата турскиот премиер Реџеп Таип Ердоган.
„Не можеме да дозволиме дека режимот Асад да го користи ‘планот на Анан’, со цел да добие во време. Советот за безбедност на ОН е должен да го сопре владејачкиот режим во Сирија“, дополнил Ердоган, пренесува РИА Новости.
Тој истакна дека неговата земја е на страната на сирискиот народ, го поддржува и се надева дека тој ќе биде „умее самиот да ја реши својата судбина“.
„Турција не се меша и нема намера да се меша во внатрешните работи на другите земји“, рекол Ердоган, додавајќи дека на „човечката драма“ во Сирија не може да се остане рамнодушен кон она што се случува од страна на меѓународната заедница.
„Ние се залагаме за итен прекин на крвопролевањето во Сирија. Сирискиот народ треба да знае дека не е осамен“, додал турскиот премиер.
Ердоган, исто така, соопштил дека бројот бегалци од Сирија во Турција, изнесува приближно 20 илјади лица.
Турскиот министер за надворешни работи, Ахмет Давутоглу, пак, изразил надеж дека на средбата во Истанбул ќе се олесни почетокот на решавањето на сириската криза. „Денеска во Истанбул нѐ собра решителноста што е можно поскоро да се стави крај на насилството што го опустоши нашиот братски сириски народ, и желбата да се обезбеди секаква поддршка за создавање светла иднина за Сирија“, изјавил шефот на турската дипломатија.
„Владејачкиот режим во Сирија, и покрај ветувањето дадено на Кофи Анан (да се запре насилството), продолжува да го уништува сопствениот народ. Сирискиот народ денеска сака да слушне од нас дека не е сам ….“, рекол Давутоглу.
На втората конференција на групата Пријатели на Сирија, по февруарската што се одржи во Тунис, присуствува и челникот на Сирискиот национален совет (SNC), главната опозициска груапција, Бурхан Галиун, кој во саботата конференцијата ја повика да ги вооружи бунтовниците на Војската на слободна Сирија.
„SNC го изразува барањето на сирискиот народ. Неколкупати повикувавме на вооружувањето на Војската на слободна Сирија. Сакаме конференцијата Пријатели на Сирија да го исполни тоа барање. Очекуваме од меѓународната заедница одлука за одбрана на граѓаните изложени на секојдневни страдања“, изјавил Галиун.
За оваа идеја, којашто ја отфрлаат САД, повеќе арапски и европски земји, се залагаат Катар и Саудиска Арабија, чиј министер за надворешни работи принцот Суад ал-Фејсал во саботата го повтори повикот за вооружување на сириската опозиција, велејќи дека тоа е „должност“.
Во петокот навечер, портпаролот на сириското министерство за надворешни работи за државната телевизија изјави дека „борбата чијашто цел беше да се урне сириската држава, засекогаш пропадна, а почнува една друга битка, битката за консолидација на стабилнсота и за изградба на нова Сирија“.
Сириските власти во неделата, пак, соопштија дека планираните први прекини на огнот нема да се случат. Портпаролот на министерството за надворешни работи на Сирија, Џихад Макдиши, објасни дека владата нема да ги повлече војниците и тенковите од градовите каде несигурноста продолжува, сѐ додека таму не се воспостави нормалниот живот.
Планиот на специјалниот пратеник на ОН и на Арапската лига, поранешниот генерален секретар на светската организација, Кофи Анан, во прв ред претпоставува итен прекин на насилствата во Сирија, почеток на внатрешен политички дијалог, повлекување на владините трупи и итно обезбедување хуманитарната помош да биде доставена до провинции погодени со вооружените конфликти. Советот за безбедност на ОН на 21-ви март едногласно го усвои извештајот со кој се изразува „целосна поддршка“ на предлозите на Анан за решавање на ситуацијата во Сирија.
На конференцијата во Истанбул, како што се очекува, треба Сирискиот национален совет (SNC) да биде признаен како „единствен претставник на сирискиот народ“, да се формира меѓународен фонд за обезбедување хуманитарна помош за Сирија и да се изрази поддршка за „планот на Анан“ за решавање на сириската криза.
