Европа
Црвените бригади повикуваат на обновување на насилството
![](https://makfax.com.mk/wp-content/uploads/2016/11/3a4ab315-4b7c-4c69-b5d0-b94c6ae32d98.jpeg)
Црвените бригади во петокот наводно во писмо повикале на нови напади против италијанските политичари, банкари и новинари, неколку дена откако претседателот предупреди на можното враќање на насилството во Италија.
„Зората на новата револуција е тука“, се наведува во писмото коешто е доставено до миланскиот весник Il Giornale, се наведува на интернет страницата на весникот чиј сопственик е братот на поранешниот италијански премиер Силвио Берлускони, Паоло Берлускони.
Ова е второ писмо во два дена коешто Црвените бригади го испраќаат до медиумите, но властите уште не потврдуваат дека испраќачот на овие пораки е токму радикалната групација којашто во 1970-те ја тероризираше Италија.
Италијанската новинска агенција ANSA во четвртокот објави писмо што го добила наводно од Црвените бригади, во коешто групацијата ја негираше својата одговорност за бомбашкиот напад врз гимназијата во Бриднизи во кој беше убиена 16-годишна ученичка, Во писмото од петокот, пак, за нападот во Бриндизи е обвинета „фашистичката држава“ зан да го „придуши гневот на масите со страв“.
„Обидот за масакр во Бриндизи, како и на Пјаца Фонтана во 1969 година, очигледно е провокација на фашистичката држава за да се стиши гневот со страв. Меѓутоа, пролетерските маси нема да бидат измамени. На чинот војна, се одговара со војна“, наведено е во наводната порака на Црвените бригади.
Групата во писмото наведува и дека „главни цели на класната борба“ се „главните претставнци на режимските партии и нивните партнери“, „здружението на работодавците, банкарскиот систем и неговите узурпатори“, како и „нивните слуги новинарите“.
Црвените бригади во текот на 1970-те години изведоа голем број терористички напади, вклучувајќи го и убиството на демохристијанскиот премиер Алдо Моро во 1978 година, а во 2002 година го убија советникот на италијанската влада, Марко Биаџи. Италијанскиот претседател Џорџо Наполитано предупреди дека Италија ризикува повторно да се најде во политичкото насилство коешто ја зафати земјата минатиот век./крај/хи/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Намалениот број на станови доведе до раст на кириите во Германија
![](https://makfax.com.mk/wp-content/uploads/2020/03/w_55973217.jpg)
Растат кириите во Германија поради немањето станови во услови на високи градежни трошоци и кредити. Сето тоа го запре градежниот сектор и побарувачката, но и ги намали цените на квадратот, се вели во извештајот на здружението на банките.
Становите во Германија поевтиниле за 4,3 отсто во првиот квартал во однос на истиот период лани, објави здружението на германските банки„Pfandbrief“.
Цените за изнајмување на нови станови се зголемени за 5,6 отсто. Трендот на поскапување на кириите нема да запре, оценуваат од здружението.
„Пазарот за изнајмување станови е под огромен притисок. Побарувачката значително ја надминува понудата“, рече извршниот директор на здружението, Јенс Толкмит.
Трошоците за изградба значително се зголемија во последните години поради повисоките каматни стапки на кредитите и значително повисоките трошоци за работна сила и цените на градежните материјали. Во вакви услови се намали бројот на одобренија за градба, а побарувачката ослабе, што резултираше со пониски цени на становите, смета министерот за финансии.
Според податоците на здружението на банките, цените на недвижностите најмногу паднале во Минхен, за 5,3 отсто.
Во исто време, падот на градежната активност го продлабочува „недостигот“ на станови, зголемувајќи го натамошниот раст на закупнината, кој би можел да продолжи уште некое време.
Здружението оценува дека цените на станбените недвижности треба да се стабилизираат во догледна иднина, за разлика од комерцијалните недвижности, како што се деловните згради и трговските центри.
Цените во тој сегмент паднаа за речиси 10 проценти на годишно ниво и се уште не се гледа „дното“, вели првиот човек на здружението.
Проценките се базираат на податоци за работењето на повеќе од 700 банки кои се активни во финансирањето на недвижен имот, а не на понуди за купување и изнајмување кои служат како основа за Заводот за статистика, забележуваат тие во здружението.
Европа
(Видео) Драма на небото над Трст: забележана несекојдневна појава
![](https://makfax.com.mk/wp-content/uploads/2024/05/3869945_screenshot-20240427-091501_ls.jpg)
Во внатрешноста на заливот Трст, во близина на границата со Словенија, во вторникот попладне се формирал вител.
Италијанските медиуми јавија дека невремето не предизвикало материјална штета, ниту било закана за населението. Интервенцијата на пожарникарите и на пристанишните служби не била потребна.
Waterspout reported in the North Adriatic between the town of Muggia and Koper a few hours ago.
Original video shooting from meteoradar
➡️ https://t.co/SXbq5rbWaj pic.twitter.com/XxRu57Gohs— Alpine-Adriatic Meteorological Society (@aametsoc) May 7, 2024
Италијанската метеоролошка агенција објасни дека ваквите појави не се воопшто ретки и дека се резултат на екстремна нестабилност на атмосферата.
Областа на низок воздушен притисок, која владее со поголемиот дел од Италија, донесе влажни струи во Трстскиот Залив.
„Во овие временски услови, неколку пати годишно може да се појават воздушни вртлози, кои во повеќето случаи се распаѓаат на море“, објаснуваат италијанските метеоролози.
Европа
Венеција заработи огромна сума на пари со наплата на влезници во градот за само 11 дена
![](https://makfax.com.mk/wp-content/uploads/2024/03/venecija-1.jpg)
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.