Македонија
Муслиманите во Македонија незадоволни од челниците на ИВЗ
Муслиманите со голема доверба во Исламската верска заедница, но незадоволни од челните луѓе во организацијата, е заклучокот од анкетата што ја спроведе Центарот за истражување и креирање политики
Мнозинството муслимани во Македонија, 77,6 отсто, имаат доверба во Исламската верска заедница. Процентот кој немаат доверба е 22 проценти, а само 0,4 отсто од муслиманите не можат да дадат оцена. Ова се резултати од истражувањето за довербата во ИВЗ кое го спроведе Центарот за истражување и креирање политики, во периодот 28, 29 и 30 август 2010 г., на примерок од 716 испитаници. Истражувањето утврдило дека високиот процент на доверба во ИВЗ (77,6 отсто) не значи и доверба во раководните органи. На прашањето „Дали мислите дека со ИВЗ треба да раководи сегашниот претседател?“, само 32,2 отсто од муслиманските верници во Македонија одговориле со Да, додека 35,5 отсто од нив сметаат дека тој не треба да раководи со оваа институција. По ова прашање немаат став 32,3 проценти од испитаниците. Кога станува збор за прашањето „Дали мислите дека со Исламскат авереска заедница треба да раководи сегашниот рпетседател?“, според етничката структура на испитаниците кај Албанците 31,1 отсто одговориле потврдно, 35,6 негативно, а со „не знам“ одговориле 33,3 отсто. Кај Македонците интересно е што 50 проценти се изјасниле на истото прашање со „Да“ и исто толку проценти со „не знам“.Испитаните Турци 46,8 отсто го поддржуват сулејман реџепи на чело на ИВЗ, 28,1 отсто не го поддржуваат а 25,1 отсто немале одговор. Ромите, пак, се поделени по 50 посто за поддршка и против Реџепи. Во бошњачката заедница 33,4 отсто имаат доверба во актуелниот претседател на ИВЗ а 66,6 отсто немаат доверба во него.И довербата на муфтиите беше дел од истражувањето. На прашањето „Дали имате доверба во муфтиите во вашиот град?“, 43,4 отсто од муслиманите одговориле со „Да“, додека со „Не“ одговориле 27,8 проценти. Другите 28,8 отсто испитаници, немале мислење или не ги познаваат муфтиите. На прашањето „Дали треба да раководи сегашниот муфтија?“, поголемиот дел, или 31,7 отсто, одговориле дека немаат мислење или со не го познавам а 25,7 проценти со „Не“, што заедно сочинуваат 57,6 отсто, додека 42.4 проценти одговориле со „Да“. Голем дел од испитаниците сметаат дека ИВЗ не работи транспаретно. Збирот на граѓаните коишто одговориле со „Не“ (33 отсто) и со „Не можам да проценам“ (25 отсто) прави 58 проценти од граѓаните да имаат негативен одговор за работата на оваа инситуција. Само 42 отсто сметаат дека ИВЗ работи транспарентно. Натаму во анкетата е даден преглед на довербата на оваа институција по градови низ Македонија. Речиси 70 отсто од муслиманите во Скопје имаат доверба во Исламската верска заедница, додека другите 30 отсто немаат доверба во оваа институција. На прашањето „Дали со оваа институција треба да раководи сегашниот претседател, со „Да“ одговориле само 17 отсто од скопските муслимани, додека со „Не“ одговориле 50 отсто а другите 3 проценти го дале одговорпт „не знам“ и „не можам да проценам“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.