На конференцијата Пријатели на Сирија, на ниво на министри за надворешни работи, не присуствуваат претставници на членките на Советот за безбедност на ОН, Русија и Кина. Москва и Пекинг соопштија дека не ги поддржуваат активностите во такви форми како што е групата Пријатели на Сирија, имајќи предвид, според нив, дека водечката улога во решавањето на сириската криза треба да ја има Советот за безбедност на ОН./крај/мф/сн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин разговараше по телефон со Нетанјаху за ситуацијата на Блискиот Исток
Рускиот претседател Владимир Путин разговараше по телефон со израелскиот премиер Бенјамин Нетанјаху за ситуацијата на Блискиот Исток.
„Беше разговарано за ситуацијата на Блискиот Исток и во Иран. Владимир Путин ги презентираше своите основни пристапи за интензивирање на политичките и дипломатските напори за обезбедување стабилност и безбедност во регионот“, соопшти прес-службата на Кремљ, пренесува РИА Новости.
Како што е наведено, Путин ја потврди подготвеноста на Русија да преземе медијаторски напори за конструктивен дијалог, а двете страни се согласија да продолжат со контактите на различни нивоа, пренесува Танјуг.
Фото: ЕПА
Свет
Италијански метеоролози: Зимата менува брзина, очекувајте „атмосферска револуција“ до крајот на јануари
„Нова атмосферска револуција се очекува кон крајот на јануари и ќе влијае на поголемиот дел од Европа“, најавуваат метеоролозите.
Додека Србија веќе се подготвува за доаѓањето на сибирскиот антициклон, постудено и понестабилно време најавуваат и италијанските метеоролози.
Метеорологот Матија Гусони објави на порталот „iLMeteo“ дека зимата „ја менува брзината“ кон крајот на јануари.
„Нова атмосферска револуција се очекува кон крајот на јануари, со директни последици и за Италија. Вниманието ќе биде особено насочено од 24 до 25 јануари па натаму, кога влегувањето на многу нестабилни и прогресивно постудени воздушни маси од поларно потекло во медитеранскиот басен би можело да доведе до значително влошување на временските услови. Накратко, зимата менува брзина.
Тоа открива дека последиците ќе се манифестираат во зголемена атмосферска нестабилност, широко распространети и локално обилни врнежи, придружени со пад на температурата и посилни ветрови. Сепак, развојот на ситуацијата треба да се следи, „бидејќи малите промени во патеката на воздушните маси можат значително да влијаат на распределбата и интензитетот на овие феномени“.
Тој апелира на внимателност.
„Бидете внимателни, она што се очекува кон крајот на јануари би било вистинска револуција, бидејќи температурите повторно би паднале под просекот, не само во Италија, туку и на поголемиот дел од Стариот континент. Доколку ова се потврди, можеме да очекуваме уште еден многу студен бран, проследен со лошо време: во таква ситуација, покрај дождот, снегот би можел да достигне и многу ниски надморски височини“, забележува тој.
Свет
Планoт за брз влез на Украина во ЕУ предизвика загриженост во Брисел
Брисел разгледува можност за напуштање на досегашниот модел на проширување на Европската Унија и воведување т.н. двослоен модел на членство, со цел побрзо приклучување на Украина, пишува „Фајненшл тајмс“, повикувајќи се на седум високи европски функционери.
Според нацрт-предлозите, Украина би можела да влезе во ЕУ уште во 2027 година, како дел од можен мировен договор посредуван од САД, иако проценките во Унијата се дека на земјата ѝ се потребни и до десет години реформи за целосно членство.
Таканаречениот „олеснет модел“ би ѝ овозможил на Украина пристап до делови од единствениот пазар и европските фондови, но без целосни гласачки права во првата фаза. Овој пристап би значел радикална промена на правилата утврдени уште во 1993 година.
Иако некои европски дипломати сметаат дека „вонредните времиња бараат вонредни мерки“, други предупредуваат дека ваквиот модел може да го поткопа единството на Унијата и да ја намали вредноста на членството.
„Тоа е замка што ја поставија Путин и Трамп, а ние влегуваме во неа“, изјавил еден европски дипломат.
Процесот на пристапување на Украина во моментов е блокиран од Унгарија, која го користи правото на вето. Во исто време, дел од земјите членки се против секој модел што би создал двослоен систем на членство.
Се предупредува дека ваквото решение би имало последици и за други кандидати.
Земјотрес од Албанија почувствуван во Охрид и Струга
Телеметриската сеизмолошка мрежа на Република Северна Македонија денеска во 11 часот и 28 минути регистрира земјотрес со епицентар во соседна...
