Во скопската општина Аеродром, Неговото блаженство Архиепископот охридски и македонски г.г. Стефан и свештеници од скопското архиерејско намесништо, во понеделникот извршија осветување и поставување на камен-темелник за изградба на нов храм „Света Троица” чијшто ктитор е Сергеј Самсоненко и неговот семејство, инаку сопственик на машкиот и женскиот ракометен клуб Вардар, како и на фудбалскиот клуб Вардар.

Во присуство на голем број на граѓани, на денешниот настан присуствуваа градоначалникот на општина Аеродром, г. Ивица Коневски, градоначалникот на Скопје, Коце Трајановски, Рускиот амбасадор во Република Македонија, Олег Шчербик, кои заедно со ктиторот на новиот храм, и Неговото блаженство Архиепископот охридски и македонски г.г. Стефан го поставија камен темелникот на новиот храм.

Според ктиторот на овој православен храм, Сергеј Самсоненко, станува збор за спој на руско- македонската историја која ја негуваат овие народи.

„Градењето на овој храм е за мене претставува нешто посебно. Од моето доаѓање во Македонија сфатив дека македонскиот и рускиот народ се многу блиски, дека историјата го покажала вистинското лице на овие народи. Среќен сум што можам да ја зацврстам оваа врска преку моите вложувања во оваа земја. Овој храм е споменик на вековните духовни односи меѓу Македонија и Русија и се надеваме дека ќе овозможи мир и спокој на секого”, рече Самсоненко.

Храмот треба да е готов следната 2015 година./крај./мф/сн