Македонија
Шлумберже: Ја поддржуваме Грција, но и европската перспектива на Македонија
Франција е солидарна со Грција, но тоа не значи дека е против европската перспектива на Македонија, изјави францускиот амбасадор Жан Клод Шлумберже, коментирајќи документ објавен на Викиликс, според кој, неговата земја пред самитот на НАТО во Букурешт не сакала да изврши притисок врз Атина во спорот со името.Според Шлумберже, нема никаква контрадикција со поддршката за Грција и поддршката, што според него, Франција ја давала на Македонија во евроатлантските интеграции.„Ќе ви одговорам дека нема никаква контрадикција во однос на францускиот став и не треба да се мешаат ниту поддршката што ја даваме и пријателството, и прашањата што се поврзани во однос на спорот со името, затоа што Франција и претседателот Саркози во 2008 година, се сеќавате, зборуваше за европската солидарност со Грција и дека познат и е грчкиот став којшто го блокираше влезот во НАТО поради прашањето со името, но Франција отсекогаш велела дека ја поддржува Македонија во својата евро-атланска перспектива. Тоа беше впрочем мошне јасно повторено од страна на истиот претседател Саркози, кога го прими вашиот премиер Груевски во мај 2009-та година и оттогаш можам лично да посведочам, поради тоа што сум овде една година, дека властите од вашата земја сосема добро го сфатија тој став и многу добро знаат дека постои принципот за солидарност и едногласно одлучување во рамките на Европската Унија“, рече Шлумберже.Прашан за случувања во фирмите регистрирани на ул. „Перо Наков“ бб, Шлумберже не сакајќи, како што рече, да навлегува на домашен политички терен, порача дека нормално е во секоја држава да се спроведува финансиска контрола, но истовремено побара тоа да не се инструментализира во политички контекст.Амбасадорот Шлумберже денеска на универзитетот ФОН одржа предавање на тема „НАТО по Лисабонскиот самит“, на кое во однос на Македонија го повтори заклучокот дека земјата ќе стане дел од Алијансата во оној момент кога ќе се надмине спорот со името со Грција. Истовремено, тој рече дека НАТО може да се вклучи со убедување, но и не со вршење на притисок врз Атина и Скопје за надминување на спорот. Порача дека не треба да се очекува некоја земја членка на ЕУ или на НАТО индивидуално да се вклучи во посредништво во спорот. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Битиќи: Патриотски ќе одиме кон повисоки плати и пензии, кон „Едно општество за сите“
„Ова зад мене е Спомен-костурницата, симбол на прогресивното и мултикултурно Куманово, темелот на АСНОМ-ска Македонија. Градот кој во 2015 година го потресе трагедија која беше одраз на еден режим кој сакаше да ја скрши Македонија. Сеќавањата сè уште остро нè потсетуваат и опоменуваат на тие мрачни времиња кога ВМРО-ДПМНЕ ја држеше заробена државата во мрак исполнет со стравови“, вели во видео обраќање од Куманово, Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2.
Тој нагласува дека СДСМ седум години градеше општество на соживот, меѓусебно разбирање и почитување на различностите, притоа предупредувајќи дека „наследниците на режимот бараат повторно да се издигнат од пепелта, нивната шовинистичка политика повторно надвиснува над Македонија“.
Битиќи предупредува дека со ВМРО-ДПМНЕ и неговиот национализам постои опасност државата да се врати во периодот кога имаше поделби на етничка и религиозна основа.
„Со ВМРО-ДПМНЕ и нивниот национализам може само да се вратиме во времето кога вештачки се обидуваа да креираат поделби и раздори на етничка и религиозна основа. На овие парламентарни избори, секој глас за нив, е глас за времињата налик на тие од 11 години режим. Но наспроти нив, стоиме ние, СДСМ и Коалицијата за европска Македонија, со кои, патриотски, а не националистички, ќе одиме кон повисоки плати, повисоки пензии и пред сè, кон Едно општество за сите“, вели Битиќи.
Македонија
ДУИ: Вокабуларот како оној на Мицкоски е агенда на Москва и Путин
Мицкоски и ВМРО почнаа со лажни вести да измислуваат, дезинформираат и оцрнуваат се што е албанско. Ни помалку ни повеќе, денес, Мицкоски во стилот на лажни вести и заслепен од желбата за власт ја обвинува ДУИ и Али Ахмети дека организирале вооружена група некаде во Чаир и Бутел, велат од ДУИ.
ДУИ и Европскиот фронт изразуваат длабока загриженост за подбуцнувачкиот вокабулар на меѓуетничка омраза на Мицкоски една недела пред 8 мај, денот кога Европскиот фронт ќе ја одбележи својата длабока победа.
„Свесен и исплашен дека нивните слуги од албанската опозиција ќе претрпат длабок пораз, Мицкоски намерно ги загрозува меѓуетничките односи предизвикувајќи страв од дестабилизација на ситуацијата, која е желба и главна цел на проруските центри во Северна Македонија. Во оваа прилика, ДУИ и Европскиот фронт ги повикуваат граѓаните, без разлика на етничката припадност, да не станат плен на измислици и поттикнување меѓуетничка омраза, бидејќи вокабуларот како оној на Мицкоски е агенда на Москва и Путин, кои сакаат да ја дестабилизираат Северна Македонија посебно, а и регионот во целина“, дополнуваат од ДУИ.
Потсетувааат на мислењето дека кога ДУИ организирало избори во последните години, тие секогаш биле слободни, демократски и меѓународно прифатени.
Македонија
Мисајловски: Треба да се пофали градоначалникот на Гази Баба Бобан Стефковски и неговиот тим бидејќи има многу проекти
Потпретседателот на ВМРО-ДПМНЕ и носител на листа во ИЕ 2, Владо Мисајловски, денес беше во посета на општина Гази Баба.
-Нови, позитивни работи во Гази Баба. Треба да се пофали градоначалникот Бобан Стефковски и неговиот тим бидејќи многу проекти има. Еве во последниве две години откако е тој градоначалник, можеме да бидеме сведоци на преку 30-тина игралишта, спортски и училишни сали. Многу реконструкции на патишта, водоводи, канализации. Вака навистина се сака Гази Баба и Македонија, рече тој.
Мисајловски потенцира дека е горд на тоа што ветувањата се реализираат.
-Сакам да ги повикам сите граѓани да ни ја дадат поддршката на 8-ми мај за ваквите проекти да продолжат. На 8-ми мај да ставиме печат на една голема историска победа, за да има повеќе средства за сите општини. 250 милиони евра годишно да се даваат на сите општини, вклучително и Гази Баба каде ќе можеме да видиме и други проекти, директно со помош од централната власт, истакна Мисајловски.
Тој потенцира дека промените се во рацете на народот.
-Примените се во твои раце, народе и Македонија останува твоја. Промените треба да ги започне секој еден од нас, порача тој.