Преку фирми и даночни измами биле извлечени 4,8 милиони евра од државата – Обвинителството гони 20 лица, вмешани службеници од УЈП
Под раководство на јавен обвинител од ОЈО ГОКК, истражителите од Истражниот центар при обвинителството, со асистенција на МВР, вчера до...
Планoт за брз влез на Украина во ЕУ предизвика загриженост во Брисел
Брисел разгледува можност за напуштање на досегашниот модел на проширување на Европската Унија и воведување т.н. двослоен модел на членство,...
Почината жена пронајдена во стан во Струга
Вчера во 17:50 часот во ОВР Струга е пријавено дека во стан во Струга е пронајдена почината А.М.(57) од кичевското...
Сведоштво од Иран: „Војна е, нè убиваат затоа што немаат место во затворите“
Информациите од Иран се тешко достапни по петдневна блокада на комуникациите, но една млада жена која успеала да избега во...
(Фото) Макрон се појави пред војниците со црвено и отечено око
Емануел Макрон се појави со црвено око за време на неговото годишно обраќање пред француските војници. Тој се пошегува, користејќи...
Саудиска Арабија, Катар, Турција и Оман испратија предупредување до Трамп
Саудиска Арабија, Катар, Турција и Оман го повикаа американскиот претседател Доналд Трамп да не започнува воздушни напади врз Иран, стравувајќи...
(Видео) Кенеди за исхраната на Трамп: Не знам како е сè уште жив, јаде навистина лоша храна
Американскиот секретар за здравство и човечки услуги, Роберт Ф. Кенеди Џуниор, се осврна на навиките за јадење на Доналд Трамп,...
Венецуела најавува „нова политика“ и отворање на нафтените полиња за странски инвеститори
Привремената претседателка на Венецуела, Делси Родригез, во четвртокот претстави законодавна иницијатива насочена кон зајакнување на нафтената индустрија. Реформите ќе овозможат...
Нови израелски напади врз Газа: убиени членови на Хамас и Исламски џихад
Воен офицер на Хамас, полицаец од палестинското движење и милитант на Исламски џихад се меѓу најмалку десет лица убиени во...
Путин: Светот станува поопасен, ситуацијата на меѓународната сцена се влошува
Рускиот претседател Владимир Путин денес изјави дека меѓународната ситуација се влошила и дека светот станува поопасен, но не ја спомена...
Претреси на повеќе локации поради сомнежи за даночна измама од поголеми размери
Од попладнево, под раководство на јавен обвинител од Основно јавно обвинителство за гонење на организиран криминал и корупција (ОЈО ГОКК),...
Поддршка за новиот закон, пасивното пушење е докажана причина за сериозни болести, велат од Институтот за медицина на трудот
Институтот за медицина на трудот на РСМ, СЗО Колаборативен центар, како водечка јавно-здравствена установа во оваа област, изразува целосна и...
ИЈЗ: Нема потреба од продолжување на зимскиот распуст, грипот на ниво на средна активност
Во втората недела од 2026 година, состојбата со грипот во земјава се наоѓа на ниво на средна активност, со зголемен...
Муцунски: Одлуката на САД не значи крај за туристичките визи и „Ворк енд травел“ програмата
Министерот за надворешни работи, Тимчо Муцунски, појасни што значи одлуката на САД за стопирање на процесот на издавање на визи....
Двомесечно бебе почина во болницата во Кавадарци, телото е предадено на обдукција
Синоќа во ОВР Кавадарци е пријавено дека околу 21:35 часот на детското одделение во Општа болница Кавадарци починало бебе на...
„За почиста Македонија“ со петиција до Владата: казни и за фрлање отпад од автомобилите преку „Сејф сити“
Организацијата „За почиста Македонија“ собра 1.000 потписи за петицијата со која се бара системот за сообраќајни прекршоци „Сејф сити“ да...
Фирма фатена на дело – нелегално вршела поштенски услуги и криумчарела пратки, Царинската управа поднесе кривична пријава против две лица
Царински инспектори од Одделението за истраги, во координирана акција со МВР, УЈП, Агенцијата за пошти и Државниот пазарен инспекторат, извршија...
Израел и Иран постигнаа таен договор преку Русија
Во услови на високи тензии, Израел и Иран тајно разменија пораки, со посредство на Русија, уверувајќи се едни со други...
Иранско судство: Демонстрантот Ерфан Солтани не е осуден на смрт
Иранското судство ги негираше извештаите дека демонстрантот Ерфан Солтани е осуден на смрт, објавија иранските државни медиуми. Солтани претходно беше...
