Свет
Берлускони: Пишувањето на медиумите за владата е криминално
Италијанскиот премиер Силвио Берлускони денеска рече дека „одвратно и криминално“ е пишувањето на медиумите за потезите на неговата влада, пренесува агенцијата Бета.„Одвратно е и криминално што медиумите се однесуваат како опозиција, неосновано критикувајќи го она што го работат претставниците на владата и Цивилната заштита“, телото задолжено за управување на катастрофата како што е земјотресот во Аквила, рекол Берлускони по владината седница.„Во две ситуации владата покажала извонредни способности, по прашањето за отпадот во Кампања и во соочувањето на последиците од земјотресот во Аквила. Опозициските весници и телевизии сакаат да го уништат она што е направено“, рекол италијанскиот премиер. Берлускони преку своите медиумски групи Медијасет, контролира три водечки приватни телевизиски канали-Канал 5, Рете 4 и Италија 1. Од државните медиуми, РАИ 1 се смета за глас на десницата, а РАИ 3 опозициска телевизија.„Кога ќе кажат дека владата не работи, се прашувам зашто се чувствуваме толку уморни“, прашал денеска Берлускони.крај/бе/пк.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Маж со нож нападнал луѓе во центарот на Осло, полицијата веднаш го уапсила
Норвешката полиција соопшти дека уапсила маж кој избодел едно лице со два ножа и нападнал неколку лица во центарот на Осло.
Инцидентот се случил пред местото на метрото кога расправија излегла од контрола и неименуван маж на возраст од триесет години избодел еден маж во раката и нападнал уште неколку луѓе во близина.
Полицаецот потоа го извадил пиштолот и му наредил на напаѓачот да ги спушти ножевите, пренесува Ројтерс.
Полицијата смета дека нападот не бил мотивиран од тероризам.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.