Македонија
Хоспитализирани 19 нови пациенти со симптоми на А Х1Н1
Вкупно 19 нови пациенти хоспитализирани се во текот на последните 24 часа на четири различни клиниката во Скопје, соопшти во саботата министерството за здравство
Вкупно 19 нови пациенти хоспитализирани се во текот на последните 24 часа на четири различни клиниката во Скопје, соопшти во саботата министерството за здравство
Во текот на последните 24 часа на Клиниката за инфективни болести во Скопје се хоспитализирани 4 нови пациенти сомнителни за инфлуенца А Х1Н1 и таму во моментот се лекуваат 73 пациенти.
Здравствената состојба на сите новопримени пациенти е стабилна, освен кај двајца пациенти, со потешка форма на пневмонија, кои се поставени на респиратор.
Двајца пациенти се хоспитализирани на инфективното одделение во Воената болница, каде вкупно се хоспитализирани 20 лице со симптоми на грип.
На Клиниката за детски болести во Скопје во изминатото деноноќие се хоспитализирани 9 нови пациенти и таму во моментов болнички се лекуваат 41 пациент со симптоми на грип (на возраст од шест месеци до пет години).
Сите новопримени пациенти се со полесна клиничка слика, освен едно дете, со потешка форма на пневмонија.
На Институтот за белодробни заболувања кај децата-Козле, во изминатото деноноќие се хоспитализирани уште четири нови пациенти со полесна форма на пневмонија и таму во моментот се лекуваат 25 деца. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.