Свет
Над 400 затвореници си ги зашиле устите во два затвора во Киргистан
Повеќе од 400 затвореници во два затвора во Киргистан си ја зашиле устата во знак на протест затоа што им било забрането слободно да се движат во рамки на затворските загради, изјави денеска шефот на затворските власти во оваа земја.
Повеќе од 400 затвореници во два затвора во Киргистан си ја зашиле устата во знак на протест затоа што им било забрането слободно да се движат во рамки на затворските загради, изјави денеска шефот на затворските власти во оваа земја.„Во притворскиот центар број еден…385 притвореници си ја зашиле устата. Во затворската единица број осум, тоа го направи 61 затвореник“, рече Шејшенбек Бајзаков.Тој додаде дека затворениците бараат право слободно да се движат во затворските згради и со тоа „да продолжат да ги исмеваат чуварите“.„Тоа повеќе нема да се случува. Можат и целата уста да си ја зашијат“, порача Бајзаков на прес конференција во Бишкек.Во затворите во Киргистан од 2005 година чести се бунтовите, штрајковите со глад, случаи на самоповредување, со кои затворениците најчесто протестираат заради условите во кои ги издржуваат казните.Властите во Киргистан ги обвинуваат криминалните групи дека стојат зад овие бунтови, за да можат да го контролираат шверцот во затворите. /крај/б/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија ја нападна Украина со 68 дронови
Русија синоќа истрела 68 беспилотни летала и четири ракети врз Украина, соопшти украинската армија.
„Две балистички ракети Искандер-М ги погодија регионите на Полтава и Одеса, а две ракети Х-59 беа лансирани кон регионите Чернихив и Суми“, соопштија украинските воздухопловни сили на апликацијата за комуникација Телеграм.
Украинските сили за противвоздушна одбрана, наводно, уништиле 31 дрон.
Свет
Украинската армија цврсто ги држи позициите во регионот Курск, вели Зеленски
Претседателот на Украина, Володимир Зеленски синоќа изјави дека украинската армија цврсто ги држи позициите во регионот Курск, иако руската армија се обидува да ги врати назад.
– Во врска со операцијата Курск, Русија се обиде да ги потисне нашите позиции, но ние се држиме, изјави Зеленски во вечерното радио обраќање.
Руската армија на почетокот на неделата соопшти дека вратила две села во Курската област и најави дека ќе продолжи со акциите за истиснување на украинските сили од нејзината територија.
Зеленски призна дека украинскиот упад во регионот Курск во август беше осмислен за да се повлечат руските војници од позициите во источна Украина, каде што напредуваа изминатите месеци.
Руските војници сè уште напредуваат во источна Украина, особено кон Покровск, клучен логистички центар за украинските сили.
Регион
Во Македонија почувствуван земјотрес, епицентарот е во Врање
Земјотрес со јачина од 4 степени според Рихтеровата скала утрово ја погоди јужна Србија, а истиот е почувствуван и во Македонија и во Бугарија.
Епицентарот на земјотресот бил на 12 километри североисточно од Врање, а потресот бил на длабочина од 14 километри и се почувствувал во 4 часот и 48 минути по локално време.