Македонија
Мал број македонски научни трудови објавени во меѓународни научни списанија

Професорите објавуваат мал број научни трудови во меѓународни влијателни стручни списанија.
Професорите објавуваат мал број научни трудови во меѓународни влијателни стручни списанија.
На конкурсот што го отвори Министерството за образование и наука за доделување субвенции, односно еднократни финансиски средства во висина од 15 илјади денари за авторите кои ќе објават вакви трудови, од март досега пријавени се 30 трудови. Од нив осум не ги исполнуваат критериумите за доделување на научни субвениции.
„Ова беше една клучните расправи во изминатиов период, кога дискутиравме за Законот за високо образование. Тогаш се обврзавме како министрство да обезбедиме субвенции. За жал, може да констатирам дека од 300 субвенции кои ги обезбедивме и коишто очекував дека ќе ги распределиме во првите неколку месеци, констатацијата е дека само дестет отсто од трудовите коишто сме подготвени да ги финансираме или да бидат помогнати со субвенциите што сме подготвени да ги дадеме ќе бидат дадени во овој период. Апелирам во наредниот период членовите на академската заедница да се обидат да вложат повеќе труд и да пријават трудови со импакт фактор“, изјави министерот за образование, Никола Тодоров.
Со измените на правилниккот и поблиските критериуми за финансирање на издавачка дејност создадени се можности за доделување на еднократни финансиски средства во висина од 15 илјади денари за научно истражувачки труд од домашен автор во меѓународно научно списание со фактор на влијание или импакт фактор./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мобилните царински тимови со 199 случаи на заплени во 2025 – Трикратно зголемен број на откриени прекршочни и кривични дела

Трикратно е зголемен бројот на заплени од мобилните царински тимови, при Одделението за оперативни работи на Секторот за контрола и истраги, во првите седум месеци од годинава. Вкупно од први јануари заклучно со 31 јули, спроведени се над пет илјади контроли, при што откриени се 199 прекршочни и кривични дела, извести Царинската управа.
Во овој период мобилните царински тимови запленија околу 100 илјади евра девизи, 455 штеки цигари, a откриени се и 27 случаи на повреда на право од интелектуална сопственост, при што запленети се над 26 илјади парчиња стока со потпис на заштитени трговски марки. Во борбата со сериозен криминал, меѓу најзначајните случаи е заплената на 188,6 килограми марихуана – заедничка акција со царинските службеници на граничен премин Богородица. Воедно, на влез во државата мобилните царински тимови спречиja обиди за криумчарење на 21 илегален мигрант.
Само во текот на изминатите денови, при контроли на стока пријавена за увозно царинење во царинска испостава Скопје 4 запленети се над 600 парчиња облека која не била пријавена со царинските документи. Воедно, при контроли на граничен премин Богородица, запленети се 27 штеки цигари без акцизни маркички, скриени во резервна гума на автомобил. Претходно, мобилен царински тим спречи обид за криумчарење 14 семки од канабис и 0,5 грама масло од канабис, како и обид за криумчарење на златен накит вреден 1,3 милиони денари, се наведува во соопштението на Царинската управа.
Од таму истакнуваат дека мобилните тимови остануваат еден од клучните механизми за заштита на финансиските интереси и безбедноста на државата.
Македонија
Герасимовски: Концерт на Јанг Дади на 27 август во Паркот на франкофонијата, ги поканувам сите скопјани на добра музика

На 27 август, Центар ќе пулсира во ритамот на добрата музика. Општина Центар, во рамки на проектот „На одмор сум, во Центар сум“, организира концерт на еден од најактуелните македонски изведувачи Јанг Дади што ќе се одржи во Паркот на франкофонијата, со почеток од 19:00 часот.
Градоначалникот Горан Герасимовски ги поканува сите центарци и скопјани коишто се останати во градот да дојдат и да уживаат во вечер исполнета со позитивна енергија, музика и забава под отворено небо.
„Ги поканувам сите скопјани, млади, семејства, пријатели и сите љубители на музиката да дојдат во Паркот на Франкофонијата и заеднички да уживаме во песните на Јанг Дади. Исто така, Стела и Сани ќе ги забавуваат најмладите, ајде сите заедно да уживаме во вечер исполнета со енергија, смеа и добар ритам. Културата е најубавиот начин да го зближиме градот и затоа ве поканувам да бидеме дел од оваа летна приказна. Ве чекам во среда, на 27 август на музика што поврзува“, вели Герасимовски.
Македонија
Нова дигитална платформа за поврзување на МВР и „Службен весник“ за побрзо објавување изгубени лични документи и вадење нови

Министерството за внатрешни работи продолжува со дигитализацијата на процесите и услугите за граѓаните кои треба да резултираат со побрзи и поефикасни услуги и заштеда на времето на граѓаните кога имаат потреба од услугите на МВР.
„Во таа насока со цел зголемување на ефикасноста и брзата размена на податоци меѓу институциите, Секторот за информатичка технологија при МВР изработи веб решение за размена на податоци за објавување на изгубени или украдени документи кои треба да бидат објавени во Службен весник.
Со ова решение, досегашната практика на размена на податоци помеѓу МВР и Службен весник по пат на електронска пошта се укинува и врз основа на потпишаниот договор помеѓу МВР и Службен Весник, преминува на националната платформа за интероперабилност.
Со овој унапреден начин на работа, Службен Весник на дневно ниво автоматски ќе ги презема пријавените изгубени или украдени документи, со цел нивно објавување за неважечки документи. По нивното објавување, МВР на ист начин, преку националната платформа за интероперабилност, автоматски ги презема објавените неважечки документи од страна на Службен весник и ги ажурира во интерниот систем, со цел граѓаните побрзо да извадат нов документ“, соопшти МВР.